यु-१९ एसिया कपको लागि नेपालको तयारी सुरु

Rohit Paudel


सेप्टेम्बर ५ देखि १४ सम्म ( भदौ १९ देखि २८ ) श्रीलंकामा आयोजना हुने अन्डर-१९ एसिया कप प्रतियोगिताको लागि नेपाली युवा टिमले बिहिबार देखि प्रशिक्षण थालेको छ।

टेस्ट राष्ट्र भारत, पाकिस्तान, श्रीलंका, बंगलादेश, अफगानिस्तान, युएई र कुवेत गरि ८ टिम प्रतियोगितामा सहभागी हुँदैछन्। प्रतियोगिताको खेल तालिका सार्वजनिक भएको छैन।  २०१७ मा मलेसियामा आयोजित यु-१९ एसिया कपको अघिल्लो संस्करणमा नेपालले भारतीय यु-१९ क्रिकेट टिमलाई पराजित गर्दै सेमीफाइनलमा पुगेको थियो। सेमीफाइनलमा अफगानिस्तानसंग नेपाल पराजित भएको थियो।

नेपाली टिमको लक्ष्य यो पटक पनि टेस्ट राष्ट्रलाई आश्चर्यचकित पार्ने रहेको छ तर त्यो अनुरुप तयारी भने हुन सकेको छैन। अन्य टिमहरुले लामो समय देखि तयारी थाल्दा नेपालले भने वर्षायाममा घरेलु मैदानमा अभ्यास गर्नुपरेको हो।

एसीसी र आईसीसीले तयारीको लागि वास्ता नगर्दा नेपालले आफ्नै पहलमा अभ्यास सुरु गरेको हो। हफ्ता अघि सम्म घाँसले भरिएको टियु मैदान अन्डर-१९ टिमको अभ्यासको लागि अहिले तयार गरिएको छ।

पछिल्लो प्रदर्शनको आधारमा प्रशिक्षक बिनोद दासको नेतृत्वमा १९ युवा क्रिकेटरहरु अभ्यास गरिरहेका छन्। युवा टिमको कप्तानी रोहित पौडेलले गरिरहेका छन्।

अन्तिम पटक नेपाली अन्डर-१९ टिमले यसै वर्ष अप्रिलमा मलेसियामा आयोजित अन्डर-१९ विश्वकप छनौट खेलेको थियो। उक्त प्रतियोगितामा युएईसंग वर्षाले प्रभावित भएको खेलको कारण नेपाल डीएल मेथडमा १ रनले पराजित हुन पुगेको थियो। सोहि खेलको हारको कारण नेपाल आगामी वर्ष हुने यु-१९ विश्वकप छनौट हुन असफल रह्यो।

यु-१९ विश्वकप छनौटको प्रदर्शनलाई भुलाउदै नेपाल सामु पुनः आफुलाई युवा स्तरमा अब्बल प्रमाणित गर्ने चुनौती रहेको छ। नेपालले बिगतमा भारत, दक्षिण अफ्रीका, न्युजिल्याण्ड, पाकिस्तान, बंगलादेश जस्ता टिमहरुलाई अन्डर-१९ स्तरमा पराजित गरिसकेको छ।

श्रीलंकामा थप अभ्यास 

वर्षाको कारण घरेलु मैदानमा अभ्यास गर्न कठिनाइका बाबजुद नेपाली युवा टिम सकारात्मक भएर अभयस गरिरहेको छ। टिमले अभ्यासको लागि विदेश भ्रमणको माग गरेता पनि एसियन क्रिकेट काउन्सिलको अनुमति नआउदा नेपालमै तयारी गर्नुपर्नेछ। एसीसीले प्रतियोगिता सुरु हुनु १ हफ्ता अघि श्रीलंकामा अभ्यासको व्यवस्था मिलाएको छ जसमा नेपाली युवा टिमले चित्त बुझाउनु पर्नेछ।

नेपाली राष्ट्रिय टिममा हाल खेलीरहेका अधिकांश क्रिकेटरहरु अन्डर-१९ स्तरबाट पुगेका हुन्। हाल यु-१९ टिमको कप्तानी सम्हालीरहेका रोहित पौडेल लगायत पवन सर्राफ, आसिफ शेख, सन्दिप जोरा, भिम शार्की जस्ता क्रिकेटरहरुले राष्ट्रिय टिमसम्मको अनुभव बटुलीसकेका छन्।

राष्ट्रिय टिमको आधार तयार गर्ने हुँदा पनि अन्डर-१९ टिमको प्रदर्शनले ठुलो महत्व राख्नेगर्छ तर क्रिकेट संघ नहुँदा युवा क्रिकेटरहरुले आफुलाई ठुलो स्तरको लागि तयार गर्न भने पाएका छैनन्।

 





थप समाचार

अमित मिश्राले शानदार बलिंग गर्दा मुम्बईको चलेन ब्याटिंग

१४ औं आईपीएल अन्तर्गत १३ औं खेलमा मुम्बई इन्डीयन्स र दिल्ली क्यापिटल्स प्रतिस्पर्धा गरिरहेका छन्। चेन्नाई स्थित एमए चिदम्बरम स्टेडियममा […]

नेपाल बिरुद्ध जितमा नेदरल्याण्डले बनायो ६ ठुला रेकर्ड

नेपाललाई ३ विकेटले स्तब्ध पार्दै नेदरल्याण्डले नेपालमा जारी त्रि-देशीय टि-ट्वान्टीमा दोश्रो जित दर्ता गर्न सफल रह्यो। नेपालले दिएको २०७ रनको […]

कप्तान मल्लले बताए सोमपाललाई तेश्रो ओभर बलिंग नदिनुको कारण

त्रि-देशीय सिरिजमा नेदरल्याण्डसंग हार पछि नेपाली टिमका कप्तान ज्ञानेन्द्र मल्लले डेथ ओभरमा सोमपाल हुँदा हुँदै सन्दिप लामिछानेलाई १८ औं ओभरमा […]

रोमान्चक खेलमा नेपाल बिरुद्ध नेदरल्याण्डको कीर्तिमानी जित, लिडेको कीर्तिमानी ब्याटिंग

नेपालमा जारी त्रि-देशीय टि-२० सिरिज अन्तर्गत चौथो खेलमा नेदरल्याण्डले नेपाललाई ३ विकेटले पराजित गर्दै दोश्रो जित दर्ता गरेको छ। टियु […]

कुशलले बनाए विश्वकीर्तिमान, नेदरल्याण्ड बिरुद्ध नेपालको किर्तिमानी योगफल

नेपालमा जारि नेपाल, नेदरल्याण्ड र मलेसिया सम्मिलित त्रि-देशीय टि-ट्वान्टी सिरिज अन्तर्गत चौथो खेलमा नेपाल र नेदरल्याण्ड प्रतिस्पर्धा गरिरहेका छन्। टियु […]

नेदरल्याण्डसंग नेपालले टस जितेर ब्याटिंग गर्दै, यस्तो छ अन्तिम-११

नेपालमा जारि त्रि-देशीय टि-ट्वान्टी सिरिज अन्तर्गत चौथो खेलमा मंगलबार नेपाल र नेदरल्याण्ड प्रतिस्पर्धा गर्दैछन्। खेलमा नेपालले टस जितेर ब्याटिंग गर्ने […]