नेपाली टिम हिड्यो मलेसिया, भएन बिदाइ कार्यक्रम



  • विकेटनेपाल, भदौ २३ 

मलेसियामा संचालन हुने एसीसी यु-१९ ( पूर्वी क्षेत्र ) प्रतियोगितामा सहभागिता जनाउन नेपाली टिम बिहान ६ बजे मलेसियातर्फ प्रस्थान गरेको छ।

विदेश भ्रमण गर्नु अघि गरिने औपचारिक बिदाई भने युवा टिमलाई गरिएन। क्रिकेट संघ प्रतिबन्धित अवस्थामा रास्ट्रिय खेलकुद परिषदले बिदाई गर्दै आएता पनि यो पटक टिमलाई वास्ता गर्ने कोहि भएन।

प्रतियोगिताको लागि १४ जना खेलाडी, २ प्रशिक्षक र १ फिजियो गरि १७ जनाको टिम मलेसिया प्रस्थान गरेको छ। यो पटक नेपाली क्रिकेट टिमसंग नियमित ब्यबस्थापकको भूमिकामा रहने रमन शिवाकोटी गएका छैनन् । रास्ट्रिय क्रिकेट टिमसंग पनि रहनुपर्ने तथा व्यक्तिगत व्यस्तताले मलेसिया नगएको शिवाकोटीले विकेटनेपाललाई बताएका छन् l आईसीसीका प्रतिनिधि भेन्कट पति राजुले उनको अनुपस्थितिमा टिम ब्यबस्थापकको भूमिका निभाउने छन् ।

युवा टिमले बुधबार अन्तिम अभ्यास गरेको थियो । बिहिबार बिहान टिम पशुपतिनाथ मन्दिर गएको थियो भने दिउसो पुर्व क्यान अध्यक्ष जय कुमार नाथ शाहको अन्तेष्टिमा पुगेका थिए।

सिंगापुरमा जुलाईमा सम्पन्न यु-१९ एसिया बिश्वकप छनौटमा खराब ब्याटिंग प्रदर्शन गर्दै बिश्वकप छनौट हुन असफल नेपाली टिमले योपाली नोभेम्बरमा मलेसियामा संचालन हुने यु-१९ एसिया कप छनौट हुन यो प्रतियोगिता जित्नुपर्नेछ। तुलनात्मक रुपमा नेपाल भन्दा कमजोर टिमहरु रहेका कारण नेपाललाई प्रतियोगिता जित्न कठिनाइ नहुने अनुमान गर्न सकिन्छ।

नेपाली टिमको मुख्य प्रशिक्षक बिनोद दास छन् भने सहायक प्रशिक्षकको रुपमा कलाम अलि पनि मलेसिया जाँदै छन् ।

८ टिम सम्मेलित प्रतियोगितामा नेपाल समुह ‘ए’ मा सिंगापुर, थाईल्याण्ड, भुटानसंगै रहेको छ। समुह ‘बि’ मा मलेसिया, चिन, हंगकंग र म्यानमार रहेका छन् ।

टिमले पहिलो खेल सिंगापुरसंग सेप्टेम्बर ११ तारिकमा खेल्ने कार्यक्रम छ। सेप्टेम्बर १३ तारिकमा भुटानसंग किनारा ओभल मैदानमा, तेश्रो खेल सिंगापुरसंग पुनः क्लब अमन मैदानमा खेल्नेछ । समुह ‘ए’ र ‘बि’ बाट उत्कृस्ट हुने २-२ टिम सेप्टेम्बर १६ मा सेमीफाइनल खेल्नेछन् ।

प्रतियोगिताको फाइनल खेल सेप्टेम्बर १७ तारिकमा किनारा ओभल मैदानमा खेलिनेछ जुन खेलको बिजेता यु-१९ युथ एसिया कप खेल्न छनौट हुनेछ ।

नेपाली टिमलाई ब्याटिंग कन्सल्टेन्ट मोन्टि देसाईले १० दिन बिशेष प्रशिक्षण दिएका थिए ।

नेपाली टिम 

दिपेन्द्र ऐरी ( कप्तान ) , सन्दिप लामिछाने, मोहम्मद आसिफ शेख, सन्दिप सुनार, प्रनित थापा, अनिल कुमार शाह, पवन सर्राफ, रोहित पौडेल, किशोर महतो, शाहब आलम, नन्दन यादब, बिक्रम भुसाल, सन्दिप जोरा, सुमित महर्जन

प्रशिक्षक – बिनोद दास
सहायक प्रशिक्षक – कलाम अलि

खेल तालिका 

सेप्टेम्बर ११ – नेपाल – थाईल्याण्ड
सेप्टेम्बर १३ – नेपाल – भुटान
सेप्टेम्बर १४ – नेपाल – सिंगापुर

सेप्टेम्बर १६ – सेमीफाइनल
सेप्टेम्बर १७ – फाइनल

समुह ‘ए’ : नेपाल, सिंगापुर, थाईल्याण्ड, भुटान
समुह ‘बि’ : मलेसिया, हंगकंग , चिन र म्यानमार

( फोटो – सन्दिप जोरा फेसबुक )





थप समाचार

धनगढी सुपर लिग : लिटल फ्लावर र कैलाली जिल्ला क्रिकेट क्लब विजयी

धनगढी ११ जेठ – कैलालीको धनगढीमा जारी टी–२० क्लब क्रीकेट प्रतियोगिता ‘धनगढी सुपर लिगमा’ लिटल फ्लावर क्रीकेट क्लब र कैलाली […]

कप्तान सन्दिप सहित ६ राष्ट्रिय क्रिकेटरलाई ज्यापको प्रायोजन 

नेपाली राष्ट्रिय क्रिकेट टिमका ६ जना क्रिकेटरलाई क्रिकेट खेल सामग्री उत्पादन गर्ने भारतीय कम्पनि ‘ज्याप क्रिकेट’ ले प्रायोजन गरेको छ। […]

एनपीएल टि-२० : टिमहरुको नाम सार्वजनिक, खेलाडीको तलव वृद्धि

नेपाल क्रिकेट संघको आयोजनामा सेप्टेम्बर २४ देखि अक्टोबर २२ ( असोज ८ देखि कार्तिक ५ ) सम्म आयोजना हुने नेपाल […]

मिलर चम्किंदा गुजरात आइपिएलको फाइनलमा

गुजरात टाइटन्स आइपिएलको फाइनलमा प्रवेश गरेको छ । पहिलो क्वालिफायर खेलमा गुजरात टाइटन्सले राजस्थान रोयल्सलाई ७ विकेटले हराएको हो । […]

सरकारको नीति तथा कार्यक्रम : फाप्ला र गौतम बुद्ध अन्तर्राष्ट्रिय स्टेडियम पूरा गर्ने

नेपाल सरकारले सातवटै प्रदेशमा सुविधासम्पन्न दशरथ रंगशाला निर्माण गर्ने भएको छ । मंगलबार राष्ट्रपति विद्यादेवी भण्डारीले प्रस्तुत गर्नुभएको सरकारको नीति […]

डीएसएल : दाङको देउखुरी वारियर्स र कैलाली जिल्ला क्रीकेट क्लब विजयी

कैलालीको धनगढीमा जारी टी–२० क्लब क्रीकेट प्रतियोगिता ‘धनगढी सुपर लिग’ मा दाङको देउखुरी वारियर्स क्रीकेट क्लब र कैलाली जिल्ला क्रीकेट […]