हंगकंगसंग खेल्ने नेपाली टोलीको घोषणा, हेर्नुस् को को परे



विकेटनेपाल , असोज २

आगामी अक्टोबरमा हुने बिश्व क्रिकेट लिग च्याम्पियनसिपको लागि नेपाली टोलीको प्रारम्भिक १४ को घोषणा भएको छ l नेपालले अक्टोबर १३ र १५ मा हंगकंगसंग उसकै मैदानमा २ खेल खेल्नेछ ।

नेपाली टिमको छनौट कप्तान पारस खड्का र प्रशिक्षक जगत टमाटाले गरेका हुन्।

यस्तो छ टिम : 

  • पारस खड्का  ( कप्तान ) , ज्ञानेन्द्र मल्ल  ( उपकप्तान ),  शरद भेसावकर, बसन्त रेग्मी, सोमपाल कामी, सागर पुन, विनोद भण्डारी, करण केसी, सुशील कँडेल, ललित भण्डारी, सुशन भारी, आरिफ शेख, दिपेन्द्र सिंह ऐरी र सन्दिप लामिछाने

ब्याट्सम्यान – पारस खड्का, ज्ञानेन्द्र मल्ल, शरद भेसावकर, बिनोद भण्डारी, दिपेन्द्र ऐरी
फास्ट बलर – सोमपाल कामि, करण केसी, ललित सिंह भण्डारी
स्पिनर – सुशील कंडेल , सुशन भारि, बसन्त रेग्मी, सन्दिप लामिछाने
अल-राउण्डर – सागर पुन, आरिफ शेख

यसैगरी मेहबुब आलम, जितेन्द्र मुखिया, कुशल भुर्तेल र नरेश बुढाएरलाई बैकल्पिक खेलाडीको सुचिमा राखिएको छ ।

नेपाली टोली हाल भारतको चेन्नाईमा अभ्यासरत छ र टिमले मंगलबार दिन्दिगुल ड्रागन्ससंग (तमिलनाडु प्रिमिएर टिम) आफ्नो पहिलो अभ्यास खेल खेल्नेछ । टिमले भारतमा १९, २१, २३ र २५ तारिकमा ४ वटा अभ्यास खेल खेल्ने कार्यक्रम रहेको छ ।

Lalit Bhandari
ललित सिंह भण्डारी

नेपालका अनुभवी स्पिनर शक्ति गौचन अनफिट रहेकाले नेपाली टिमबाट नाम फिर्ता लिएपछि बायाँ हाते स्पिनर सुशीलले मौका पाएका छन्। १४ सदस्यीय टिममा अर्का  बायाँ हाते स्पिनर सुशन भारिलाई समेत मौका दिईएको छ ।

नेपाली टिममा युवा तथा प्रतिभावान बायाँ हाते स्पिनर सुशील कँडेल र बायाँ हाते मिडियम पेसर ललित भण्डारीको पहिलो पटक प्रतिनिधित्व रहने छ।

यसै गरि अर्का देब्रे हाते स्पिनर सुशन भारि पनि टिममा छन् भने आरिफ शेखलाई पनि पुनः मौका दिईएको छ ।

नेपाली टिममा २ नयाँ सदस्य 

सुशील र ललित दुवैले यस अघि नेपाल यु-१९ रास्ट्रिय टिमको लागि खेलिसकेका छन् ।  सन् २०१४ यु-१९ एसिया कपमा ललितले यु-१९ रास्ट्रिय टिमको प्रतिनिधित्व गरेका थिए भने सुशीलले २०१४ को एसीसी यु-१९ प्रिमियरमा नेपाली यु-१९ टिमको लागि खेलेका थिए ।

धनगढी प्रिमियर लिगमा बिराटनगर किंग्स तथा एभरेस्ट प्रिमियर लिगमा पन्चकन्या तेजको लागि खेलेका सुशील नेपाल पुलिस क्लबको लागि घरेलु क्रिकेट खेल्ने गर्छन। गत बर्ष धनगढी प्रिमियर लिगमा कंडेल प्रतियोगिताकै उत्कृस्ट खेलाडी चुनिएका थिए जसले कुल १७ विकेट हात पारेका थिए।

Sushil Kandel
सुशील कंडेल

ललित सिंह भण्डारी पनि घरेलु क्रिकेटमा नेपाल पुलिस क्लबका नियमित खेलाडी हुन् भने धनगढी प्रिमियर लिगमा कंचनपुर आइकोनिकको प्रतिनिधित्व गरेका थिए । यु-१९ टिमको लागि आफ्नो डेब्यु प्रतियोगिता यु-१९ एसिया कपमा पाकिस्तानसंग २ तथा युएईसंग ३ विकेट लिंदै ललितले प्रभावित बनाएका थिए । गत बर्ष चैतमा सम्पन्न सम्पन इमर्जिंग टिम्स कपमा भण्डारी रास्ट्रिय टिममा पर्ने पक्का जस्तै भएको बेला अन्तिम समयमा चोटको कारण भण्डारी टिममा पर्न असफल भएका थिए ।

 

 

 





थप समाचार

भारतले फलो-अन जोगाउन सकेन, दोश्रो इनिंग्समा राम्रो सुरुवात

भारतीय महिला टिमको इंग्ल्यान्ड भ्रमण अन्तर्गत एकमात्र टेस्टको तेश्रो दिनको खेल समाप्त हुँदा घरेलु टोलि बलियो स्थितिमा रहेको छ। इंग्ल्यान्डले […]

टेस्ट च्याम्पियनसिपको पहिलो दिन टस नभई रद्द, जान्नुस भोलिको मौसम कस्तो हुनेछ

भारत र न्युजिल्यान्ड बीच आईसीसी वर्ल्ड टेस्ट च्याम्पियनसिप अन्तर्गत पहिलो दिन निराशाजनक अन्त्य भएको छ। इङ्ग्ल्याडको साउथह्याम्पटनमा टेस्टको सुरुवाती दिन […]

कीर्तिमानी ओ ब्रायनद्वारा ओडीआई क्रिकेटबाट सन्यास

आयरल्याण्डका स्टार अलराउण्डर केभिन ओ ब्रायनले एकदिवसीय अन्तर्राष्ट्रिय क्रिकेटबाट सन्यास घोषणा गरेका छन्। क्रिकेट आयरल्याण्डले शुक्रबार ( जुन १८ ) […]

नामिबिया र स्कटल्याण्ड बिरुद्ध सिरिजको लागि प्रारम्भिक नेपाली टिमको घोषणा

आईसीसी विश्व क्रिकेट लिग-२ अन्तर्गत स्पेनमा आयोजना हुने नेपाल, नामिबिया र स्कटल्याण्ड बीचको त्रिकोणात्मक एकदिवसीय अन्तर्राष्ट्रिय सिरिजको लागि २० सदस्यीय […]

वर्ल्ड टेस्ट च्याम्पियनसिप फाइनल अघि थाहा पाउनुस १० महत्वपूर्ण जानकारी

इंग्ल्यान्डको साउथह्याम्प्टनमा आज आईसीसी वर्ल्ड टेस्ट च्याम्पियनसिपको फाइनल खेलिंदैछ। टेस्ट क्रिकेट इतिहासमै पहिलो पटक भारत र न्युजिल्यान्ड उपाधिको लागि प्रतिस्पर्धा […]

मन्धना र वर्माको कीर्तिमानी साझेदारी पछि इंग्ल्यान्डको उत्कृस्ट पुनरागमन

भारतीय महिला क्रिकेट टिमको इंग्ल्यान्ड भ्रमण अन्तर्गत एक मात्र टेस्ट अन्तर्गत दोश्रो दिनको खेल समाप्त भएको छ। इंग्ल्यान्डले पहिलो इनिंग्समा […]