सेमीफाइनलमा नेपालको भेट मलेसियासंग, पढ्नुस कस्तो छ मलेसिया



  • विकेटनेपाल, २८ मङ्सिर 

एसीसी यु-१६ ( पूर्वी क्षेत्र ) प्रतियोगिता अन्तर्गत म्यानमारलाई ३३७ रनको बिशाल अन्तरले पराजित गरेको नेपाली यु-१६ टिमले समुह ‘ए’ को बिजेताको रुपमा सेमीफाइनलमा स्थान बनाएको छ।

सेमीफाइनलमा नेपालले समुह ‘बि’ को उप-बिजेता टिम मलेसियाको शनिबार ( १६ डिसेम्बर ) सामना गर्नेछ। टेर्ड थाई मैदानमा हुने सेमीफाइनल खेल बिहान ८:४५ बजे ( नेपाल ) सुरु हुनेछ। दोश्रो सेमीफाइनल खेलमा समूह ‘ए’ को उपविजेता टिम हंगकंगले समुह ‘ए’ को बिजेता सिंगापुरको सामना गर्नेछ। अंकतालिका हेर्नुस 

नेपालले समुह चरणको पहिलो खेलमा थाईल्याण्डलाई १३३ रनले पराजित गरेको थियो। यस्तै दोश्रो खेलमा हंगकंगलाई ४ विकेटले पराजित गर्दै सेमीफाइनलमा स्थान सुरक्षीत गरेको थियो।

यो पनि पढ्नुस – चिन्नुस् आईपीएल खेलेका यी क्रिकेटर जो ललितपुरबाट ईपीएल खेल्दैछन्

 

कस्तो छ मलेसिया ? 

समुह ‘बि’ को उपविजेता मलेसियाले समुह चरणमा खेलेको ३ मध्ये २ खेलमा हित र १ खेलमा हार बेहोरेको थियो। सिंगापुरसंग २९ रनले पहिलो खेलमा पराजित भएको मलेसियाले त्यसपछि चिनलाई ४ विकेटले तथा भुटानलाई १७१ रन बिशाल अन्तरले पराजित गरेको थियो।

भुटानसंगको खेलमा मलेसियाले पहिले ब्याटिंग गर्दै २२२ रन बनाएको थियो जसको जवाफमा भुटान ५१ रनमा अलआउट भएको थियो। खेलमा मोहम्मद शहिदले ४ विकेट हात पारेका थिए।

यस्तै चिनसंगको दोश्रो खेलमा चिनलाई ८४ रनमा समेटेको मलेसियाले लक्ष पछ्याउन ६ विकेट गुमाएको थियो। खेलमा मलेसियाका मुहम्मद एमानले ४ विकेट हात पारेका थिए।

पहिलो खेलमा सिंगापुरसंग पराजित हुने क्रममा सिंगापुरले दिएको १५२ रनको लक्ष पछ्याउने क्रममा मलेसिया १२२ रनमा समेटिएको थियो। मोहम्मद अफिकले मलेसियाको लागि ४ विकेट हात पारेका थिए ।

३ वटै खेलको विश्लेषण गर्दा मलेसियाको बलिंग पक्ष बलियो देखिएको छ प्रत्येक खेलमा नयाँ बलरले राम्रो प्रदर्शन गरेका छन् तर टिमको ब्याटिंग पक्ष भने कमजोर देखिएको छ। कुनै पनि ब्याट्सम्यानले अर्धशतक प्रहार गर्न सकेका छैनन् भने भुटान र चिन जस्तो कमजोर मानिने देशसंग ब्याटिंग चलेको छैन।

 





थप समाचार

सन्दिप, अनिल र सौरभ चम्किदा लुम्बिनीको विजयी सुरुवात

प्रधानमन्त्री कप एकदिवसीय राष्ट्रिय प्रतियोगिता अन्तर्गत पाँचौ दिनको समुह ‘बि’ अन्तर्गतको खेलमा लुम्बिनी प्रदेशले विजयी सुरुवात गर्ने क्रममा प्रदेश-२ लाई […]

कर्णाली प्रदेशको ऐतिहासिक जित

प्रधानमन्त्री कप एकदिवसीय राष्ट्रिय प्रतियोगितामा गण्डकी प्रदेशलाई पराजित गर्दै कर्णाली प्रदेशले ऐतिहासिक जित दर्ता गरेको छ। घरेलु राष्ट्रिय प्रतियोगितामा कर्णाली […]

सन्दिप र सौरभ चम्किदा लुम्बिनीद्वारा प्रदेश-२ लाई चुनौतीपूर्ण लक्ष्य

प्रधानमन्त्री कप एकदिवसीय राष्ट्रिय प्रतियोगिता अन्तर्गत पाँचौ दिन टियु मैदान कीर्तिपुरमा समुह ‘बि’ अन्तर्गत खेलमा लुम्बिनी प्रदेश र प्रदेश-२ प्रतिस्पर्धा […]

गण्डकीद्वारा कर्णालीलाई २०५ रनको लक्ष्य

काठमाडौँमा जारि प्रधानमन्त्री कप एकदिवसीय राष्ट्रिय प्रतियोगिता अन्तर्गत मुलपानी मैदानमा जारि समुह ‘ए’ अन्तर्गतको खेलमा गण्डकी प्रदेश र कर्णाली प्रदेश […]

प्रम कपमा आज दुई खेल हुँदै

काठमाडौँमा जारि प्रधानमन्त्री कप एकदिवसीय राष्ट्रिय प्रतियोगिता अन्तर्गत पाँचौ दिन मंगलबार दुईवटा खेलहरु हुनेछन्। टियु मैदानमा लुम्बिनी प्रदेश र प्रदेश-२ […]

बिग ब्यास : थंडरलाई हराउँदै हरिकेन्सको अंकतालिकामा छलांग

अष्ट्रेलियामा जारि बिग ब्यास लिग अन्तर्गत सोमबार सम्पन्न ४३ औं खेलमा कलम फर्गुसन कप्तानीको सिड्नी थंडरलाई ६ विकेटले हराउँदै नेपाली […]