नेपालको दोश्रो खेल मलेसियासँग, पछिल्लो ३ खेलमा यस्तो छ नतिजा

Nepa vs Malaysia


  • विकेटनेपाल, असोज १९ – शुक्रबार

बुधबार देखि मलेसियामा सुरु भएको आईसीसी टि -२० विश्वकप एसिया रिजन ( पूर्वी ) छनौट प्रतियोगिता अन्तर्गत नेपालले आफ्नो दोश्रो खेलमा शनिबार आयोजक मलेसियाको सामना गर्दैछ। यसअघि पहिलो दिनमा सम्पन्न खेलमा नेपालले म्यानमारलाई मात्र १८ बलको सामना गर्दै ८ विकेटले पराजित गरेको थियो।

दोस्रो खेल : vs मलेसिया, अक्टोबर ६ अर्थात असोज २० गते (बायुमास ओभल) , ७:४५ बजे बिहान ( मलेसिया समय : १० बजे बिहान )

यस्तो छ बिगतमा मलेसियासंग टि-२० मा नतिजा

एसीसी टी-२० कप, २०१३ ( नेपाल ) 

मलेसियासँग नेपालले टि-२० फर्म्याटमा यसअघि सन् २०१३ को नेपालमा सम्पन्न एसीसी टि-२० मा खेलेको थियो। त्यस खेलमा नेपाल १९ रनले बिजयी हुँदा पहिले ब्याटिंग गर्दै नेपालले १६३ रन बनाएको थियो र लक्ष्य पछ्याउने क्रममा मलेसियाले १४४ रन बनाएको थियो। खेलमा पारस खड्काले ८७ रन बनाएका थिए भने बलिङ्गमा सन्जम रेग्मी र पृथु बास्कोटाले २/२ विकेट लिएका थिए।

एसीसी टी-२० कप, २००९ ( युएई )

सन् २००९ को एसीसी टी-२० कप अन्तर्गत भएको भेटमा मलेसियाले नेपाललाई १७.२ ओभरमा लक्ष्य पुरा गर्दै ६ विकेटले पराजित गरेको थियो। टस जितेर पहिले ब्याटिंग गरेको नेपालको लागि ओपनर मेहबुब आलमले ३१ रन, ज्ञानेन्द्र मल्लले २२ रन, अर्का ओपनर परेश लोहनीले १९ तथा पारस खड्काले १० रन बनाएपनि अन्य खेलाडीले दोहोरो अङ्कमा रन बनाउन नसक्दा २० ओभरमा ७ विकेट गुमाएर ११२ रनमात्र बनाउन सकेको थियो। बलिंगतर्फ बिनोद दास, शक्ति गौचन, पारस खड्का, सन्जम रेग्मी र बसन्त रेग्मीले समान १/१ विकेट हात पारेका थिए।

एसीसी टी-२० कप, २००७ ( कुवेत )

मलेसियासँगको पहिलो टी-२० भिडन्तमा नेपालले २१ रनको जित दर्ता गरेको थियो। टस हारेर पहिले ब्याटिंग गरेको नेपालले बसन्त रेग्मीको    ३३ रन, परेश लोहनीको ३१ रन तथा बिनोद दास र मेहबुब आलमको क्रमशः १८ रन र १७ रनको मद्दतमा २० ओभरमा ९ विकेट गुमाएर १२१ रनको योगफल तयार पारेको थियो।

बलिंगतर्फ मलेसियालाई १८.५ ओभरमा सबै विकेट लिँदै मात्र १०० रनमा रोकेर नेपालले २१ रनको जित हात पारेको थियो। बलिंगतर्फ ब्याटिंगमा समेत ३३ रन बनाएर म्यान अफ द म्याच घोषित बसन्त रेग्मीले ३ विकेट लिन २० रन खर्चिंदा राहुल विश्वकर्माले पनि समान ३ विकेट लिन १५ रन खर्चे। त्यस्तै आलमको नाममा २ विकेट रह्यो।

५० ओभर फर्म्याटमा भने नेपालले गत महिना एसिया कप छनौट प्रतियोगितामा मलेसियासंग खेल्दा १९ रनले बिजयी भएको थियो। नेपालले निर्धारित ३० ओभरमा १८८ रन बनाएको थियो जसको जवाफमा मलेसियाले १६९ रन बनाएको थियो। नेपालको लागि आरिफ शेख ( ६४ ) र दिपेन्द्र ऐरि ( ५४ ) ले अर्धशतक बनाएका थिए भने बलिङ्गमा बसन्त रेग्मीले ३ विकेट तथा सोमपाल कामि र सन्दिप लामिछानेले २/२ विकेट लिएका थिए।





थप समाचार

एलपीएलको अटोमोबाईल पार्टनर बिशेष मोटोकर्प धनगढी

धनगढीमा आयोजना हुन गइरहेको विद्यालय स्तरको यु–१९ क्रिकेट प्रतियोगिता लिटल फ्लावर प्रिमियर लिग–६ (एलपीएल–६)को अटोमोबाईल पार्टनर बिशेष मोटोकर्प प्रा.लि.धनगढी रहने […]

शाहिन अफ्रिदी आईसीसी वर्ष पुरुष क्रिकेटर २०२१ घोषित, कसले जिते के अवार्ड

पाकिस्तानी फास्ट बलर शाहिन शाह अफ्रिदी सर गारफिल्ड सोबर्स आईसीसीको वर्ष पुरुष क्रिकेटर घोषित भएका छन्। अफ्रिदीले वर्ष २०२१ मा […]

वेस्टइन्डिजका होसेनले तोडे सोमपालको विश्वरेकर्ड

नेपाली राष्ट्रिय क्रिकेटर सोमपाल कामिले सन् २०१४ मा बनाएको विश्वकीर्तिमान वेस्टइन्डिजका अकेल होसेनले तोडेका छन्। सोमपालले सन् २०१४ नोभेम्बर २४ […]

‘गुट-उपगुट पनि पुनरागमन गर्न नसक्नुको कारण’ – अनिल मण्डल

नेपाली राष्ट्रिय क्रिकेट टिमका पूर्व ओपनिंग ब्याट्सम्यान अनिल मण्डलले राष्ट्रिय क्रिकेट टिम भित्रको तत्कालिन ‘गुट-उपगुट’ पनि पुनरागमन गर्न नसक्नुको कारण […]

२६ फोटोमा हेर्नुस राष्ट्रिय टिम कसरि गर्दैछ विश्वकप छनोटको तयारी

प्रधानमन्त्री कप राष्ट्रिय टि-ट्वान्टी प्रतियोगिता समाप्त भएपछि नेपाली रास्ट्रिय क्रिकेट टिमले टि-२० विश्वकप छनोटको लागि दोश्रो चरणको प्रशिक्षण थालेको छ। […]

यी हुन् आईपीएल अक्सनमा दर्ता हुने १५ नेपाली खेलाडी, सबैको बोलि नलाग्ने

नेपाल क्रिकेट संघ ( क्यान ) ले इन्डियन प्रिमियर लिग ( आईपीएल ) मा को अक्सनमा सहभागी हुने १५ जना […]