तेश्रो स्थानको लागि नेपालले अफगानिस्तानसंग खेल्ने ( यु-१९ सिरिज )

Nepal U19 Cricket Team


  • विकेटनेपाल, असोज १ 

भारतको लखनउमा जारि नेपाल, अफगानिस्तान, भारत ‘ए’ र ‘बि’ सम्मेलित अन्डर-१९ एकदिवसीय चौकोणीय सिरिज अन्तर्गत नेपालले तेश्रो स्थानको लागि प्लेअफमा अफगानिस्तानको सामना गर्ने भएको छ।

सिरिजको ४ वटै टिमले एक-अर्कासंग १-१ खेल खेलीसकेपछि अंकतालिकामा ३ वटै जितको साथ भारत यु-१९ ‘ए’ शिर्ष स्थानमा रहेको छ भने दोश्रो स्थानमा २ जित र १ हार बेहोर्दै भारत यु-१९ ‘बि’ रहेको छ। १ जित र २ हार बेहोर्दै नेपाल यु-१९ तेश्रो र सबै ३ खेलमा हार बेहोरेको अफगानिस्तान यु-१९ चौथो स्थानमा रहेको छ।

पछिल्लो खेलमा अफगानिस्तानलाई नेपालले २५ रनले पराजित गर्दै सिरीजमा पहिलो जित दर्ता गरे पनि अघिल्लो २ खेलमा भारत यु-१९ ‘बि’ संग ४० रनले तथा भारत यु-१९ ‘ए’ संग ८ विकेटले पराजित भएपछि नेपाल फाइनल पुग्न असफल भएको हो। अंकतालिकामा उत्कृस्ट २ हुने टिमले फाइनल तथा तेश्रो र चौथो हुने टिमले तेश्रो स्थानको लागि खेल्न लागेको हो।

मंगलबार सिरिजको अन्तिम दिन फाइनलमा भारत यु-१९ ‘ए’ र भारत यु-१९ ‘बि’ बीच खेल हुनेछ भने तेश्रो स्थानको लागि हुने खेलमा नेपाल यु-१९ ले अफगानिस्तान यु-१९ संग खेल्नेछ।

खेल हुने समय – १८ सेप्टेम्बर ( असोज २ )  – ९:१५ बजे ( नेपाल )
मैदान – एकाना स्टेडियम, लखनउ ‘बि’

प्रतियोगितामा सम्पन्न खेलहरुको नतिजा

१- भारत यु-१९ ‘ए’ Vs अफगानिस्तान यु-१९ भारत यु ‘ए’ १४० रनले बिजयी
२. भारत यु-१९ ‘बि’ Vs नेपाल यु-१९ भारत यु-१९ ‘बि’ ४० रनले बिजयी
३. भारत यु-१९ ‘ए’ Vs नेपाल यु-१९ भारत यु-१९ ८ विकेटले बिजयी
४. भारत यु-१९ ‘बि’ Vs अफगानिस्तान यु-१९ भारत यु-१९ ‘बि’ २ विकेटले बिजयी
५. भारत यु-१९ ‘ए’ Vs भारत यु-१९ ‘बि’ भारत यु-१९ ‘ए’ १५२ रनले बिजयी
६. नेपाल यु-१९ Vs अफगानिस्थान यु-१९ नेपाल यु-१९ २५ रनले बिजयी

सागर ढकाल र पवन सर्राफको उत्कृस्ट प्रदर्शन मदतले सिरिज अन्तर्गत नेपालले पछिल्लो अफगानिस्तान यु-१९ लाई २५ रनले पराजित गर्दै सिरिजमा पहिलो जित दर्ता गरेको थियो। सागरले ४ विकेट लिएका थिए भने पवनले अविजित ७८ रन बनाउनुको साथै १ विकेट समेत लिएका थिए।

Sagar Dhakal
Sagar Dhakal

भारतमा सिरिज पछि नेपालले सेप्टेम्बर २९ देखि बंगलादेशमा आयोजना हुने यु-१९ युथ एसिया कपमा सहभागिता जनाउनेछ। एसियन क्रिकेट काउन्सिल ( एसीसी ) ले आयोजना गर्ने प्रतियोगिताको पहिलो खेलमा नेपालले टेस्ट राष्ट्र तथा यु-१९ बिश्व कप बिजेता भारतको सामना गर्नेछ।

प्रतियोगितामा ८ राष्ट्रहरु सहभागी हुनेछन् जसलाई २ वटा समुहमा बिभाजन गरिएको छ। नेपाल समुह ‘ए’ मा रहेको छ जुन समुहमा साविकको विजेता अफगानिस्तान, भारत र युएई रहेका छन्। यस्तै समुह ‘बि’ मा आयोजक बंगलादेश, हंगकंग, पाकिस्तान र श्रीलंका रहेका छन्। प्रतियोगिताको खेलहरु ढाका र चिटागोंगमा हुनेछ।





थप समाचार

११ नेपाली खेलाडी पीएसएल ड्राफ्टमा, छनोट भए कति पाउनेछन् रकम ?

पाकिस्तान सुपर लिगको ( पीएसएल ) आगामी संस्करण अर्थात् सातौँ संस्करण आगामी वर्ष २०२२ जनवरी २७ तारिख देखि फेब्रुअरी २७ […]

क्यानद्वारा २० सदस्यीय यु-१९ राष्ट्रिय टिमको घोषणा, बुधबार देखि बन्द प्रशिक्षण

काठमाडौँमा आइतबार सम्पन्न अन्डर-१९ राष्ट्रिय प्रतियोगिता सकिएकै दिन नेपाल क्रिकेट संघले डिसेम्बरमा युएईमा आयोजना हुने भनिएको यु-१९ एसिया कपको लागि […]

लुम्बिनीलाई यु-१९ राष्ट्रिय प्रतियोगिताको उपाधि

सुदूरपश्चिम प्रदेशलाई ११३ रनले पराजित गर्दै लुम्बिनी प्रदेशले अन्डर-१९ राष्ट्रिय क्रिकेट प्रतियोगिताको उपाधि जितेको छ। टियु अन्तर्राष्ट्रिय क्रिकेट मैदानमा सम्पन्न […]

यु-१९ राष्ट्रिय : उपाधिको लागि लुम्बिनी र सुदूरपश्चिम खेल्दै

नेपाल क्रिकेट संघको आयोजनामा काठमाडौँमा जारी अन्डर-१९ राष्ट्रिय प्रतियोगिताको उपाधिको लागि लुम्बिनी प्रदेश र सुदूरपश्चिम प्रदेश प्रतिस्पर्धा गर्दैछन्। खेल नेपाली […]

सितालाई हंगकंगमा खेल्ने अवसर

राष्ट्रिय महिला क्रिकेट टिमकी उपकप्तान सीता रानामगरले हङकङमा आयोजना हुने फेयर ब्रेक इन्भिटेसनल महिला टि-२० प्रतियोगिता २०२२ खेल्ने भएकी छिन्। […]

U19 National : सुदूरपश्चिम फाइनलमा, हेमन्त र शेरको घातक बलिंग

लिग चरणको अन्तिम खेलमा बागमती प्रदेशलाई ८ विकेटले पराजित गर्दै सुदूरपश्चिम प्रदेश यु-१९ राष्ट्रिय प्रतियोगिताको फाइनल पुगेको छ। लिग चरणमा […]