त्रिकोणात्मक सिरिज खेल्न नेपाली टिम सिंगापुर प्रस्थान



जिम्बाबे र सिंगापुरसंग त्रिकोणात्मक सिरिज तथा त्यसपछि ओमानमा ५ देश सम्मिलित टि-२० सिरिज खेल्न नेपाली राष्ट्रिय क्रिकेट टिम सिंगापुर प्रस्थान गरेको छ। राष्ट्रिय खेलकुद परिषदका सदस्यसचिव रमेश सिलवालले खेलाडीहरुलाई विदाई गर्नु भयो।

टिम राति १० बजे त्रिभुवन अन्तर्राष्ट्रिय विमानस्थलबाट सिंगापुरतर्फ प्रस्थान गर्नेछ। आजै सन्दिप लामिछाने पनि वेस्ट इन्डिजबाट सिंगापुर हिडीसकेका छन् र भोलि बिहानै पुग्नेछन्।

नेपालले सेप्टेम्बर २७ तारिक अर्थात यही शुक्रबार जिम्बाबेसंग खेल्दै त्रिकोणात्मक सिरिजको पहिलो खेल खेल्नेछ। खेलतालिका

राष्ट्रिय खेलकुद परिषद सदस्य सचिव रमेश सिलवालले खादा ओडायर टिमलाई विदाई गर्नु भयो। विदाई कार्यक्रममा डेढ घण्टा ढिला पुगेका सिलवालले खेलाडीलाई सुभकामना दिए। यस्तै उनले मन्तब्य राख्ने क्रममा क्रिकेट संघको आसन्न चुनावको बारेमा निकै बेर बोले।

“अक्टोबर १३ मा आईसीसीको मिटिंग छ। म ९९.९ प्रतिशत नेपालको प्रतिबन्ध फुकुवा हुने देख्छु। क्रिकेट संघको १० र ११ गते हुने निर्वाचनले नेपाली क्रिकेटलाई एउटा दिशा दिनेछ जसपछि क्रिकेटले एउटा गति लिन्छ।”

“यो प्रतिबन्धको अबधिमा क्रिकेट बचाएको खेलाडी र खेल प्रेमीहरुले हो त्यसैले उनीहरुलाई स्यालुट गर्नुपर्छ।”

“क्रिकेट बचाउने मान्छे संघमा आउनुले क्रिकेटको भविष्य निर्धारण गर्छ। फुकुवा त होला तर अबको क्रिकेट संघ सिस्टममा जान्छ या जाँदैन, पारदर्शी हुन्छ हुँदैन, गुड गभरनेन्स हुन्छ या हुँदैन त्यसको आधारमा नेपाललाई आईसीसीले दिने सहयोग निर्धारण गर्छ। अब संघ आर्थिक पारदर्शीता, सुशासन भित्र बसेन भने नेपाली क्रिकेट अघि बढ्दैन।”

यस्तै टिम कप्तान पारस खड्काले विदाई कार्यक्रम अघि कुराकानी गर्दै नेपाली टिम युवा खेलाडीहरुलाई प्रवर्द्धन गर्ने प्रक्रियामा रहेको बताए। यस्तै उनले आफ्नो कप्तानी र सन्यास बारे समेत बोल्दै आफ्नो फिटनेसले साथ दिएसम्म खेलीरहने बताए। क्रिकेट संघको निर्वाचन पछि आफ्नो भविष्य पनि निर्धारण हुने उनले बताएका थिए।

“हामि अहिले देखि युवा खेलाडीलाई प्रवर्द्धन गर्ने प्रक्रियामा रहेका छौँ। चाहे म हुँ या अरु कप्तान अन्तिममा टिमको प्रदर्शनले महत्व राख्छ।”

सिंगापुर र ओमान सिरिजमा इशान पाण्डे र कुशल मल्ल जस्ता नयाँ खेलाडीले मौका पाएका छन् भने शरद भेसावकर , बसन्त रेग्मी र ज्ञानेन्द्र मल्ल जस्ता खेलाडीहरु टिममा छैनन्। यस्तै टिममा सुशन भारि, पवन सर्राफ, रोहित पौडेल, सन्दिप जोरा, ललित राजबंशी जस्ता युवा खेलाडीहरुले मौका पाएका छन्। दिपेन्द्र ऐरिले ज्ञानेन्द्र मल्लको अनुपस्थितिमा पहिलो पटक टिमको उपकप्तानी गर्नेछन्।

सिंगापुर र ओमान सिरिजको लागि नेपाली टिम :- पारस खड्का ( कप्तान ) , दिपेन्द्र ऐरी ( उपकप्तान ) , सोमपाल कामि, करन केसी, बिनोद भण्डारी, ललित राजवंशी , पवन सर्राफ, सन्दिप जोरा, सन्दिप लामिछाने, अविनाश बोहरा, कुशल मल्ल, रोहित पौडेल, आरिफ शेख, सुशन भारि, इशान पाण्डे। मुख्य प्रशिक्षक – उमेश पटवाल , बलिंग प्रशिक्षक – भुरिती भेंकटराम , टिम म्यानेजर – रमन शिवाकोटी, फिजियो – दिनेश भट्ट

सिंगापुर सिरिजमा नेपालको खेल तालिका :- असोज १० : नेपाल Vs जिम्बावे , असोज ११ : नेपाल Vs सिंगापुर , असोज १४ : गते नेपाल Vs जिम्बावे , असोज १५ : गते नेपाल Vs सिंगापुर

ओमान सिरिजमा नेपालको खेल तालिका :- असोज १९ : नेपाल Vs हङकङ , असोज २० : नेपाल Vs नेदरल्यान्ड्स , असोज २२ : नेपाल Vs आयरल्यान्ड , असोज २३ : नेपाल Vs ओमान





थप समाचार

अमित मिश्राले शानदार बलिंग गर्दा मुम्बईको चलेन ब्याटिंग

१४ औं आईपीएल अन्तर्गत १३ औं खेलमा मुम्बई इन्डीयन्स र दिल्ली क्यापिटल्स प्रतिस्पर्धा गरिरहेका छन्। चेन्नाई स्थित एमए चिदम्बरम स्टेडियममा […]

नेपाल बिरुद्ध जितमा नेदरल्याण्डले बनायो ६ ठुला रेकर्ड

नेपाललाई ३ विकेटले स्तब्ध पार्दै नेदरल्याण्डले नेपालमा जारी त्रि-देशीय टि-ट्वान्टीमा दोश्रो जित दर्ता गर्न सफल रह्यो। नेपालले दिएको २०७ रनको […]

कप्तान मल्लले बताए सोमपाललाई तेश्रो ओभर बलिंग नदिनुको कारण

त्रि-देशीय सिरिजमा नेदरल्याण्डसंग हार पछि नेपाली टिमका कप्तान ज्ञानेन्द्र मल्लले डेथ ओभरमा सोमपाल हुँदा हुँदै सन्दिप लामिछानेलाई १८ औं ओभरमा […]

रोमान्चक खेलमा नेपाल बिरुद्ध नेदरल्याण्डको कीर्तिमानी जित, लिडेको कीर्तिमानी ब्याटिंग

नेपालमा जारी त्रि-देशीय टि-२० सिरिज अन्तर्गत चौथो खेलमा नेदरल्याण्डले नेपाललाई ३ विकेटले पराजित गर्दै दोश्रो जित दर्ता गरेको छ। टियु […]

कुशलले बनाए विश्वकीर्तिमान, नेदरल्याण्ड बिरुद्ध नेपालको किर्तिमानी योगफल

नेपालमा जारि नेपाल, नेदरल्याण्ड र मलेसिया सम्मिलित त्रि-देशीय टि-ट्वान्टी सिरिज अन्तर्गत चौथो खेलमा नेपाल र नेदरल्याण्ड प्रतिस्पर्धा गरिरहेका छन्। टियु […]

नेदरल्याण्डसंग नेपालले टस जितेर ब्याटिंग गर्दै, यस्तो छ अन्तिम-११

नेपालमा जारि त्रि-देशीय टि-ट्वान्टी सिरिज अन्तर्गत चौथो खेलमा मंगलबार नेपाल र नेदरल्याण्ड प्रतिस्पर्धा गर्दैछन्। खेलमा नेपालले टस जितेर ब्याटिंग गर्ने […]