यु-१६ रास्ट्रिय टिम थाईल्याण्ड प्रस्थान



  • विकेटनेपाल, २३ मङ्सिर 

थाईल्याण्डमा ११ डिसेम्बर देखि सुरु हुने एसीसी यु-१६ इस्टर्न रिजन प्रतियोगिता खेल्न नेपाली यु-१६ रास्ट्रिय क्रिकेट टिम आज थाईल्याण्डतर्फ प्रस्थान गरेको छ।

नेपाल सहित ८ टिम सहभागी हुने प्रतियोगितामा नेपालले आयोजक थाईल्याण्डसंग ११ डिसेम्बरमा खेल्नेछ। ८ टिमलाई २ समुहमा बिभाजन गरिएको छ जसमध्ये नेपाल रहेको समुहमा थाईल्याण्ड, हंगकंग र म्यानमार रहेका छन्।

सहभागी रास्ट्रहरु – थाईल्याण्ड, हङकङ, मलेसिया, म्यानमार, चीन, भुटान, सिंगापुर र नेपाल

प्रतियोगिताको लागि नेपालले काठमाडौँमा ३ साता अभ्यास गरेको थियो। देशका बिभिन्न क्षेत्रबाट छानिएका ४६ जना खेलाडीहरुबाट २४ हुँदै १४ जना खेलाडी प्रतियोगिताको लागि छानिएका छन्। नेपाली टिमको कप्तानी काठमाडौँका रित गौतमले गर्नेछन्।

टिमको प्रशिक्षकमा जंगबहादुर थापाले र दिपेन्द्र चौधरी रहेका छन्। यस्तै टिम निर्देशकको रुपमा बिनोद दास पनि टिमसंगै मलेसिया उडेका छन्। तिन जनाको छनौट समितिले १४ सदस्यीय टिमको चयन गरेको थियो।

नेपाली टिम – रित गौतम ( कप्तान ) , बिशाल बिक्रम केसी ( उपकप्तान ) , कुशल मल्ल, राजन मगर, तृत राज दास, अमित कुमार यादब, सुबास ऐर ( सुबोध ) नारायण जोशी, सुनिल भण्डारी, सुर्य तामाङ, अजय कुमार लुनिया, प्रतिश जीशी, मेख बहादुर सेन थापा, निखिल कुमार सिंह

वैकल्पिक – विवेक कुमार यादब , रहमान अलि , बिशांक सुबेदी, शेख इमरान

 

कप्तान रित गौतम बीचमा टिम निर्देशक बिनोद दास ( बायाँ ) र सहायक प्रशिक्षक दिपेन्द्र चौधरीसंग

नेपाली टिमलाई शुक्रबार सुशील कोइराला फाउन्डेसनले बिदाई गरेको थियो। फाउन्डेसनलेनै बन्दसत्रको क्रममा नेपाली टिमको अधिकाँश जसो खर्च बेहोरेको थियो।

यु-१६ स्तरमा नेपालले अन्तर्राष्ट्रिय प्रतियोगिता यस भन्दा अघि सन् २०१४ मा एसीसी यु-१६ प्रिमियर थियो। सो प्रतियोगिताको उपाधि नेपालले फाइनलमा नेपालले मलेसियालाई ३२ रनले पराजित गरेको थियो। उक्त प्रतियोगिता खेलेका आसिफ शेखले नेपाली रास्ट्रिय टिममा स्थान बनाईसकेका छन् भने रबिन्द्र शाही, प्रनित थापा, सुमित महर्जन, जितेन्द्र सिंह ठकुरी, पवन सर्राफ, रिजन ढकालले यु-१९ रास्ट्रिय टिमको लागि खेलीसकेका छन्।प्रतियोगितामा जितेन्द्र सिंह ठकुरी उत्कृस्ट बलर घोषित भएका थिए भने देब्रे हाते स्पिनर अनिल खरेलले उदयमान खेलाडीको उपाधि पाएका थिए।

कप्तान रित गौतमलाई बिदाई गर्दै उनकी आमा

( फोटो सौजन्य – निला भण्डारी )

 





थप समाचार

धेरै भन्दा धेरै अभ्यासको खाँचो छः रुबिना क्षेत्री

अन्तर्राष्ट्रिय प्रतियोगितामा औपचारिक सहभागितामै सिमित हुने गरेको नेपाली राष्ट्रिय टोली मलेसियामा सम्पन्न एसिसि महिला टी–२० च्याम्पियन्ससिपमा अभागी टोली बन्यो । […]

नेपालको क्रिकेट विकासमा सहयोग गर्ने आईसीसीको प्रतिबद्धता

युवा तथा खेलकुद मन्त्री महेश्वरजंग गहतराज र आईसीसीका प्रतिनिधिबीच शनिबार भेटवार्ता भएको छ । त्रिपुरेश्वरस्थित राष्ट्रिय खेलकुद परिषद्को बैठक कक्षमा […]

एसीसी महिला टी-ट्वान्टी : मलेसियालाई हराउँदै युएई च्याम्पियन

युएईले एसीसी महिला टी-ट्वान्टी च्याम्पियनसिपको उपाधि जितेको छ । मलेसियाको किनरारा ओभलमा शनिबार भएको फाइनलमा आयोजकलाई ५ विकेटले हराएर युएईले […]

नेपालको दुर्भाग्य, वर्षाले खेल पुरा नहुँदा युएई एसिया कप खेल्न छनोट

मलेसियामा जारि एसीसी महिला टि-२० प्रतियोगिता अन्तर्गत सेमीफाइनल खेल वर्षाका कारण पुरा हुन नपाउदा समुह चरणको प्रदर्शनको आधारमा युएई फाइनल […]

नेपाल हङकङसँग पराजित

एसीसी महिला टी–ट्वान्टी च्याम्पियनसिपमा नेपाल हङकङसँग पराजित भएको छ । मलेसियाको किनरारा ओभल क्रिकेट मैदानमा आज भएको समूह चरणको अन्तिम […]

एसीसी महिला टी-२० च्याम्पियनसिप : आज हङकङ भिड्दै नेपाल

काठमाडौँ । मलेसियामा जारी एसीसी महिला टी-ट्वान्टी च्याम्पियनसिप अन्तर्गत नेपालले आज मंगलबार हङकङसँग प्रतिस्पर्धा गर्दैछ । किनरारा ओभलमा नेपालले चौंथो […]