स्पिनरहरु हाबी हुँदा भारतमा नेपाली युवा टिमको लागातर तेश्रो जित

nepal u19


  • विकेटनेपाल, २५ असार

सिंगापुरमा १५-२५ जुलाईमा आयोजना हुने यु-१९ बिश्वकप छनौट ‘एसिया’ प्रतियोगिताको तयारीको लागि भारत भ्रमणमा रहेको नेपाली रास्ट्रिय क्रिकेट टिमले तेश्रो अभ्यास खेलमा पनि सहज जित हात पारेको छ l  .  हेर्नुस स्कोरकार्ड 

आरपी सिंह क्रिकेट एकेडेमी ( ग्रेटर नोयडा ) संग सहिद विजय पथिक स्पोर्ट्स कम्प्लेक्समा सम्पन्न खेलमा नेपाली युवा टिमले ६० रनले जित निकाल्दै आफ्नो विजय यात्रा जारि राखेको हो l भ्रमण अन्तर्गत यस अघि नेपालले पहिलो अभ्यास खेलमा फ्रेन्ड्स क्रिकेट एकेडेमी बिरुद्ध १२१ रनको तथा गुरुग्राम स्पोर्ट्स क्लब बिरुद्ध २४९ रनको जित हाँसिल गरेको थियो l

टस जितेर ब्याटिंग गरेको नेपाली टिमले ४५.२ ओभरमा १७६ रन मात्रै बनाउन सक्यो l घाँसे पिचमा उत्कृस्ट ब्याटिंग पस्कन नसके पनि ओपनर सन्दिप सुनार, दिपेन्द्र ऐरी र प्रनित थापाले आफ्नो लय जारि राख्नु नेपालको लागि सकारात्मक पक्ष थियो l

साथि ओपनर आसिफ शेख ( १४ रन ) पुनः चाडै पेभेलियन फर्किंदा सन्दिप सुनारले ८ चौका मदतले ४६ रन योगदान दिए l खराब लयमा रहेका आसिफ पहिलो अभ्यास खेलमा ‘०’ तथा दोश्रो अभ्यास खेलमा १ रनमै पेभेलियन फर्किएका थिए l स्कोरकार्ड  

तेश्रो नम्बरमा प्रनित थापाले ३३ रन तथा चौथो नम्बरका दिपेन्द्र ऐरीले ३९ रन बनाउदै नेपाली इनिंग सम्हाल्ने प्रयास गरेपनि ठुलो स्कोर बनाउन असफल भएका थिए l तल्लो मध्येक्रमका ब्याट्सम्यानहरु  अनिल शाह ७, प्रकाश केसी १२ तथा रोहित पौडेलले ९ रन मात्रै बनाउन सक्दा नेपालले ठुलो स्कोर गर्न सकेन l

साथि ओपनर आसिफ शेख ( १४ रन ) पुनः चाडै पेभेलियन फर्किंदा सन्दिप सुनारले ८ चौका मदतले ४६ रन योगदान दिए l

आईपिएलमा किंग्स ११ पन्जाबको प्रतिनिधित्व गरेका खेलाडी अनुरित सिंह आरपी सिंह एकेडेमीबाट खेलेका थिए जसले विकेट लिन नसकेपनि ५ ओभरमा २ मेडन ओभर सहित मात्र १६ रन खर्चिए l स्थानीय टोलिको लागि हर्षित सेठीले ४ विकेट हात पार्ने क्रममा १० ओभरमा मात्र ३४ रन खर्चेका थिए l

जवाफमा १७७ रन लक्ष पछ्याएको स्थानीय टिम माथि नेपाली स्पिनरहरु हाबी भए l उत्कृस्ट लयमा रहेका पवन सर्राफले र लय पक्डेका शाहब आलमले समान ३-३ विकेट हात पार्दा आरपी सिंह एकेडेमीले ३२.५ ओभरमा सबै विकेट गुमाई ११६ रन मात्रै बनाउन सक्यो l उसको लागि उत्कर्ष सुरीले सर्बाधिक २८ तथा बबी यादबले २६ रन योगदान दिए l

कप्तान सन्दिप लामिछानेले २ तथा रिजन ढकाल र ललित राजबंशीले १-१ विकेट आफ्नो पक्षमा परेका थिए l

भारत भ्रमणमा रहेको १८ सदस्यीय टोलिबाट अन्तिम १४ जनाको छनौट यसै साताको सुरुवातमै हुनेछ जसपछि नेपाली टिम १४ तारिकमा भारतबाटै सिंगापुरतर्फ प्रस्थान गर्ने कार्यक्रम रहेको छ l

बिश्वकप छनौट एसिया प्रतियोगितामा नेपाल सहित आयोजक सिंगापुर, मलेसिया र अफगानिस्तान सहभागी हुँदैछन् l सहभागी प्रत्येक टिमसंग नेपालले २-२ वटा खेल खेल्नेछ l प्रतियोगिताको बिजेता टोलि न्युजिल्याण्डमा जनवरीमा आयोजना हुने यु-१९ बिश्वकपमा सिधा छनौट हुनेछ l

कुल ६ खेल खेल्ने नेपालले १७ जुलाईमा सिंगापुरसंग पहिलो खेल खेल्नेछ भने १८ जुलाईमा मलेसिया, २० जुलाईमा अफगानिस्तान, २१ जुलाईमा सिंगापुर, २४ जुलाईमा मलेसिया तथा २५ जुलाईमा अफगानिस्तानसंग खेल्ने कार्यक्रम छ l

 





थप समाचार

T20WC : ट्रंपलम्यानको घातक बलिंग, नामिबियाद्वारा स्कटल्याण्ड पराजित

स्कटल्याण्डलाई ४ विकटले पराजित गर्दै युएईमा जारि टि-ट्वान्टी विश्वकपको सुपर-१२ चरणमा नामिबियाले विजयी सुरुवात गरेको छ। पहिलो खेलमा अफगानिस्तानसंग पराजित […]

पाकिस्तानसंग हारपछि पनि सेहवागको विश्वास “भारतले टि-२० विश्वकप जित्नेछ”

युएईमा जारी टि-ट्वान्टी विश्वकपको आफ्नो पहिलो खेलमै पाकिस्तानसंग १० विकेटको विशाल अन्तरले पराजित भएको भारतलाई प्रतियोगिता सुरु हुनु अघि विश्वकप […]

विश्वकप एसियाली छनोट खेल्ने महिला राष्ट्रिय टिमको घोषणा, कविता पहिलो पटक राष्ट्रिय टिममा

युएईमा आगामी महिना नोभेम्बर २० देखि २६ तारिखमा आयोजना हुने २०२१ आईसीसी महिला टि-ट्वान्टी विश्वकपको एसिया छनोट प्रतियोगिताको लागि १४ […]

T20WC : बंगलादेश बिरुद्ध शानदार जित पछि इंग्ल्यान्ड समुह ‘१’ को शिर्षमा

युएईमा जारी टि-ट्वान्टी विश्वकप अन्तर्गत सुपर-१२ चरणमा इंग्ल्यान्डले आफ्नो शानदार लय जारी राख्ने क्रममा बंगलादेशलाई ८ विकेटले सहजै पराजित गरेको […]

T20WC : टि-२० विश्वकपमा आज दुई खेल हुँदै

युएईमा जारि टि-ट्वान्टी विश्वकपको सातौँ संस्करण अन्तर्गत सुपर-१२ चरण चल्दै गर्दा आज बुधबार दुई खेल हुँदैछन्। दिनको पहिलो खेलमा समुह […]

T20WC : पाकिस्तानको लगातार दोश्रो जित

न्युजिल्यान्डलाई  ५ विकेटले पराजित गर्दै पाकिस्तानले टि-ट्वान्टी विश्वकपमा लगातार दोश्रो जित दर्ता गरेको छ। पहिलो खेलमा उसले भारतलाई १० विकेटले […]