एसिया कप छनौट हुने लक्ष्य : नेपाली यु-१९ टिम मलेसिया प्रस्थान



मलेसियामा जुलाई २ देखि सुरु हुने एसीसी अन्डर-१९ इस्टर्न रिजन एकदिवसीय प्रतियोगिता खेल्न नेपाली टिम आज दिउसो मलेसिया प्रस्थान गरेको छ।

प्रतियोगिताको डिफेन्डिङ च्याम्पियन समेत रहेको नेपाली युवा टिम दिउसो २ बजे मलेसिया प्रस्थान गरेको हो। सन् २०१७ मा मलेसियामा आयोजित एसीसी यु-१९ इस्टर्नको उपाधि नेपालले फाइनलमा हंगकंगलाई पराजित गर्दै जितेको थियो।

टिमको औपचारिक विदाई कार्यक्रम भने आयोजना गरिएन।

कुल ७ टिम सहभागी प्रतियोगिता अन्तर्गत नेपाल रहेको समुह ‘ए’ मा सिंगापुर र चिन रहेका छन्।यस अघि नेपालको समुहमा म्यानमार रहे पनि अन्तिम समयमा म्यानमारले नाम फिर्ता लिएको हो। समुह ‘बि’ मा आयोजक मलेसिया, भुटान, हंगकंग र थाईल्याण्ड रहेका छन्।

मलेसिया प्रस्थान गर्नु अघि नेपाली टिमका प्रशिक्षक बिनोद दासले प्रतियोगिता जितेमा यु-१९ एसिया कप छनौट हुने हुँदा विजेताको रुपमा नेपाली टिम फर्किने विश्वास व्यक्त गरे।

नेपालको लागि प्रतियोगितामा जित हात पार्नु महत्वपूर्ण रहेको छ। प्रतियोगिताको विजेता टिम श्रीलंकामा यसै वर्ष अगस्ट/सेप्टेम्बरमा आयोजना हुने एसीसी अन्डर-१९ एसिया कप खेल्न छनौट हुनेछ। एसियाको पश्चिम क्षेत्रबाट युएई र कुवेत एसिया कप खेल्न छनौट भइसकेका छन्। यु-१९ एस्यिया कपमा एसियाली टेस्ट राष्ट्रका यु-१९ टिमहरु भारत, पाकिस्तान, श्रीलंका, बंगलादेश र अफगानिस्तान स्वतः छनौट भैसकेका छन्।

नेपालले प्रतियोगिताको पहिलो खेल जुलाई ३ तारिकमा चिनसंग खेल्ने तालिका रहेको छ। यस अघिको तालिकामा नेपालको पहिलो खेल म्यानमारसंग जुलाई २ मा रहेको थियो।

नेपालले दोश्रो खेल सिंगापुरसंग जुलाई ५ तारिकमा खेल्नेछ। सेमीफाइनल खेल जुलाई ८ तथा फाइनल जुलाई ९ तारिकमा संचालन हुनेछ। नेपालको दुवै खेल किनरारा ओभल मैदानमा नेपाली समय ७:४५ बजे ( मलेसियिया समय १० बजे ) बिहान सुरु हुनेछ।

मलेसिया प्रस्थान गर्नु अघि नेपाली टिम पशुपतिनाथको दर्शन गर्न पुगेको थियो

म्यानमारले नाम फिर्ता लिए पछि नेपाललाई अघिल्लो चरण प्रवेश गर्न झनै सहज भएको छ। समुह चरणमा एक टिमले अर्को टिमसंग १-१ खेल खेलेपछि समुहको उत्कृस्ट २ टिमले सेमीफाइनलमा स्थान बनाउनेछ।

प्रतियोगितामा नेपाली टिमको कप्तानी रोहित पौडेलले गर्नेछन्। टोलीमा रित गौतम, पवन सर्राफ, विशाल विक्रम केसी, भीम सार्की, कुशल मल्ल, रशिद खान, सागर ढकाल, हरिबहादुर चौहान, प्रतिष जिसी, कमलसिंह ऐरी, खडक बोहरा, तिलक भण्डारी र लोकेश बम छन् । त्यस्तै टोलीको प्रशिक्षकमा विनोद दास छन् भने व्यवस्थापकमा राजु खड्का र फिजियोमा विक्रम न्यौपाने छन् ।

 





थप समाचार

राष्ट्रिय क्रिकेट टिमको प्रशिक्षकमा पुबुदु फर्कने

नेपाली राष्ट्रिय क्रिकेट टिमको मूख्य प्रशिक्षकमा पुबुदु दासानायके फर्कने निश्चित भएको छ। यो वर्ष अगस्टमा डेभ व्हाटमोरले व्यक्तिगत कारण देखाउदै […]

BIG BASH : सन्दिपले लिए ड्यानियल क्रिस्चियनको विकेट, कमेन्टेटरद्वारा तारिफ

एघारौं सिजनको बिग ब्यास लिग अन्तर्गत पहिलो खेल खेल्ने क्रममा नेपाली लेग स्पिनर सन्दिप लामिछानेले राम्रो सुरुवात गरेका छन्। सिड्नी […]

टि-२० विश्वकप छनोट : नेपालको समुहमा ओमान र आयरल्याण्ड

२०२२ अक्टोबर-नोभेम्बर मा अस्ट्रेलियामा आयोजना हुने टि-ट्वान्टी विश्वकपको ग्लोबल क्वालीफायरमा स्वतः छनोट भएको नेपालले आगामी वर्ष २०२२ फेब्रुअरीमा ओमानमा ग्लोबल […]

प्रदेश २ स्तरिय महिला क्रिकेट : सानाकाे उत्कृष्ट प्रदर्शनले बारा विजयी, सिराहाद्वारा

प्रधानमंन्त्री कप प्रदेश स्तरिय टि ट्वान्टी महिला सिनियर छनाेट क्रिकेट प्रतियाेगिता अन्तर्गत आज भएकाे दुई वटा खेलमा बारा र सिरहा […]

हिमालयनलाई बर्दिया प्रिमियर लिगको उपाधी, आयुष्मान सर्वोत्कृष्ट

दोश्रो बर्दिया प्रिमियर लिगको उपाधि हिमालयन क्रिकेट एकेडेमीले उपाधि जितेको छ । मंगलबार गुलरियामा सम्पन्न फाइनलमा हिमालयनले स्टार क्रिकेट एकेडेमीलाई […]

११ नेपाली खेलाडी पीएसएल ड्राफ्टमा, छनोट भए कति पाउनेछन् रकम ?

पाकिस्तान सुपर लिगको ( पीएसएल ) आगामी संस्करण अर्थात् सातौँ संस्करण आगामी वर्ष २०२२ जनवरी २७ तारिख देखि फेब्रुअरी २७ […]