Kathmandu Goldens Vs CYC Attariya – 1st Qualifier
Live Score +
Home - Editor's Choice - टप अर्डरले रन बनाउनु पर्ने पारसको भनाई, युएई कप्तान भन्छन् दबाब छैन

Editor's Choice

टप अर्डरले रन बनाउनु पर्ने पारसको भनाई, युएई कप्तान भन्छन् दबाब छैन

Wicketnepal Staff
Editor
  • 5.4K
  •  
  •  
  •  
  •  
  •  
    5.4K
    Shares

  • विकेटनेपाल, ,माघ २० , आइतबार 

एक टि-२० अन्तर्राष्ट्रिय सिरिजको निर्णायक खेलमा आज दिउसो २:४५ बजे घरेलु टिम युएई र नेपाल प्रतिस्पर्धा गरिरहेका छन्।

यस अघि एकदिवसीय सिरिजमा पहिलो खेल जितेपछि २ खेल लगातार हार्दै सिरिज गुमाएको युएई टि-२० सिरिजमा भने त्यो गल्ति नदोहोर्याउने पक्षमा रहेको छ। अर्कोतर्फ नेपाल भने पहिलो खेलमा हार पछि एकदिवसीय सिरिज जिते जस्तै टि-२० सिरिज पनि जित्दै नयाँ इतिहास बनाउन चाहना छ।

“दबाब छैन” – युएई कप्तान मोहम्मद नबिद 

महत्वपूर्ण खेल अघि युएई टिम कप्तान तथा ओपनिङ्ग तिब्र गति बलर मोहम्मद नबिदले आफ्नो टिम दबाबमा नरहेको यूएईको स्थानीय पत्रिका द नेसनललाई बताएका छन्।

“हामि अनलकि भयौं जसकारण अन्तिम खेल हार्न पुग्यौं तथापी केटाहरुले राम्रो प्रयास गरेका थिए।”

Mohammad Naveed
Mohammad Naveed ( Photo – Thenational.ae )

पहिलो खेलमा युएईले नेपाललाई १५४ रनको लक्ष्य दिंदा नेपालले १३२ रन मात्रै बनाउन सकेको थियो भने दोश्रो खेलमा युएईले दिएको १०८ रनको लक्ष्य नेपालले ६ विकेट गुमाएर पुरा गरेको थियो।

“हामि केहि गल्तिहरु गरिरहेका छौँ, विशेष गरि ब्याटिंगमा तर हामीलाई आफु प्रति विश्वास छ। हामि कुनै दबाबमा छैनौँ र म खेलाडीहरुले खेलको मजा लिउन भन्ने चाहन्छु। ”

राम्रो सुरुवातको आवस्यकता छ – नेपाल कप्तान पारस खड्का 

निर्णायक खेल अघि नेपाली कप्तान पारस खड्काले द नेसनलसंग कुराकानीमा आफ्नो टिम जितको भोको रहेको र सुरुवाती ब्याट्सम्यानबाट राम्रो सुरुवातको अपेक्षा गरेका छन्। पहिलो २ टि-२० सिरिजमा नेपालले पहिलो विकेट १ रनको योगफलमा गुमाएको थियो। पारस र प्रदिपले ओपनिङ्गमा रन बनाउन सकेका छैनन् भने तेश्रो नम्बरमा ज्ञानेन्द्र मल्ल पनि लयमा छैनन्।

“अन्तिममा नतिजालेनै मूल्य राख्छ तर हामीले यदी राम्रो सुरुवात ( माथिल्लो क्रमले ) दिलाएको खण्डमा टिमले राम्रो नतिजा ल्याउन सक्छ।”

“हामीले सिरिजलाई निर्णायक खेलको अवस्थासम्म ल्याएका छौँ र आशा गर्छौ कि हामिले अर्को राम्रो प्रदर्शन गर्छौ”

पारसले दुवै टिम उतिकै बलियो रहेको बताए –

“हामीले फेरी सुरुवात गर्नुपर्नेछ किनकि दुवै टिम उतिकै बलियो छन्। सिरिजको खेलहरुले बताउछ कि दुवै टिमका खेलाडीहरु मैदानमा गएर राम्रो खेल्न भोका छन्”

“हामि हाम्रो शत-प्रतिशत प्रयास गरिरहेका छौ र आशा गरिरहेका छौँ कि अन्तिम प्रयासमा पनि प्रभावित पार्ने प्रदर्शन गर्नेछौँ”

 

 

 


  • 5.4K
  •  
  •  
  •  
  •  
  •  
    5.4K
    Shares