११ बलमै जित्यो नेपाल

Nepal Cricket Team


  • विकेटनेपाल, असोज २४ 

मलेसियामा जारी आईसीसी ट्वान्टी-२० विश्वकप छनौट एसिया (पूर्वी) प्रतियोगिता अन्तर्गत नेपालले लगातार आफ्नो पाँचौं खेलमा जित हात पारेको छ।

मलेसियाको बयुमस ओभल मैदानमा सम्पन्न खेलमा नेपालले चिनलाई १० विकेटले पराजित गर्यो।

यस अघिनै टि-२० बिश्वकप एसिया छनौटको लागि छनौट भइसकेको नेपाल जितसंगै अंकतालिकाको शिर्ष स्थानमा रहेको छ। नेपालको ५ खेलमा ५ जित सहित १० अंक भएको छ भने सिंगापुरले ४ खेलमा ४ जित्दै ८ अंक बटुलेको छ जो दोश्रो स्थानमा रहेको छ।

प्रतियोगिता अन्तर्गत नेपालले अन्तिम खेल शुक्रबार बायुमस ओभल मैदानमा सिंगापुरसंग खेल्नेछ। खेल नेपाली समय १२:१५ बजे सुरु हुनेछ।

११ बलमै जित्यो नेपाल 

टस हारेर ब्याटिंग गर्दै चिनले दिएको २७ रनको लक्ष्य नेपालले ११ बलमै पुरा गर्यो।

जितमा ओपनर बिनोद भण्डारीले अविजित २४ रनको योगदान गरे। मात्र ८ बलमा भण्डारीले ३ चौका र १ छक्का प्रहार गरे। यस्तै अर्का ओपनर प्रदिप ऐरीभने ४ रनमा अविजित रहे।

२६ मै समेटियो चिन 

यसअघि टस हारेर ब्याटिंगको निम्तो पाएको चिनले १३ ओभरमा सबै विकेट गुमाएर २६ रन मात्र जोड्न सकेको थियो। नेपाली स्पिनरहरुको कसिलो बलिंगको अगाडी चिनियाँ ब्याट्सम्यानहरुको सिप चल्न सकेन।

चिनले यस अघिको खेलहरुमा म्यानमारसंग ४८, भुटानसंग ४५, सिंगापुरसंग २६, थाईल्याण्डसंग ३५ रन बनाएको थियो।

Sandeep Lamichhane
Player of the match Sandeep Lamichhane ( File Photo )

चिनका लागि ओपनर ब्याट्सम्यान होंग जियांग यनले सर्वाधिक ११ रनको योगदान गरेका थिए। बसन्त रेग्मीको बलमा कप्तान ज्ञानेन्द्र मल्लको हातबाट समातिन अघि यनले २७ बलको सामना गर्दै १ चौका सहित ११ रन जोडे। यन बाहेक अन्य ब्याट्सम्यानहरुले दोहोरो अंकमा रन बटुल्न सकेका थिएनन्।

|| स्कोरकार्ड ||
|| अंकतालिका ||

चिनको ब्याटिंगलाई ध्वस्त गर्ने क्रममा ३ नेपाली स्पिनरहरु सन्दिप लामिछाने, ललित राजबंशी र बसन्त रेग्मीले समान ३-३ विकेट लिएका थिए। आफ्नो ४ ओभरको कोटामा सन्दिपले १ मेडन सहित ४ रन खर्चिएर ३ विकेट हात पारेका थिए। यस्तै ललित राजबंशीले ३ ओभरमा १ मेडन सहित १२ रन तथा बसन्त रेग्मीले ४ ओभरमा १ मेडन सहित ५ रन खर्चिएका थिए।

चिनले यस अघिको खेलहरुमा म्यानमारसंग ४८, भुटानसंग ४५, सिंगापुरसंग २६, थाईल्याण्डसंग ३५ रन बनाएको थियो। प्रतियोगिताकै पहिलो खेलमा नेपालले म्यानमारलाई १८ बलमै पराजित गरेको थियो।





थप समाचार

एनपीएल टि-२० : टिमहरुको नाम सार्वजनिक, खेलाडीको तलव वृद्धि

नेपाल क्रिकेट संघको आयोजनामा सेप्टेम्बर २४ देखि अक्टोबर २२ ( असोज ८ देखि कार्तिक ५ ) सम्म आयोजना हुने नेपाल […]

मिलर चम्किंदा गुजरात आइपिएलको फाइनलमा

गुजरात टाइटन्स आइपिएलको फाइनलमा प्रवेश गरेको छ । पहिलो क्वालिफायर खेलमा गुजरात टाइटन्सले राजस्थान रोयल्सलाई ७ विकेटले हराएको हो । […]

सरकारको नीति तथा कार्यक्रम : फाप्ला र गौतम बुद्ध अन्तर्राष्ट्रिय स्टेडियम पूरा गर्ने

नेपाल सरकारले सातवटै प्रदेशमा सुविधासम्पन्न दशरथ रंगशाला निर्माण गर्ने भएको छ । मंगलबार राष्ट्रपति विद्यादेवी भण्डारीले प्रस्तुत गर्नुभएको सरकारको नीति […]

डीएसएल : दाङको देउखुरी वारियर्स र कैलाली जिल्ला क्रीकेट क्लब विजयी

कैलालीको धनगढीमा जारी टी–२० क्लब क्रीकेट प्रतियोगिता ‘धनगढी सुपर लिग’ मा दाङको देउखुरी वारियर्स क्रीकेट क्लब र कैलाली जिल्ला क्रीकेट […]

नवौं राष्ट्रिय खेलकुद असोजमा

काठमाडौं, जेठ १० गते । गण्डकी प्रदेशमा जेठ २२ देखि २८ गते आयोजना गरिने भनिएको नवौं राष्ट्रिय खेलकुद प्रतियोगिताको मिति […]

कृतिकालाई कप्तानी

देब्रे हाते स्पिनर कृतिका मरासिनीलाई नेपाल क्रिकेट संघ ( क्यान ) ले अन्डर-१९ महिला राष्ट्रिय क्रिकेट टिमको कप्तानी सुम्पेको छ। […]