नेपाल हंगकंगसँग खेल्दै, यस्तो छ पछिल्ला ५ खेलको नतिजा

Sompal Kami Bowling


  • विकेटनेपाल, फाल्गुन २७ – आइतबार

जिम्बाबेमा जारि आइसीसी विश्वकप छनौट प्रतियोगिता अन्तर्गत नेपालले आफ्नो समूह चरणको अन्तिम खेलमा सोमबार चिरप्रतिद्वन्दी हंगकंगको सामना गर्दै छ। प्रतियोगितामा ३ खेल खेलेको नेपाल तिनै खेलमा पराजित हुँदै समूहको अन्तिम स्थानमा रहेको छ भने हंगकंगले समान खेलबाट अफगानिस्तान बिरुद्द ऐतिहासिक जित हात पार्दै २ अंक बटुलेको छ।

हंगकंगलाई पराजित गर्दै एकदिवसीय मान्यता प्राप्त गर्ने बाटो खुला राख्ने उदेश्य सहित नेपाल मैदानमा उत्रिने छ भने हंगकंगले पनि जित हात पार्दै सुपरसिक्समा स्थान बनाउन चाहन्छ। नेपाल र हंगकंग बीच प्रतियोगिता अघि अभ्यास खेलमा तालिका रहेपनि बर्षाको कारण खेल हुन सकेको थिएन। पछिल्ला ५ खेलहरुमा यी दुई रास्ट्रहरु बिचको नतिजा यस्तो छ –

नेपाल Vs हंगकंग: अन्तिम ५ खेलमा नतिजा यसप्रकार छन्-

विश्व क्रिकेट लिग, पहिलो खेल – १३ अक्टोबर २०१७

ओपनर जिमी एटकिन्सनले ७६ रन तथा तन्बिर अफ्ज़लले ३८ रन बनाएपछि पहिले ब्याटिंग गरेको हंगकंगले ५० ओभरमा सबै विकेट गुमाउँदै १९४ रनको योगफल तयार पार्यो। नेपालको लागि सन्दिप लामिछानेले ३ विकेट तथा बसन्त रेग्मी र करन केसीले समान २/२ हात पारे।
जवाफमा १९५ रन लक्ष्य पछ्याएको नेपालले एहसान खानले ५ विकेट तथा ऐजाज़ खानले ३ विकेट हात पारेपछि ३४.५ ओभरमा मात्र १११ रन बनाउन सक्यो र ८३ रनले पराजित हुन पुग्यो। नेपालको लागि पारस खड्काले सर्वाधिक २६ रन बनाएका थिए। सोहि प्रतियोगिता अन्तर्गत १५ अक्टोबरमा घोषणा गरिएको दोश्रो एकदिवसीय खेल बर्षाको कारण १/१ अंक बाँड्दै सकिएको थियो।

एसियन क्रिकेट काउन्सिल इमर्जिंग कप – ३० मार्च २०१७

अभिनाश कर्णले २९ रन खर्चेर ३ विकेट तथा भुवन कार्की, सुशन भारी र ज्ञानेन्द्र मल्लले समान २/२ विकेट हात पारेपछि पहिले ब्याटिंग गरेको हंगकंगले ५० ओभरमा २१४ रन बनाउदा सबै विकेट गुमाएको थियो । हंगकंगका अन्शुमन रथले ५१ रन तथा क्यामरुन म्याकअस्लनले ४३ रन बनाएका थिए।

जवाफमा ज्ञानेन्द्र मल्लले ७० रन, दिपेन्द्र सिंह ऐरीले अविजित ६० रन तथा शरद भेसावकरले अविजित ५५ रन प्रहार गरेपछि नेपालले ४४.२ ओभरमा मात्र ३ विकेट गुमाएर लक्ष्य पुरा गरेको थियो। ऐरी र भेसावकरले चौथो विकेटको लागि अविजित १०५ रनको साझेदारी गरेका थिए। हंगकंगका एहसान खानले ३ विकेट लिएका थिए।

एसीसी प्रिमियर लिग – ५ मे २०१४

सोमपाल कामिले ३४ रन खर्चेर ४ विकेट, बसन्त रेग्मीले ३४ रन खर्चेर ३ विकेट तथा आरिफ शेखले २ विकेट लिएपछि ओपनर इरफान अहमदको १०६ रन (११५ बल, १० चौका, ३ छक्का) को बाबजुत हंगकंगले निर्धारित ५० ओभरको खेलमा ४१.५ ओभरमा १८१ रनमा सबै विकेट गुमाएको थियो। त्यसपछि खेल बर्षाले प्रभावित हुँदा डिएल मेथडको आधारमा ३८ ओभरमा १४४ रनको बिजयी लक्ष्य पाएको नेपालले ३४.१ ओभरमा मात्र ३ विकेट गुमाएर लक्ष्य पुरा गरेको थियो। नेपालको जितमा नरेश बुढाएरले ४१ रन तथा पारस खड्काले अविजित ४३ रन प्रहार गरेका थिए।

Sompal Kami Bowling
Sompal Kami Bowling

विश्वकप छनौट २०१४ – १९ जनवरी २०१४

हसीब अमजदले ४० रन खर्चेर ४ विकेट तथा ऐजाज़ खान र इरफान अहमदले समान २/२ विकेट लिएपछि नेपालले ४९.३ बलमा सबै विकेट गुमाउंदै मात्र १५० रनको योगफल तयार पारेको थियो । कुनै समय ६५/८ को अवस्थामा रहेको नेपाललाई बसन्त रेग्मीले ४५ रन तथा सोमपाल कामिले २६ रन प्रहार गर्दै नवौं विकेटको लागि महत्त्वपुर्ण ५७ रनको साझेदारी गरेका थिए। यस्तै पारस खड्काले पनि २९ रन बनाएका थिए।

जवाफमा हंगकंगका लागि ओपनरद्वय वाकस बर्कात र इरफान अहमदले क्रमश: अविजित ५६ र ८६ रनको पारि खेल्दै पहिलो विकेटको लागि अविजित १५४ रनको साझेदारी गरेपछि हंगकंगले १० विकेटको जित हात पारेको थियो। उसले लक्ष्य ३३.२ ओभरमा पुरा गरेको थियो।

एसीसी ट्रफी ईलाईट २०१२ – ९ अक्टोबर २०१२

पारस खड्काको आक्रामक ६१ रन (५४ बल, ६ चौका), अनिल मण्डलको ३७ रन तथा बसन्त रेग्मीको ३१ रनको मद्दतमा नेपालले पहिले ब्याटिंग गर्दै ५० ओभरमा ७ विकेट गुमाएर २२५ रनको योगफल तयार पारेको थियो। हंगकंगका तन्बिर अफ्ज़ल, निजाकत खान र करण शाहले समान २/२ विकेट हात पारेका थिए । जवाफमा अमृत भट्टराई र बसन्त रेग्मीले समान ३/३ विकेट लिएपछि हंगकंगले ३७ ओभरमा सबै विकेट गुमाउदै मात्र १०० रन बनायो र १२५ रनको बिशाल योगफलले पराजित भयो ।





थप समाचार

नेपालको क्रिकेट विकासमा सहयोग गर्ने आईसीसीको प्रतिबद्धता

युवा तथा खेलकुद मन्त्री महेश्वरजंग गहतराज र आईसीसीका प्रतिनिधिबीच शनिबार भेटवार्ता भएको छ । त्रिपुरेश्वरस्थित राष्ट्रिय खेलकुद परिषद्को बैठक कक्षमा […]

एसीसी महिला टी-ट्वान्टी : मलेसियालाई हराउँदै युएई च्याम्पियन

युएईले एसीसी महिला टी-ट्वान्टी च्याम्पियनसिपको उपाधि जितेको छ । मलेसियाको किनरारा ओभलमा शनिबार भएको फाइनलमा आयोजकलाई ५ विकेटले हराएर युएईले […]

नेपालको दुर्भाग्य, वर्षाले खेल पुरा नहुँदा युएई एसिया कप खेल्न छनोट

मलेसियामा जारि एसीसी महिला टि-२० प्रतियोगिता अन्तर्गत सेमीफाइनल खेल वर्षाका कारण पुरा हुन नपाउदा समुह चरणको प्रदर्शनको आधारमा युएई फाइनल […]

नेपाल हङकङसँग पराजित

एसीसी महिला टी–ट्वान्टी च्याम्पियनसिपमा नेपाल हङकङसँग पराजित भएको छ । मलेसियाको किनरारा ओभल क्रिकेट मैदानमा आज भएको समूह चरणको अन्तिम […]

एसीसी महिला टी-२० च्याम्पियनसिप : आज हङकङ भिड्दै नेपाल

काठमाडौँ । मलेसियामा जारी एसीसी महिला टी-ट्वान्टी च्याम्पियनसिप अन्तर्गत नेपालले आज मंगलबार हङकङसँग प्रतिस्पर्धा गर्दैछ । किनरारा ओभलमा नेपालले चौंथो […]

एसीसी टि-२० महिला : नेपाल सेमिफाइनलमा

एसिसी महिला टी–ट्वान्टी च्याम्पियनसिपमा नेपालले बहराइनलाई पराजित गर्दै सेमिफाइनलमा प्रवेश गरेको छ । स्कोरकार्ड , अंकतालिका  मलेसियाको किनरारा ओभल क्रिकेट […]