भारतसंग नेपालको पहिलो खेल, यु-१९ एसिया कपको खेल तालिका सार्वजनिक

Aasif Sheikh


  • विकेटनेपाल,भदौ ३० 

सेप्टेम्बर २९ देखि ७ अक्टोबरसम्म बंगलादेशमा आयोजना हुने अन्डर-१९ युथ एसिया कप प्रतियोगिताको खेल तालिका सार्वजनिक भएको छ।

एसियन क्रिकेट काउन्सिल ( एसीसी ) ले आयोजना गर्ने प्रतियोगिताको पहिलो खेलमा नेपालले टेस्ट राष्ट्र तथा यु-१९ बिश्व कप बिजेता भारतको सामना गर्ने भएको छ।मलेसियामा २०१७ नोभेम्बरमा सम्पन्न प्रतियोगिताको अघिल्लो संस्करणमा नेपालले भारतलाई पराजित गर्दै इतिहासमै पहिलो पटक सेमीफाइनलसम्मको यात्रा तय गरेको थियो।

प्रतियोगितामा ८ राष्ट्रहरु सहभागी हुनेछन् जसलाई २ वटा समुहमा बिभाजन गरिएको छ। नेपाल समुह ‘ए’ मा रहेको छ जुन समुहमा साविकको विजेता अफगानिस्तान, भारत र युएई रहेका छन्। यस्तै समुह ‘बि’ मा आयोजक बंगलादेश, हंगकंग, पाकिस्तान र श्रीलंका रहेका छन्। प्रतियोगिताको खेलहरु ढाका र चिटागोंगमा हुनेछ।

२ वटा समुहबाट उत्कृस्ट २ हुने ४ टिमहरु सेमीफाईनल खेल्न छनौट हुनेछन्। अक्टोबर ४ र ५ तारिकमा सेमीफाईनल र अक्टोबर ७ तारिकमा फाईनल खेलिनेछ।

समुह ‘ए’ – नेपाल , अफगानिस्तान , भारत र युएई
समुह ‘बि’ – बंगलादेश, हंगकंग , पाकिस्तान र श्रीलंका

खेलतालिका ( समुह चरण ) 

सेप्टेम्बर २९ – नेपाल Vs भारत (  बिकेएसपी-४, मैदान ) , अफगानिस्तान Vs युएई , बंगलादेश Vs श्रीलंका र हंगकंग Vs पाकिस्तान
सेप्टेम्बर ३० – भारत Vs युएई , हंगकंग Vs श्रीलंका
अक्टोबर १ – नेपाल Vs अफगानिस्तान (  बिकेएसपी-४, मैदान ) , बंगलादेश Vs पाकिस्तान
अक्टोबर २ – नेपाल Vs युएई  (  बिकेएसपी-४, मैदान ) , अफगानिस्तान Vs भारत, पाकिस्तान Vs श्रीलंका , बंगलादेश Vs हंगकंग

प्रतियोगिताको अगाडी नेपाली यु-१९ टिम यतिबेला भारत भ्रमणमा रहेको छ जहाँ अफगानिस्तान र भारतको यु-१९ टिम सहभगी सिरिजमा नेपालले समेत सहभागिता जनाएको छ। भारतीय क्रिकेट बोर्डको आयोजनामा लखनउमा जारि सिरिज पछि नेपालमै हुने अभ्यास पछि यु-१९ एसिया कपमा सहभागी हुने टिम छनौट गरिनेछ।

नेपाली टिमका प्रशिक्षक बिनोद दासले भारत भ्रमणमा रहेको टिममा ४-५ वटा परिवर्तन गरेर एसिया कपको लागि टिम छनौट गर्ने भारत जानु अघि विकेटनेपाललाई बताएका छन्। भारतमा नेपालले खेलेको २ वटै अभ्यास खेलमा पराजित हुने क्रममा भारत यु-१९ ‘बि’ संग ४० रनले तथा भारत यु-१९ ‘ए’ संग ८ विकेटले नेपाल हारेको थियो। सिरिजको तेश्रो खेलमा नेपालले अफगानिस्तानसंग आइतबार खेल्ने कार्यक्रम रहेको छ।

 

 





थप समाचार

अफगानिस्तानको जितमा रहमतको शतक

दोश्रो एकदिवसीय अन्तर्राष्ट्रियमा ७ विकेटले आयरल्याण्डलाई पराजित गर्दै अफगानिस्तानले तिन खेलको सिरिज १ खेल अगावै २-० ले जित्न सफल भएको […]

बिग ब्यास : सन्दिपको शानदार प्रदर्शन, होबार्टको प्लेअफ सम्भावना कायमै

अष्ट्रेलियामा जारि १० औं संस्करणको बिग ब्यास लिग अन्तर्गत आइतबार सम्पन्न ५२ औं खेलमा होबार्ट हरिकेन्सले सिड्नी सिक्सरलाई ७ रनले […]

प्रम कप : लुम्बिनी र बागमतीको खेल बराबरीमा टुंगियो, बागमती सेमीफाइनलमा

प्रधानमन्त्री कप एकदिवसीय राष्ट्रिय प्रतियोगिता अन्तर्गत आइतबार मुलपानी मैदानमा सम्पन्न समुह ‘बि’ अन्तर्गतको खेल बराबरीमा टुंगिएको छ। स्कोरकार्ड, अंकतालिका बागमती प्रदेशले […]

प्रम कप : सुदूरपश्चिमको सान्त्वना जित, प्रदेश-२ को लगातार तेश्रो हार

प्रदेश-१ लाई पराजित गर्दै सुदूरपश्चिम प्रदेशले प्रधानमन्त्री कप एकदिवसीय राष्ट्रिय प्रतियोगितामा पहिलो जित दर्ता गरेको छ। यस अघिनै सुदूरपश्चिम तिनवटा […]

प्रम कप : एपीएफ सेमिफाइनलमा

प्रधानमन्त्री कप एकदिवसीय राष्ट्रिय प्रतियोगिता अन्तर्गत शनिबार सम्पन्न (ग्रुप ‘ए’) १५ औं खेलमा एपीएफले कर्णालीलाई ७१ रनले पराजित गर्दै सेमिफाइनलमा […]

प्रम कप : लुम्बिनीको दोश्रो जित, सुदूरपश्चिम बाहिरियो

सुदूरपश्चिमलाई ६ विकेटले पराजित गर्दै प्रधानमन्त्री कप एकदिवसीय राष्ट्रिय प्रतियोगितामा लुम्बिनी प्रदेशले दोश्रो जित हात पारेको छ। जितपछि लुम्बिनी समुह […]