मलेसिया बिरुद्ध शानदार जितमा नायक बनेका ३ नेपाली खेलाडी

Sandeep lamichhane, Paras Khadka


  • विकेटनेपाल-२० असोज

मलेसियामा जारि आईसीसी ट्वान्टी-२० विश्वकप छनौट एसिया (पूर्वी) प्रतियोगिता अन्तर्गत आफ्नो दोस्रो खेलमा नेपालले मलेसियालाई ८ विकेटले परजित गर्यो। बयुमास ओभल मैदानमा बिहान टस जितेर ब्याटिंग गरेको मलेसिया १९.३ ओभरमा मात्र १०० रनमा समेटिन पुग्यो।जवाफमा १०१ रनको विजय लक्ष्य नेपालले १२.४ ओभरमा मात्र २ विकेट गुमाएर पुरा गर्यो।

नेपालको जितका नायक बनेका ३ खेलाडीहरु :

सन्दिप लामिछाने (४-०-२०-५) – खेलको म्यान अफ द चुनिएका सन्दिप लामिछानेको प्रदर्शन मलेसियालाई पराजित गर्न महत्वपूर्ण रह्यो। सन्दिपको बलिंगकै सहयोगमा नेपालले मलेसियालाई १०० रनको न्यून स्कोरमा समेटेको थियो।

खेलमा आफ्नो कोटाको ४ ओभर बलिंग गर्दा सन्दिपले २० रन खर्चिएर ५ विकेट (४-०-२०-५) हात पारे। प्रतियोगितामा लगातार रुपमा उत्कृस्ट प्रदर्शन गर्ने क्रममा सन्दिपले मलेसिया बिरुद्ध समेत आफ्नो स्पिनको जादु छरे। ओपनर ब्याट्सम्यानद्वय साएद अजिज र शफिक शरिफ सहित सन्दिपले मलेसियाका तेस्रो नम्बरका ब्याट्सम्यान सुहन अलगरन्तमलाई समेत पभेलियनको बाटो देखाएका थिए।

आफ्नो पहिलो स्पेलमा २ विकेट लिएका सन्दिपले दोस्रो स्पेलमा आएर थप ३ विकेट चट्काएका थिए। यसअघि प्रतियोगितामा आफ्नो पहिलो खेलमा समेत सन्दिपले म्यान्मार बिरुद्ध मात्र २ ओभरमा ४ विकेट हात पारेका थिए। खेलमा मात्रै १२ बल गर्दा सन्दिपले म्यान्मारको ४ विकेट (२-०-३-४) हात पारेका थिए।

Paras Khadka
Paras Khadka ( File Photo )

पारस खड्का (५२* तथा ४-१-१४-१) – मलेसियालाई नेपालले सहजै पराजित गर्दा कप्तान पारस खड्काको अलराउण्ड प्रदर्शन रह्यो। पारसले ब्याट र बल दुवैबाट टोलीको जितमा अहम योगदान दिए।

टस जितेर ब्याटिंग गरेको मलेसियालाई १०० रनको स्कोरमा समेट्न पारसले किफायती बलिंग प्रदर्शन गर्दै एक किनारबाट दवाब बनाएका थिए। आफ्नो ४ ओभरको स्पेलमा कप्तान खड्काले १ मेडन सहित १४ रन मात्र खर्चिएर १ विकेट चट्काए।

ब्याटिंगतर्फ समेत पारसको प्रदर्शन उत्कृस्ट रह्यो। टोलीको खातामा मात्र २ रनहुँदा ओपनर अनिल कुमार साहलाई गुमाएपछि ब्याटिंग गर्न उत्रिएका खड्काले दोस्रो विकेटका लागि बिनोद भण्डारीसंग ३० रनको तथा तेस्रो विकेटका लागि ज्ञानेन्द्र मल्लसंग अविजित ६९ रनको साझेदारी गरे। व्यक्तिगत ५२ रनको स्कोरमा अविजित रहने क्रममा पारसले मात्र ३७ बलमा ५ चौका र २ छक्का प्रहार गरे।

सोमपाल कामी (३.३-०-१६-३) – मलेसिया बिरुद्धको जितमा चम्किएका अर्का खेलाडी हुन् सोमपाल कामी। प्रतियोगितामा पहिलो खेल खेलेका सोमपालले आफ्नो ३.३ ओभरको स्पेलमा १६ रन खर्चिएर ३ विकेट चट्काए।

Sompal Kami
सोमपाल कामिले ३ विकेट लिए ( फाइल फोटो )

३६ रनको स्कोरमा २ विकेट गुमाएपछि मलेसियाका लागि अहमद फैज र शफिक शरिफले तेस्रो विकेटका लागि ३९ रनको साझेदारी गर्दै इनिंग उकास्ने प्रयास गरेका थिए। तर आफ्नो दोस्रो स्पेलमा बलिंग गर्न आएका सोमपाल कामीले लगातार दुई बलमा दुई विकेट लिंदै मलेसियाको ब्याटिंग धरासायी बनाएका थिए।

३ विकेट हात पार्न १६ रन खर्चिएका सोमपाल, नेपालको जितमा नायक साबित भए। आफुले लिएका ३ वटै विकेटमा सोमपालले ब्याट्सम्यानलाई बोल्ड गरेका थिए।

 





थप समाचार

नेपाली क्रिकेट टिमले अस्ट्रेलिया भ्रमण गर्ने

काठमाडौं, असार १५– नेपाली राष्ट्रिय क्रिकेट टोलीले आगामी सेप्टेम्बरमा अस्ट्रेलियाको घरेलु टोलीसँग अभ्यास क्रिकेट खेल्ने भएको छ । नेपाल क्रिकेट […]

अपन राधेमाईलाई नेक्सस कप क्रिकेट उपाधि

अपन राधेमाई युथ क्लब, वीरगन्जले यू–१६ नेक्सस कप टी–२० क्रिकेट उपाधि जितेको छ । मुलपानी क्रिकेट मैदानमा मंगलबार भएको फाइनल […]

धेरै भन्दा धेरै अभ्यासको खाँचो छः रुबिना क्षेत्री

अन्तर्राष्ट्रिय प्रतियोगितामा औपचारिक सहभागितामै सिमित हुने गरेको नेपाली राष्ट्रिय टोली मलेसियामा सम्पन्न एसिसि महिला टी–२० च्याम्पियन्ससिपमा अभागी टोली बन्यो । […]

नेपालको क्रिकेट विकासमा सहयोग गर्ने आईसीसीको प्रतिबद्धता

युवा तथा खेलकुद मन्त्री महेश्वरजंग गहतराज र आईसीसीका प्रतिनिधिबीच शनिबार भेटवार्ता भएको छ । त्रिपुरेश्वरस्थित राष्ट्रिय खेलकुद परिषद्को बैठक कक्षमा […]

एसीसी महिला टी-ट्वान्टी : मलेसियालाई हराउँदै युएई च्याम्पियन

युएईले एसीसी महिला टी-ट्वान्टी च्याम्पियनसिपको उपाधि जितेको छ । मलेसियाको किनरारा ओभलमा शनिबार भएको फाइनलमा आयोजकलाई ५ विकेटले हराएर युएईले […]

नेपालको दुर्भाग्य, वर्षाले खेल पुरा नहुँदा युएई एसिया कप खेल्न छनोट

मलेसियामा जारि एसीसी महिला टि-२० प्रतियोगिता अन्तर्गत सेमीफाइनल खेल वर्षाका कारण पुरा हुन नपाउदा समुह चरणको प्रदर्शनको आधारमा युएई फाइनल […]