तेश्रो खेलमा नेपालको भेट मलेसियासंग, पछिल्लो ५ खेलमा यस्तो छ नतिजा

Nepa vs Malaysia


  • विकेटनेपाल,भदौ १५ – शुक्रबार 

मलेसियामा जारि एसिया कप छनौट प्रतियोगिता अन्तर्गत नेपालले पहिलो २ खेलमा ओमानयुएईसंग हार बेहोर्नपुगेको छ। २ हार पछि अंक तालिकाको पाँचौस्थानमा रहेको नेपालले समुह चरणमा दोश्रो स्थान भित्र पर्दै एसिया कपको यात्रा गर्न प्रतियोगिताको बाँकी ३ खेल जित्नै पर्ने अवस्था आएको छ। यो अवस्थामा नेपालले शनिबार आयोजक मलेसियाको सामना गर्दैछ।

प्रतियोगिताको उत्कृस्ट सुरुवात गरेको मलेसियाले हंगकंगलाई परजित गरिसकेको छ भने दोश्रो खेलमा ओमानसंग हार बेहोरेपनि टक्करको प्रदर्शन गरेको थियो। गर या मारको अवस्थामा रहेको नेपाली टिमले मलेसियाको सामना गर्नु अघि इतिहासमा अन्तिम ५ पटक नेपाल र मलेसियाको भेटहरुको चर्चा यस लेखमा गरेका छौँ –

एसीसी ट्रफी २०१० , सेमिफाइनल – कुवेतमा सम्पन्न प्रतियोगिता महत्वपूर्ण सेमीफाइनलमा नेपालले मलेसियालाई ८ रनको झिनो अन्तरले पराजित गरेको थियो। टस हारेर ब्याटिंग गर्दै नेपालले बनाएको २७१ रनको जवाफमा मलेसियाले २६३ रनमा सबै विकेट गुमाएको थियो। नेपालको जितमा ब्याटिंगमा शरद भेसावकरले सर्वाधिक ९७ रन तथा शक्ति गौचनले ५२ र महेश क्षेत्रीले ४३ रन बनाएका थिए। बलिङ्गमा बसन्त रेग्मी , शक्ति गौचन र पारस खड्काले समान २ विकेट लिएका थिए। खेलको प्लेयर अफ द म्याच चुनिएका मलेसियन खेलाडी सुरेश नभरत्नमले ११५ रन बनाएका थिए।

Shakti Gauchan
Shakti Gauchan ( Photo – ACC )

आईसीसी बिश्व क्रिकेट लिग डिभिजन-४ २०१० – मलेसियामा सम्पन्न प्रतियोगितामा नेपालले आयोजक राष्ट्रलाई १० विकेटको बिशाल अन्तरले पराजित गरेको थियो। टस जितेर ब्याटिंग गरेको मलेसियाले ६९ रनमै सबै विकेट गुमाएपछि नेपालले विकेट नगुमाई लक्ष पुरा गरेको थियो। नेपालको लागि बसन्त रेग्मी र शक्ति गौचनले समान ३/३ विकेट तथा अमृत भट्टराईले २ विकेट लिएका थिए। सोहि खेलमानै शक्ति गौचनले १० ओभरमा ८ मेडन ओभर गर्दै मात्र २ रन खर्चेर अपत्यारिलो बलिङ्ग गरेका थिए। ७० रनको लक्ष्य नेपालले १२.२ ओभरमा पुरा गर्यो जुनक्रममा अनिल मण्डलले ४१ तथा सुबास खकुरेलले २४ रन बनाए।

एसीसी ट्रफी २०१२ , सेमीफाइनल – लगातार दोश्रो पटक एसीसी ट्रफीको सेमीफाइनलमा भेट हुने क्रममा पुनः मलेसियालाई नेपालले पराजित गर्यो। युएईमा भएको खेलमा टस हारेको नेपालले २४१ रन बनाएको थियो जसको जवाफमा मलेसियाले २२० रन मात्रै बनाउन सक्यो। नेपालको लागि पारस खड्काले सर्वाधिक ८९ रन बनाएका थिए भने बलिङ्गमा पृथु बास्कोटाले ३ विकेट लिएका थिए।

Sompal Kami
Sompal Kami ( Photo – ACC )

एसीसी प्रिमियर लिग २०१४ – यो पटक मलेसियालाई पराजित गर्न नेपालले ठुलो कसरत गर्न परेन। टस जितेर ब्याटिंग गरेको मलेसिया १४९ रनमै समेटियो र १५० रन नेपालले ५ विकेट गुमाएर भेटायो। खेलमा सोमपाल कामिले करियरकै पहिलो ५ विकेट हात पारेका थिए भने ब्याटिंगमा मेहबुब आलमले ५३ रन बनाएका थिए। लक्ष्य पछ्याउने क्रममा नेपालले पहिलो ४ विकेट ३६ रनमै गुमाएको थियो जसपछि महबुब आलम र शरद भेसावकरले पाँचौ विकेटको लागि ८९ रन बनाएका थिए।

आईसीसी बिश्व क्रिकेट लिग डिभिजन-३ , २०१४ – मलेसियामा सम्पन्न प्रतियोगितामा नेपालले डीएल मेथडको आधारमा ३६ रनको जित हाँसिल गरेको थियो। टस हारेर ब्याटिंग गर्दै मलेसियाले १४२ रन मात्र बनाएपछि लक्ष्य पछ्याउने क्रममा नेपालले २५ ओभरमा २ विकेट गुमाएर ८९ रन बनाएको अवस्थामा वर्षाले खेल रोकिएपछि नेपाललाई डीएल मेथडबाट बिजेता घोषित गरिएको थियो। खेलमा पारस खड्काले ४ विकेट र भुवन कार्कीले ३ विकेट लिएका थिए भने ब्याटिंगमा नरेश बुढायरले अविजित ४२ तथा ज्ञानेन्द्र मल्लले ३५ रन बनाएका थिए।





थप समाचार

नेपाली क्रिकेट टिमले अस्ट्रेलिया भ्रमण गर्ने

काठमाडौं, असार १५– नेपाली राष्ट्रिय क्रिकेट टोलीले आगामी सेप्टेम्बरमा अस्ट्रेलियाको घरेलु टोलीसँग अभ्यास क्रिकेट खेल्ने भएको छ । नेपाल क्रिकेट […]

अपन राधेमाईलाई नेक्सस कप क्रिकेट उपाधि

अपन राधेमाई युथ क्लब, वीरगन्जले यू–१६ नेक्सस कप टी–२० क्रिकेट उपाधि जितेको छ । मुलपानी क्रिकेट मैदानमा मंगलबार भएको फाइनल […]

धेरै भन्दा धेरै अभ्यासको खाँचो छः रुबिना क्षेत्री

अन्तर्राष्ट्रिय प्रतियोगितामा औपचारिक सहभागितामै सिमित हुने गरेको नेपाली राष्ट्रिय टोली मलेसियामा सम्पन्न एसिसि महिला टी–२० च्याम्पियन्ससिपमा अभागी टोली बन्यो । […]

नेपालको क्रिकेट विकासमा सहयोग गर्ने आईसीसीको प्रतिबद्धता

युवा तथा खेलकुद मन्त्री महेश्वरजंग गहतराज र आईसीसीका प्रतिनिधिबीच शनिबार भेटवार्ता भएको छ । त्रिपुरेश्वरस्थित राष्ट्रिय खेलकुद परिषद्को बैठक कक्षमा […]

एसीसी महिला टी-ट्वान्टी : मलेसियालाई हराउँदै युएई च्याम्पियन

युएईले एसीसी महिला टी-ट्वान्टी च्याम्पियनसिपको उपाधि जितेको छ । मलेसियाको किनरारा ओभलमा शनिबार भएको फाइनलमा आयोजकलाई ५ विकेटले हराएर युएईले […]

नेपालको दुर्भाग्य, वर्षाले खेल पुरा नहुँदा युएई एसिया कप खेल्न छनोट

मलेसियामा जारि एसीसी महिला टि-२० प्रतियोगिता अन्तर्गत सेमीफाइनल खेल वर्षाका कारण पुरा हुन नपाउदा समुह चरणको प्रदर्शनको आधारमा युएई फाइनल […]