मलेसिया बिरुद्ध टस हारेर नेपाल फिल्डिंग गर्दै, यस्तो छ प्लेयिंग ११

Nepal vs Malaysia


  • विकेटनेपाल-२० असोज

बुधबार देखि मलेसियामा सुरु भएको आईसीसी टि -२० विश्वकप एसिया रिजन ( पूर्वी ) छनौट प्रतियोगिता अन्तर्गत नेपालले आफ्नो दोश्रो खेलमा आज आयोजक मलेसियाको सामना गर्दैछ। यसअघि सम्पन्न म्यान्मार बिरुद्धको पहिलो खेलमा नेपालले ८ विकेटको जित निकालेको थियो।

बायुमास ओभल मैदानमा हुने खेलमा मलेसियाले टस जितेर ब्याटिंग गर्ने निर्णय लिएको छ।

नेपालको अन्तिम ११ : पारस खड्का, अनिल कुमार साह, ज्ञानेन्द्र मल्ल, दिपेन्द्र ऐरी, बिनोद भण्डारी, आरिफ शेख, सोमपाल कामी, ललित राजबंशी, सन्दिप लामिछाने, करन केसी, शरद भेसावाकर

यस्तो छ बिगतमा मलेसियासंग टि-२० मा नतिजा

एसीसी टी-२० कप, २०१३ ( नेपाल ) 

मलेसियासँग नेपालले टि-२० फर्म्याटमा यसअघि सन् २०१३ को नेपालमा सम्पन्न एसीसी टि-२० मा खेलेको थियो। त्यस खेलमा नेपाल १९ रनले बिजयी हुँदा पहिले ब्याटिंग गर्दै नेपालले १६३ रन बनाएको थियो र लक्ष्य पछ्याउने क्रममा मलेसियाले १४४ रन बनाएको थियो। खेलमा पारस खड्काले ८७ रन बनाएका थिए भने बलिङ्गमा सन्जम रेग्मी र पृथु बास्कोटाले २/२ विकेट लिएका थिए।

एसीसी टी-२० कप, २००९ ( युएई )

सन् २००९ को एसीसी टी-२० कप अन्तर्गत भएको भेटमा मलेसियाले नेपाललाई १७.२ ओभरमा लक्ष्य पुरा गर्दै ६ विकेटले पराजित गरेको थियो। टस जितेर पहिले ब्याटिंग गरेको नेपालको लागि ओपनर मेहबुब आलमले ३१ रन, ज्ञानेन्द्र मल्लले २२ रन, अर्का ओपनर परेश लोहनीले १९ तथा पारस खड्काले १० रन बनाएपनि अन्य खेलाडीले दोहोरो अङ्कमा रन बनाउन नसक्दा २० ओभरमा ७ विकेट गुमाएर ११२ रनमात्र बनाउन सकेको थियो। बलिंगतर्फ बिनोद दास, शक्ति गौचन, पारस खड्का, सन्जम रेग्मी र बसन्त रेग्मीले समान १/१ विकेट हात पारेका थिए।

एसीसी टी-२० कप, २००७ ( कुवेत )

मलेसियासँगको पहिलो टी-२० भिडन्तमा नेपालले २१ रनको जित दर्ता गरेको थियो। टस हारेर पहिले ब्याटिंग गरेको नेपालले बसन्त रेग्मीको    ३३ रन, परेश लोहनीको ३१ रन तथा बिनोद दास र मेहबुब आलमको क्रमशः १८ रन र १७ रनको मद्दतमा २० ओभरमा ९ विकेट गुमाएर १२१ रनको योगफल तयार पारेको थियो।

बलिंगतर्फ मलेसियालाई १८.५ ओभरमा सबै विकेट लिँदै मात्र १०० रनमा रोकेर नेपालले २१ रनको जित हात पारेको थियो। बलिंगतर्फ ब्याटिंगमा समेत ३३ रन बनाएर म्यान अफ द म्याच घोषित बसन्त रेग्मीले ३ विकेट लिन २० रन खर्चिंदा राहुल विश्वकर्माले पनि समान ३ विकेट लिन १५ रन खर्चे। त्यस्तै आलमको नाममा २ विकेट रह्यो।





थप समाचार

क्यानद्वारा २० सदस्यीय यु-१९ राष्ट्रिय टिमको घोषणा, बुधबार देखि बन्द प्रशिक्षण

काठमाडौँमा आइतबार सम्पन्न अन्डर-१९ राष्ट्रिय प्रतियोगिता सकिएकै दिन नेपाल क्रिकेट संघले डिसेम्बरमा युएईमा आयोजना हुने भनिएको यु-१९ एसिया कपको लागि […]

लुम्बिनीलाई यु-१९ राष्ट्रिय प्रतियोगिताको उपाधि

सुदूरपश्चिम प्रदेशलाई ११३ रनले पराजित गर्दै लुम्बिनी प्रदेशले अन्डर-१९ राष्ट्रिय क्रिकेट प्रतियोगिताको उपाधि जितेको छ। टियु अन्तर्राष्ट्रिय क्रिकेट मैदानमा सम्पन्न […]

यु-१९ राष्ट्रिय : उपाधिको लागि लुम्बिनी र सुदूरपश्चिम खेल्दै

नेपाल क्रिकेट संघको आयोजनामा काठमाडौँमा जारी अन्डर-१९ राष्ट्रिय प्रतियोगिताको उपाधिको लागि लुम्बिनी प्रदेश र सुदूरपश्चिम प्रदेश प्रतिस्पर्धा गर्दैछन्। खेल नेपाली […]

सितालाई हंगकंगमा खेल्ने अवसर

राष्ट्रिय महिला क्रिकेट टिमकी उपकप्तान सीता रानामगरले हङकङमा आयोजना हुने फेयर ब्रेक इन्भिटेसनल महिला टि-२० प्रतियोगिता २०२२ खेल्ने भएकी छिन्। […]

U19 National : सुदूरपश्चिम फाइनलमा, हेमन्त र शेरको घातक बलिंग

लिग चरणको अन्तिम खेलमा बागमती प्रदेशलाई ८ विकेटले पराजित गर्दै सुदूरपश्चिम प्रदेश यु-१९ राष्ट्रिय प्रतियोगिताको फाइनल पुगेको छ। लिग चरणमा […]

को बन्लान् नेपालको मुख्य प्रशिक्षक ? यी हुन् दावेदार

नेपाल क्रिकेट संघ ( क्यान ) ले राष्ट्रिय क्रिकेट टिमको मुख्य प्रशिक्षकको लागि आवेदन दिएका ६० जना आवेदकहरु मध्ये बिहिबार […]