ललित र सन्दिपले उत्कृस्ट बलिङ्ग गर्दा सिंगापुर १५१ मै समेटियो

Lalit Rajbanshi


  • विकेटनेपाल,भदौ १७ 

एसीसी एसिया कप छनौट प्रतियोगिता अन्तर्गत चौथो खेलमा सिंगापुरसंग प्रतिस्पर्धा गरिरहेको नेपालले टस जितेर ब्याटिंग गरेको सिंगापुरलाई १५१ रनमा समेटेको छ।

युकेएम ओभल मैदानमा अत्यन्त खराब सुरुवात गरेको सिंगापुरले १८ रनको योगफलमा ३ विकेट गुमाएको थियो। सोमपाल कामिले ओपनर अर्जुन मुत्रेजा ( ० ) र रोहन रंगराजनलाई बोल्ड गर्दै तथा ललित राजबंशीले अरिता दत्ता ( ८ ) लाई स्टम्पिङ्ग गरेपछि सिंगापुर नाजुक अवस्थामा पुगेको थियो।

३ विकेट गुमेपछि चौथो विकेटको लागि कप्तान चेतन सुर्यबंशी र अनिश परमले चौथो विकेटकको लागि ८० रनको साझेदारी गर्दै टिमलाई सम्मानजनक स्थितिमा पुर्याएका थिए। सुर्यबंशीले ६१ रन बनाउने क्रममा ८८ बलमा १ छक्का र ८ चौका तथा अनिशले ३१ रन बनाउन ६७ बलमा २ चौका प्रहार गरे। अनिशलाई दिपेन्द्र ऐरिले २७ औं ओभरमा रन आउट गरेपछि सुर्यबंशीलाई पनि ललित राजबंशीले एलबिडब्लु गरे जसपछि सिंगापुरले लगातार विकेट गुमाउन थाल्यो। ९८/३ को अवस्थामा रहेको सिंगापुरले थप ५३ रन जोड्दा सम्पूर्ण विकेट गुमाउन पुग्यो।

नेपालको बलिङ्गतर्फ ललित राजबंशी र सन्दिप लामिछानेले ३/३ विकेट हात पारे। सन्दिपले १० ओभरमा ३६ रन तथा ललितले ९ ओभरमा १ मेडन ओभर गर्दै २७ रन खर्चिए। यस्तै सोमपाल कामिले २ विकेट ( ७-१-२९-२ ) तथा बसन्त रेग्मीले १ विकेट ( ८-१-२०-१ ) हात पारे।

प्रतियोगिताको फाइनल पुग्दै एसिया कप खेल्ने सपनालाई कायम राख्न नेपाललाई खेल जित्नै पर्ने दवाब रहेको छ। नेपाली टोलीले आफ्नो अन्तिम ११ मा एक परिवर्तन गर्दै बलिंगमा उत्रिएको छ। मलेसिया बिरुद्धको खेलमा अन्तिम ११ मा रहेका ललित भण्डारीको स्थानमा नेपालले ललित राजबंशीलाई मौका दिएको छ।

नेपाल अन्तिम ११ : सुबाश खकुरेल, ज्ञानेन्द्र मल्ल. पारस खड्का, सागर पुन, आरिफ शेख, दिपेन्द्र सिंह ऐरी, अनिल कुमार साह, सोमपाल कामी, बसन्त रेग्मी, ललित राजबंशी, सन्दिप लामिछाने

यो समाचार तयार गर्दा सम्म सिंगापुरले ६ ओभरमा २२ रन बनाउदा ३ विकेट गुमाईसकेको छ। सोमपाल कामिले २ तथा ललित राजबंशीले १ विकेट दिलाएका छन्। अपडेट हेर्नुस

यहि सेप्टेम्बर १५ तारिकबाट संयुक्त अरब एमिरेट्स (युएई) मा संचालन हुने एसिया कपको छनौटका लागि नेपाल सहित अन्य ६ टोलीले छनौट प्रतियोगितामा भागलिंदै छन्। प्रतियोगितामा आयोजक मलेसिया, नेपाल, युएई, हंगकंग, ओमान र सिंगापुर भिड्दै छन्। यस प्रतियोगिताको बिजेताले एसिया कपको समुह “ए” मा रहेर भारत र पाकिस्तानसंग समुह चरणमा न खेल्ने मौका प्राप्त गर्नेछ।





थप समाचार

सन्दिप, अनिल र सौरभ चम्किदा लुम्बिनीको विजयी सुरुवात

प्रधानमन्त्री कप एकदिवसीय राष्ट्रिय प्रतियोगिता अन्तर्गत पाँचौ दिनको समुह ‘बि’ अन्तर्गतको खेलमा लुम्बिनी प्रदेशले विजयी सुरुवात गर्ने क्रममा प्रदेश-२ लाई […]

कर्णाली प्रदेशको ऐतिहासिक जित

प्रधानमन्त्री कप एकदिवसीय राष्ट्रिय प्रतियोगितामा गण्डकी प्रदेशलाई पराजित गर्दै कर्णाली प्रदेशले ऐतिहासिक जित दर्ता गरेको छ। घरेलु राष्ट्रिय प्रतियोगितामा कर्णाली […]

सन्दिप र सौरभ चम्किदा लुम्बिनीद्वारा प्रदेश-२ लाई चुनौतीपूर्ण लक्ष्य

प्रधानमन्त्री कप एकदिवसीय राष्ट्रिय प्रतियोगिता अन्तर्गत पाँचौ दिन टियु मैदान कीर्तिपुरमा समुह ‘बि’ अन्तर्गत खेलमा लुम्बिनी प्रदेश र प्रदेश-२ प्रतिस्पर्धा […]

गण्डकीद्वारा कर्णालीलाई २०५ रनको लक्ष्य

काठमाडौँमा जारि प्रधानमन्त्री कप एकदिवसीय राष्ट्रिय प्रतियोगिता अन्तर्गत मुलपानी मैदानमा जारि समुह ‘ए’ अन्तर्गतको खेलमा गण्डकी प्रदेश र कर्णाली प्रदेश […]

प्रम कपमा आज दुई खेल हुँदै

काठमाडौँमा जारि प्रधानमन्त्री कप एकदिवसीय राष्ट्रिय प्रतियोगिता अन्तर्गत पाँचौ दिन मंगलबार दुईवटा खेलहरु हुनेछन्। टियु मैदानमा लुम्बिनी प्रदेश र प्रदेश-२ […]

बिग ब्यास : थंडरलाई हराउँदै हरिकेन्सको अंकतालिकामा छलांग

अष्ट्रेलियामा जारि बिग ब्यास लिग अन्तर्गत सोमबार सम्पन्न ४३ औं खेलमा कलम फर्गुसन कप्तानीको सिड्नी थंडरलाई ६ विकेटले हराउँदै नेपाली […]