फाइनलमा नेपाल र सिंगापुर भिड्दै, पढ्नुस कस्तो छ सिंगापुर



  • विकेटनेपाल, पौष २

एसीसी यु-१६ इस्टर्न प्रतियोगिताको फाइनलमा नेपालले सिंगापुरसंग खेल्ने भएको छ । हिजो सम्पन्न सेमीफाइनलमा नेपालले मलेसियालाई ७२ रनले पराजित गर्दै फाइनलमा स्थान बनाएको हो।

हिजै सम्पन्न अर्को सेमीफाइनलमा सिंगापुरले हंगकंगलाई ८ विकेटले पराजित गर्दै फाइनलमा स्थान बनाएको छ। फाइनल खेल आज आइतबार टेर्डथाई मैदान थाईल्याण्डमा नेपाली समय बिहान ८:४५ बजे हुनेछ।

नेपालले प्रतियोगिता अन्तर्गत समुह चरणमा थाईल्याण्ड, हंगकंग र म्यानमारलाई पराजित गर्दै समुह ए को बिजेताको रुपमा सेमीफाइनलमा स्थान बनाएको थियो। सिंगापुरले पनि समुह बि मा मलेसिया, चिन र भुटानलाई पराजित गर्दै समुह बि को बिजेताको रुपमा सेमीफाइनलमा स्थान बनाएको थियो।

नेपालले थाईल्याण्डलाई १३३ रनले, हंगकंगलाई ४ विकेटले तथा म्यानमारलाई ३३७ रनले समुह चरणमा पराजित गरेको थियो।

सेमीफाइनल खेलमा टस हारेर ब्याटिंग गरेको नेपालले निर्धारित ३४ ओभरमा ८ विकेट गुमाई १२७ रन बनाएको थियो। जवाफमा ब्याटिंग गरेको मलेसियाले २१.१ ओभरमा ५५ रनमात्रै बनाउन सकेको थियो। उता सिंगापुरले हंगकंगले दिएको १२४ रनको लक्ष २४ ओभरमा २ विकेट मात्रै गुमाई पुरा गरेको थियो।

कस्तो छ सिंगापुर ?

सिंगापुरले पहिलो सेमीफाइनलमा हंगकंगलाई पराजित गर्दै फाइनलमा स्थान पक्का गरेको हो ।

समुह  “बि’ को बिजेता को रुपमा सेमिफाइनलमा स्थान बनाएको उसले समूह चरणमा खेलेका तीनवटै खेल जितेको थियो । मलेसियालाई २९ रनले पराजित गरेको उसले भुटानलाई ७ विकेटले तथा चिनलाई ८ विकेटको फराकिलो अन्तरले पराजित गरेको थियो ।

त्यस्तै सेमीफाइनलमा समुह ‘ए’ को उपविजेताको रुपमा रहेको हंगकंगलाई १२४ रनको लक्ष्य पछ्याउदै गर्दा ८ विकेटले पराजित गर्दै फाइनलमा स्थान पक्का गरेको ।

पहिलो खेलमा मलेसियाबिरुद्द पहिले ब्याटिंग गर्दै ८ विकेटको क्षतिमा १५१ रनको योगफल तयार पारेको उसले मलेसियालाई १२२ रनमा अलआउट गर्दै २५ रनले जित हात पारेको थियो ।

दोश्रो खेलमा भुटानलाई ६६ रनमा रोक्दै १०.१ ओभरमा ३ विकेट गुमाएर उक्त लक्ष्य पुरा गरेको थियो भने समूहचरणको अन्तिम खेलमा चीनलाई ८७ रनको योगफलमा रोक्दै ११.५ ओभरमा २ विकेट गुमाएर जित दर्ता गरेको थियो ।

सिंगापुरको ब्याटिंग पक्ष हेर्दा इशान सव्नीले ४ खेलमा सर्बाधिक अविजित ४८ रन सहित १२३ रन बनाउदा दोश्रो सर्बाधिक रन ४ खेलबाटै ६३ रन रहेको छ तर उसका मध्यक्रम तथा तल्लोक्रमका ब्याट्सम्यानहरुले समुह चरण तथा सेमीफाइनलमा ब्याटिंग गर्न पाएका छैनन् ।

बलिंगको कुरा गर्दा टिममा एकजुटता देखिएको छ, प्रतियोगितामा आर्यन बेर्रीले ४ खेलको २० ओभरमा ५५ रन खर्चेर ९ विकेट हात पार्दा इशान सव्नीले २५ ओभरमा ५८ रन खर्चेर ७ विकेट हात पारेका छन् ।

अहिलेसम्म प्रतियोगितामा खेलेका खेलहरुमा सिंगापुरलाई माथिल्लो क्रमका ब्याट्सम्यानहरुले खेल जिताईरहेको अवस्थामा नेपालबिरुद्द माथिलो क्रम चल्न नसकेको खण्डमा मध्य र तल्लो क्रमका ब्याट्सम्यानको परिक्षा देख्न सकिनेछ ।





थप समाचार

वेस्टइन्डिजका होसेनले तोडे सोमपालको विश्वरेकर्ड

नेपाली राष्ट्रिय क्रिकेटर सोमपाल कामिले सन् २०१४ मा बनाएको विश्वकीर्तिमान वेस्टइन्डिजका अकेल होसेनले तोडेका छन्। सोमपालले सन् २०१४ नोभेम्बर २४ […]

‘गुट-उपगुट पनि पुनरागमन गर्न नसक्नुको कारण’ – अनिल मण्डल

नेपाली राष्ट्रिय क्रिकेट टिमका पूर्व ओपनिंग ब्याट्सम्यान अनिल मण्डलले राष्ट्रिय क्रिकेट टिम भित्रको तत्कालिन ‘गुट-उपगुट’ पनि पुनरागमन गर्न नसक्नुको कारण […]

२६ फोटोमा हेर्नुस राष्ट्रिय टिम कसरि गर्दैछ विश्वकप छनोटको तयारी

प्रधानमन्त्री कप राष्ट्रिय टि-ट्वान्टी प्रतियोगिता समाप्त भएपछि नेपाली रास्ट्रिय क्रिकेट टिमले टि-२० विश्वकप छनोटको लागि दोश्रो चरणको प्रशिक्षण थालेको छ। […]

यी हुन् आईपीएल अक्सनमा दर्ता हुने १५ नेपाली खेलाडी, सबैको बोलि नलाग्ने

नेपाल क्रिकेट संघ ( क्यान ) ले इन्डियन प्रिमियर लिग ( आईपीएल ) मा को अक्सनमा सहभागी हुने १५ जना […]

बिग ब्यास छोडेर नेपाल फर्कनुको कारण बताउदै सन्दिपले भने “राष्ट्रिय टोली प्रमुख प्राथमिकता”

नेपाली राष्ट्रिय क्रिकेट टोलीका कप्तान सन्दीप लामिछानेले नेपालको झण्डाभन्दा ठूलो कोही नभएको बताएका छन् । अस्ट्रेलियामा जारी बिग ब्यास लिगको […]

आईपीएल अक्सनमा १५ नेपाली खेलाडी, बिक्लान सन्दिप ?

इन्डियन प्रिमियर लिग ( आईपीएल ) को अक्सन फेब्रुअरी १२ र १३ तारिखमा भारतको बैंगलोरमा हुँदैछ। उक्त अक्सनमा नेपालबाट १५ […]