दोश्रो वान-डे आज, हिजोको यी गल्ति सुधार गरे नेपाल जित्न सक्छ

Mohammad Naveed , Paras Khadka


  • विकेटनेपाल, माघ-१२ – शनिवार 

युएई र नेपाल बीच जारि ३ एकदिवसीय अन्तर्राष्ट्रियको सिरिज अन्तर्गत नेपाल र युएई दोश्रो एकदिवसीयमा आज प्रतिस्पर्धा गर्दै छन्।

पहिलो एकदिवसीयमा नेपाल ३ विकेटले पराजित हुँदा सिरिजमा ०-१ ले पछि परेको छ। सिरिज जित्ने सम्भावना जीवित राख्न नेपाललाई आज गर या मर को परिस्थिति छ।

हिजोको खेलमा ब्याटिंग नचल्दा ११३ रनमा अल-आउट भएको नेपालको लागि बलरहरुले राम्रो प्रदर्शन गर्दा युएई हारको संघारमा पुगे पनि ३ विकेटको जित निकालेको थियो। आज ब्याट्सम्यानहरुले जिम्मेवारी देखाएमा नेपालले घरेलु टोलिलाई पराजित गर्न सक्छ।

खेल समय र लाईभ बारे जानकारी 

नेपाली समय ११:१५ बजे खेल सुरु हुनेछ। आईसीसी एकेडेमी मैदानमा हुने खेलको प्रत्यक्ष प्रशारण YouTube मा दुबई स्पोर्ट्स सिटि च्यानलले गरिरहेको छ। मैदानमा गएर खेल हेर्ने दर्शकलाई प्रवेश निशुल्क रहेको छ। खेलको अपडेट विकेटनेपाल फेसबुक पेजमा र वेबसाइटमा समेत हेर्नु होला।

पहिलो एकदिवसीयमा टिमले गरेको गल्ति 

हिजो खेल भएको पिच घाँसे हुँदा ब्याट्सम्यानहरुलाई निकै मुस्किल रहेको थियो। तिब्र गति बलरहरुले प्राप्त गरेको स्विंग र सिमको हलचल र उछालले दुवै टिमका ब्याट्सम्यानहरुले संघर्ष गरेका थिए। आज आईसीसी एकेडेमीको सोहि पिच प्रयोग भए ब्याट्सम्यानहरुले संघर्ष गर्ने पक्का छ।

नेपालले घाँसे विकेटमा खेल्दा पनि हिजो सन्दिप लामिछाने, बसन्त रेग्मी, ललित राजबंशी र पवन सर्राफ गरि ४ जना स्पिनरहरुलाई अन्तिम-११ मा स्थान दिएको थियो। खेलमा सन्दिप लामिछाने बाहेक बसन्त रेग्मीले १ ओभर बलिङ्ग गरे भने अन्य बलर प्रयोगनै भएनन्।

Karan KC
Karan KC ( Photo – Thenational.ae )

घाँसे पिचमा त्यति धेरै स्पिनर खेलाउनुको सट्टा नेपालले अन्तिम-११ मा २ जना भन्दा बढी स्पिनर खेलाउनु प्रश्न चिन्ह उठ्ने कदम थियो। २ स्पिनर अतिरिक्त खेलाउनुको सट्टा १ जना ब्याट्सम्यान र १ फास्ट बलरलाई मौका दिनु टिमको लागि फलदायी हुनेछ। सोहि विकेटमा खेल भए ब्याट्सम्यानमा रोहित पौडेल र बलरमा अभिनास बोहरालाई नेपालले खेलाउन सक्छ। अफ-स्पिनर तथा अल-राउण्डरको रुपमा टिममा रहेका पवन सर्राफको सट्टा टिमले अनुभवी रोहित पौडेललाई टिममा ल्याउन सक्छ।

१६ जनाको टिम घोषणा गर्दा पनि ललित भण्डारी यो पटक टिममा अटाएका छैनन्। यो विकेटमा भण्डारीको स्विङ्ग बलिङ्ग पक्कै टिमले मिस गरेको छ। ललित भण्डारीको फिटनेस उनि टिममा नपर्नुको कारक मानिएको छ।

तपाईलाई के लाग्छ ? नेपालको अन्तिम-११ कस्तो हुनु पर्ला ?





थप समाचार

ईपीएल खेल्न नेपाल आइपुगे अफ्रिदी

विश्वचर्चित पाकिस्तान क्रिकेटर शाहिद अफ्रिदी एभरेस्ट प्रिमियर लिग ( ईपीएल ) खेल्न नेपाल आइपुगेका छन्। अफ्रिदी ३:३० बजे दिउसो पाकिस्तानबाट […]

EPL : कस्तो छ डिफेन्डिङ च्याम्पियन ललितपुर, कमजोर र बलियो पक्ष यस्ता छन्

सेप्टेम्बर २५ तारिख देखि सुरु हुने एभरेस्ट प्रिमियर लिगको चौंथो संस्करणमा डिफेन्डिङ च्याम्पियन ललितपुर पेट्रिएट्स उपाधि रक्षा गर्ने लक्ष्यका साथ […]

IPL : हैदरावादलाई सहजै पराजित गर्दै दिल्ली शिर्षमा

सनराइजर्स हैदरावादलाई सहजै ८ विकेटले पराजित गर्दै दिल्ली क्यापिल्स आईपीएल अंकतालिकाको शिर्ष स्थानमा पुगेको छ। युएईमा जारि लिगको दुबई अन्तर्राष्ट्रिय […]

चलेन हैदरावादको ब्याटिंग, दिल्लीलाई सामान्य लक्ष्य

आईपीएलको युएईमा जारि दोश्रो फेज अन्तर्गत लिगको ३३ औ खेलमा दिल्ली क्यापिटल्स र सनराइजर्स हैदरावाद प्रतिस्पर्धा गरिरहेका छन्। दुबई अन्तर्राष्ट्रिय […]

क्रिकेटर भण्डारी र संचारकर्मी अर्याल विवाह बन्धनमा बाँधिने

राष्ट्रिय क्रिकेट टिमका विकेट किपर ब्याट्सम्यान बिनोद भण्डारी र संचारकर्मी सोनीका अर्याल विवाह बन्धनमा बाँधिने भएका छन्। भण्डारी र अर्याल […]

आईसीसी नयाँ ओडीआई वरियतामा सन्दिपको फड्को

अन्तर्राष्ट्रिय क्रिकेट परिषद ( आईसीसी ) ले जारि गरेको नयाँ एकदिवसीय अन्तर्राष्ट्रिय वरियतामा नेपाली लेग स्पिनर सन्दिप लामिछानेले पुनः फड्को […]