नेपाल युएईसंग खेल्दै, पछिल्लो ५ खेलमा यस्तो छ नतिजा

nepal vs uae


  • विकेटनेपाल, फाल्गुन १३

इंग्ल्यान्डमा आयोजना हुने आईसीसी बिश्व कप २०१९ को लागि जिम्बाबेमा मार्च ४ देखि छनोट प्रतियोगिता सुरु हुँदैछ। नेपाल सहित १० रास्ट्रहरु सहभागी हुने प्रतियोगिताबाट उत्कृस्ट हुने २ टिम बिश्वकप खेल्न छानिनेछ भने प्रतियोगिताबाट उत्कृस्ट-३ एसोसिएट रास्ट्रले एकदिवसीय रास्ट्रको मान्यता पाउनेछ।

प्रतियोगिता अन्तर्गत नेपाल समुह ‘बि’ मा अफगानिस्तान, जिम्बाबे, हंगकंग र स्कटल्याण्डसंगै रहेको छ। नेपालले पहिलो खेल मार्च ४ तारिखमा घरेलु टोलि जिम्बावे बिरुद्द खेल्दै छ। यस्तै लिग चरणको दोस्रो खेलमा नेपालले ८ मार्चमा स्कटल्याण्डको सामना गर्नेछ। लिग चरणका अन्तिम दुई खेलमा नेपालले मार्च १० मा अफगानिस्तान र १२ तारिखमा हंगकंगको सामना गर्नेछ। त्यस अघि नेपालले २ वटा अभ्यास खेल समेत खेल्नेछ। संयुक्त अरब एमिरेट्स (युएई) बिरुद्द नेपालले २७ फेब्रुअरीमा पहिलो अभ्यास खेल खेल्ने तालिका रहेकोछ। दोश्रो अभ्यास खेलमा १ मार्चमा नेपालले हंगकंगको सामना गर्नेछ।

नामिबियामा केहि दिन अघि आयोजित विश्व क्रिकेट लिग डिभिजन २ प्रतियोगिता अन्तर्गत बिजेता बन्दै संयुक्त अरब ईमिरेट्स (युएई) र दोश्रो स्थानमा रहँदै नेपाल जिम्बाबेमा आयोजना हुन लागेको विश्वकप छनौट प्रतियोगिताको लागि छनौट भएका हुन् । सोहि छनौट प्रतियोगिताको पूर्वसन्ध्यामा पुनः यी दुई टिमहरु अभ्यास खेलको लागि पुनः प्रतिस्पर्धा गर्न लागेका हुन्।

नेपाल Vs युएई : अन्तिम ५ खेलमा नतिजा यसप्रकार छन्-

विश्व क्रिकेट लिग डिभिजन-२ फाइनल – २०१८ फेब्रुअरी १५

कप्तान पारस खड्काले अविजित ११२ रन (१०३ बल, ३ चौका, ८ छक्का), दिपेन्द्र सिंह ऐरीले ३५ तथा शरद भेसावकरले ३० रन प्रहार गरेपनि २७८ रनको लक्ष्य पछ्याएको नेपाल मात्र ७ रनले चुकेको थियो। युएईका लागि अश्फक अहमदले ११४ रन (१२३ बल, १० चौका, ३ छक्का) बनाउदा रोहन मुस्ताफाले ५१ रन तथा शैमन अनवरले २४ बलमा विस्फोटक ४० रन बनाएका थिए । युएईको जितमा अमिर हयातले ४ विकेट लिन मात्र ५३ रन खर्चेका थिए।

विश्व क्रिकेट लिग डिभिजन-२ समूह चरण – २०१८ फेब्रुअरी ११

सोमपाल कामिले ४ विकेट र सन्दिप लामिछानेले ३ विकेट लिन मात्र समान ३० रन खर्चेपछी नेपालले युएईलाई ३१ ओभरमा ११४ रनमा रोकेको थियो। उसका लागि शैमन अनवरले सर्बाधिक ३० रन बनाएका थिए । जवाफमा पारस खड्काले ५१ रनको आक्रामक पारि खेलेपछि नेपालले २८.५ ओभरमा ६ विकेट गुमाएर लक्ष्य पुरा गरेको थियो।

विश्व क्रिकेट लिग च्याम्पियनसिप, दोश्रो खेल – २०१७ डिसेम्बर ८

युएईको घरेलु मैदानमा भएको खेलमा अमजद जावेदले ३ विकेट लिन मात्र २३ रन खर्चेपछी १९६ रनको लक्ष्य पछ्याएको नेपाल ४२.२ ओभरमा मात्र १३२ रनमा समेटिदै ६३ रनले पराजित भएको थियो। अदनान मुफ्तीले ८९ बलमा १०४ रन (८ चौका, ३ छक्का) को पारि खेल्दै युएईको इनिंग उकासेका थिए। सोमपाल कामिले मात्र २७ रन खर्चेर ५ विकेट हात पारेपछि पहिले ब्याटिंग गरेको घरेलु टोलिले ४९.२ ओभरमा १९५ रन बनाउदा सबै विकेट गुमाएको थियो।

विश्व क्रिकेट लिग च्याम्पियनसिप, पहिलो खेल – २०१७ डिसेम्बर ६

रोहन मुस्ताफाले ६२ रन (७१ बल, ७ चौका, १ छक्का) तथा गुलाम शब्बिरले अविजित ८१ रन (११६ बल, ८ चौका) बनाएपछि नेपालले दिएको २२२ रनको लक्ष्य युएईले ४५.५ ओभरमा मात्र ३ विकेट गुमाएर पुरा गरेको थियो। पहिले ब्याटिंग गरेको नेपालले शरद भेसावकरको अविजित ८१ रन (९५ बल, ५ चौका) तथा ज्ञानेन्द्र मल्लको ५४ रन (८३ बल, ६ चौका) को मद्दतमा ५० ओभरमा ६ विकेट गुमाएर २२१ रनको योगफल तयार पारेको थियो।

एसीसी प्रिमियर लिग – २०१४ मे १

मेहबुब आलमले २१ रन खर्चिदै तथा सोमपाल कामीले ३९ रन खर्चिदै समान ३/३ विकेट लिएपछि पहिले ब्याटिंग गरेको युएईले स्वप्निल पाटिलको ७६ रन (९५ बल, ८ चौका, २ छक्का) को बाबजुत ४८.१ ओभरमा सबै विकेट गुमाउंदै १९१ रन बनाएको थियो । जवाफमा सुबास खकुरेलले ७१ रन (९१ बल, ११ चौका) तथा ज्ञानेन्द्र मल्लले ४७ रन (३७ बल, ७ चौका, १ छक्का) बनाएपछि नेपालले ३९.५ ओभरमा ६ विकेट गुमाउदै लक्ष्य पुरा गरेको थियो ।





थप समाचार

नेपाल र ओमान बीच खेल आज ( सम्पूर्ण जानकारी )

खेल – नेपाल VS ओमान ( चौंथो खेल, विश्वकप लिग-२ , त्रिकोणात्मक सिरिज ) कहिले – सेप्टेम्बर १९, आइतबार, नेपाली […]

कप्तान मल्लले बताए अमेरिकासंग हारको प्रमुख कारण

ओमानमा जारी आईसीसी विश्वकप लिग-२ अन्तर्गतको त्रिकोणात्मक एकदिवसीय अन्तर्राष्ट्रिय सिरिजमा लगातार दोश्रो हार बेहोर्ने क्रममा नेपाल अमेरिकासंग ६ विकेटले पराजित […]

डेब्युमा कस्तो रह्यो गुल्सनको प्रदर्शन

नेपाली घरेलु क्रिकेटमा मात्र दुई वटा खेलमा गरेको प्रदर्शनको बलमा गुल्सन झाले नेपाली राष्ट्रिय क्रिकेट टिममा स्थान बनाउदै शुक्रबार डेब्यु […]

अमेरिकासंग हार र ओमान भ्रमणमा अपेक्षाकृत प्रदर्शन गर्न नसकेका तिन प्रमुख खेलाडीहरु

ओमान भ्रमण अन्तर्गत पपुवा न्यु गिनीलाई पहिलो दुई एकदिवसीय अन्तर्राष्ट्रियमा पराजित गरेको नेपाली टिमबाट सोहि खालको प्रदर्शनको अपेक्षा नेपाली फ्यानहरुले […]

टेलर र नेत्रभाल्कर चम्किंदा अमेरिकाद्वारा नेपाल पराजित

स्टेभेन टेलरले आईसीसी विश्वकप लिग-२ अन्तर्गत ओमानमा जारी त्रिकोणात्मक एकदिवसीय अन्तर्राष्ट्रियमा नेपाल लगातार दोश्रो खेलमा ६ विकेटले पराजित हुन पुगेको […]

कप्तान मल्लको अर्धशतक, नेपालद्वारा अमेरिकालाई सामान्य लक्ष्य

आईसीसी विश्वकप लिग -२ अन्तर्गत ओमान, नेपाल र अमेरिका बीच त्रिकोणात्मक एकदिवसीय सिरिज अन्तर्गत आफ्नो तेश्रो खेलमा अमेरिकासंग प्रतिस्पर्धा गरिरहेको […]