पहिलो अभ्यास खेलमा नेपाल बिजयी, आरिफको उत्कृस्ट ब्याटिंग

Aarif Sheikh


  • विकेटनेपाल – भदौ ६, बुधवार

आरिफ शेखको उत्कृस्ट इनिंग र नेपाली बलरहरुको अनुशाशित बलिंगको सहयोगमा श्रीलंका भ्रमणमा रहेको नेपाली टोलीले आर्मी क्रिकेट क्लब बिरुद्धको पहिलो अभ्यास खेलमा ६७ रनको जित दर्ता गरेको छ।

स्कोरकार्ड

टस जित्दै पहिले ब्याटिंग गर्ने निर्णय लिएको नेपाली टोलीले ४८.४ ओभरमा सबै विकेट गुfमाएर १९४ रन जोडेको थियो। कुनै समय ९१/७ को अवस्थामा रहेको नेपालको ब्याटिंगलाई उकास्न आरिफ शेखले उत्कृस्ट ब्याटिंग गरेका थिए। सर्वाधिक ८९ रन बनाउने क्रममा आरिफले ११८ बल खेल्दै ५ चौका र ४ छक्का प्रहार गरे। आठौँ विकेटका लागि आरिफले बसन्त रेग्मीसगं महत्वपूर्ण २९ रनको साझेदारी गरेका थिए। त्यसपश्चात आरिफले क्रमस ललित भण्डारी र ललित राजबंशीसंग नवौं र दशौँ विकेटका लागि ५२ र २२ रनको साझेदारी गरे।

Aarif Sheikh , Lalit Rajbanshi
Aarif Sheikh , Lalit Rajbanshi

जवाफमा १९५ रनको सामान्य विजय लक्ष्य लिएर मैदान उत्रिएको घरेलु टोलीले नेपाली बलिंगको अगाडी ३६.१ ओभर मात्र ब्याटिंग गर्न सक्यो। आर्मीले १२७ रन जोड्न सबै १० विकेट गुमाएपछि नेपालले पहिलो अभ्यास खेलमा ६७ रनको जित हात पार्यो।

आर्मीको ब्याटिंगमा जगत राजापाक्षेले सर्वाधिक ४६ रन जोडेपनि त्यो जितका लागि पर्याप्त हुन सकेन। आर्मीको ब्याटिंगलाई धरासायी पार्ने क्रममा नेपालको बलिंगतर्फ सोमपाल कामी र बसन्त रेग्मीले समान ३-३ विकेट लिए। आफ्नो ७ ओभरको स्पेलमा सोमपालले ३१ रन खर्चंदा ७.१ ओभर बलिंग गरेका बसन्तले भने २० रन मात्र खर्चिए। यस्तै दिपेन्द्र सिंह ऐरीको नाममा २ विकेट रह्यो।

मलेसियामा हुने एसिया कप छनौटको तयारीका लागि श्रीलंका पुगेको नेपाली टोलीले आफ्नो दोस्रो अभ्यास खेलमा शुक्रवार ब्लुमफिल्डको सामना गर्नेछ। तिन अभ्यास खेल खेलेर नेपाली टोलि अगष्ट २७ तारिखमा प्रतियोगिताका लागि मलेसिया उड्नेछ।

 





थप समाचार

EPL : सिकन्दर रजाको अर्धशतक, बिराटनगरद्वारा चितवनलाई १५२ रनको लक्ष्य

चौंथो संस्करणको एभरेस्ट प्रिमियर लिग टि-ट्वान्टी अन्तर्गत दोश्रो दिन पहिलो खेलमा करन केसी कप्तानीको बिराटनगर वारीयर्स र सोमपाल कामि कप्तानीको […]

EPL मा आज दुई खेल हुँदै

चौंथो संस्करणको एभरेस्ट प्रिमियर लिगको दोश्रो दिन दुई वटा खेलहरु खेलिंदैछन्। शनिवार सम्पन्न पहिलो खेलमा सन्दिप लामिछाने कप्तानीको काठमाडौँ किंग्स-११ […]

IPL : दिल्ली र पन्जाब विजयी, दिल्ली पुनः शिर्षमा

युएईमा जारी आईपीएलको शनिवार सम्पन्न दुई खेलमा पन्जाब किंग्स र दिल्ली क्यापिटल्स विजयी भएका छन्। दिनको पहिलो खेलमा दिल्लीले राजस्थान […]

यस्तो रह्यो टियु मैदानमा अफ्रिदीको उपस्थिति ( फोटो फिचर सहित )

विश्वचर्चित पाकिस्तानी क्रिकेटर शाहिद अफ्रिदीखेल खेल आफ्नै आँखा अगाडी टियु मैदान कीर्तिपुरमा हेर्ने नेपाली समर्थकहरुको चाहना शनिवार पुरा भएको छ। […]

प्लेयर अफ द म्याच चुनिएपछि बर्लले भने ‘देब्रे हाते स्पिनरलाई प्रहार गर्न सहज’

डिफेन्डिङ च्याम्पियन ललितपुर पेट्रिएट्स बिरुद्ध उद्घाटन खेलमा काठमाडौँ किंग्स-११ का अलराउण्डर रायन बर्ल प्लेयर अफ द म्याच चुनिए। २७ वर्षीय […]

“व्यक्तिगत प्रदर्शन भन्दा टिमको जित महत्वपूर्ण” सन्दिप लामिछाने

चौंथो संस्करणको एभरेस्ट प्रिमियर लिग टि-२० मा विजयी सुरुवात गरेपछि काठमाडौँ किंग्स-११ का कप्तान सन्दिप लामिछानेले व्यक्तिगत प्रदर्शन भन्दा टिम […]