हंगकंगलाई पराजित गर्दै नेपाल च्याम्पियन, यु-१९ एसिया कप खेल्न छनौट

nepal u19 national cricket team
  • विकेटनेपाल, असोज १ 

हंगकंगलाई ५ विकेटले पराजित गर्दै नेपालले एसीसी यु-१९ पूर्वी क्षेत्र प्रतियोगिताको उपाधि जितेको छ । उपाधिसंगै नेपाल नोभेम्बरमा मलेसियामै आयोजना हुने यु-१९ एसिया कप खेल्न समेत छनौट भएको छ ।

पहिले ब्याटिंग गर्दै हंगकंगले दिएको ७७ रनको लक्ष नेपालले ५ विकेट गुमाई पुरा गर्यो ।   ( स्कोरकार्ड )

प्रनित थापाले अविजित २० रन प्रहार गर्दै नेपाललाई जित दिलाएका थिए ।  प्रनितले लगातार २ छक्का प्रहार गरि जितसम्म पुर्याएका थिए ।

लक्ष पछ्याउने क्रममा नेपालले ६३ रनको स्कोरमा पहिलो ५ विकेट गुमाएको थियो । ओपनर सन्दिप सुनार १९, आसिफ शेख १ तथा अनिल शाह १६ रन बनाएर आउट भएका थिए । त्यसपछि दिपेन्द्र ऐरी २२ तथा सुमित महर्जन ० रनमै आउट भएका थिए l

हंगकंग ओपनिंग बलर करानदिप सिंहले सर्बाधिक ३ विकेट लिंदै नेपालको सुरुवात खराब बनाएका थिए । यस्तै झठाभेदले २ विकेट हात पारे l
किनरारा ओभल मैदानमा टस जितेको नेपालले फिल्डिंग गर्ने निर्णय गरेको थियो ।

नेपालको लागि शाहब आलम र सन्दिप लामिछानेले समान ३-३ विकेट दिलाए । यस्तै अनिल शाह र दिपेन्द्र ऐरीले १-१ विकेट आफ्नो नाम गरेका थिए ।

हंगकंगको लागि ओपनिंग ब्याट्सम्यान हरप्रित सिंहले सर्बाधिक २० रन बनाएका थिए भने झठाभेदले १६ र वकास खानले १५ रन बनाएका थिए । सन्दिप लामिछाने खेलको म्यान अफ द म्याच चुनिए।

प्रतियोगिताको उत्कृस्ट खेलाडी सन्दिप लामिछाने घोषित भए भने उत्कृस्ट बलर दिपेन्द्र ऐरी घोषित भए। यस्तै उत्कृस्ट ब्याट्सम्यान सिंगापुरका सिद्धान्त घोषित भएका छन्।