पवन सर्राफको अलराउन्ड प्रदर्शनमा नेपालको फराकिलो जित



  • विकेटनेपाल – २ बैशाख, सोमबार

आईसीसी अन्डर-१९ विश्वकप छनौट प्रतियोगिता अन्तर्गत आफ्नो तेश्रो खेलमा नेपालले आयोजक मलेसियालाई ८ विकेटले पराजित गरेको छ। प्रतियोगितामा नेपालको यो तेस्रो खेलमा दोस्रो जित समेत हो।

टस हारेर ब्याटिंग गर्दै मलेसियाले दिएको ९३ रनको झिनो लक्ष्य नेपालले १३ ओभरमा २ विकेट गुमाएर पुरा गर्यो। नेपालको जितमा ओपनर रित गौतमले अविजित ३९ रन तथा आसिफ शेखले २६ रनको योगदान गरे।

झिनो स्कोर पछ्याउने क्रममा नेपालको सुरुवात राम्रो भयो। पहिलो विकेटका लागि ओपनर पवन सर्राफ र रित गौतममात्र ५.४ ओभरमा ४२ रन जोड्न सफल रहे। प्लेयर अफ दि म्याच समेत चुनिएका पवन १४ बलमा २ चौका र १ छक्का सहित १९ रनको व्यक्तिगत स्कोरमा पभेलियन फर्किए।

पवनको विकेट पश्चात ब्याटिंगमा आएका आसिफ शेखले रितसंग दोस्रो विकेटका लागि आक्रामक ब्याटिंग गर्दै ४६ रनको साझेदारी गरे। जितका लागि मात्र ५ रन बाँकि रहंदा आफ्नो विकेट गुमाएका आसिफले १८ बलमा ३ चौका र १ छक्का सहित २६ रन जोडे।

अन्त्यमा कप्तान रोहित पौडेलले आफुले सामना गरेको पहिलो बलमानै छक्का प्रहार गर्दै नेपाललाई फराकिलो जित दिलाए। रोहित १ बलमा ६ रन जोड्दै अविजित रहंदा रित गौतमले ४५ बलमा ५ चौका सहित अविजित ३९ रन जोडे।

नेपाली स्पिनरको कसिलो बलिंग :

यसअघि बायुमास ओभलमा टस जितेको नेपालले पहिले फिल्डिंग रोजेको थियो। पहिले ब्याटिंग गर्ने क्रममा मलेसियाले पहिलो ओभर देखि विकेट गुमाउन पुग्यो। १२ रनमा २ विकेट गुमाएपछि लेज्जत ड्यानीयलले एक किनार सम्हाले पनि मलेसियाको विकेट जाने क्रम रोकिएन ।

Pawan Sarraf

लेज्जत पनि २१ औं ओभरमा ३७ रन बनाएर कुशल मल्लको बलमा क्याच आउट हुँदा मलेसिया संकटमा पर्यो। पवन सर्राफ, कुशल मल्ल र सागर ढकालको स्पिनमा मलेसियाले खुलेर ब्याटिंग गर्न सकेन।

फलस्वरूप मलेसियाले ३३.५ ओभरमा ९२ रन बनाउदा सम्पूर्ण विकेट गुमाउन पुग्यो।

नेपालको बलिङ्गमा पवन सर्राफ ( ८.५-१-१३-३ ) र कुशल मल्ल ( ८-२-२०-३ ) ले ३/३ विकेट लिए भने कमल ऐरिए २ ( ५-१-२२-२ ) र सागर ढकालले १ विकेट ( ८-१-१९-१ ) लिए।

विश्वकपमा छनोट हुने सम्भावना :

विश्वकप छनौट हुने सम्भावना कायम राख्न नेपालले कम्तिमा प्रतियोगिताको बाँकी खेल जित्नै पर्छ भने युएईले कम्तिमा १ खेल हार्नु पर्नेछ। प्रतियोगिता अन्तर्गत नेपालले यस अघिको खेलहरुमा सिंगापुरलाई २१७ रनले पराजित गरेको थियो भने युएईसंग १ रनले ( डी/एल मेथड ) पराजित भएको थियो।

सोमबारनै भएको अर्को खेलमा युएईले कुवेतलाई ७ विकेटले पराजित गरेको छ। यससंगै अब नेपाललाई विश्वकपमा छनोट हुन युएईले आफ्नो खेल हार्नुपर्ने छ। प्रतियोगितामा बलियो देखिएको युएईले मंगलवार सिंगापुरको सामना गर्नेछ। नेपालले सबै खेल जित्दै युएईले ओमान र सिंगापुरसंग हारको कामना गर्नुपर्नेछ।





थप समाचार

EPL : आजको दुवै खेल टस समेत नभई स्थगित, स्थगित खेल नयाँ मितिमा हुन सक्ने

चौंथो संस्करणको एभरेस्ट प्रिमियर लिग ( ईपीएल ) अन्तर्गत तेश्रो दिन सोमबारको दुई वटै खेल टस समेत हुन नपाई स्थगित […]

अफ्रिदी खेल्ने अन्तिम खेल मैदान भिजेको कारण रद्ध

चौथौ संस्करणको एभरेष्ट प्रिमियर लिग (ईपिएल टि-२०) अन्तर्गत सोमबारको पहिलो खेल मैदान भिजेको कारण रद्ध हुन पुगेको छ | हिजो […]

EPL मा आज पनि दुई खेल हुँदै

चौंथो संस्करणको एभरेस्ट प्रिमियर लिग ( ईपीएल ) टि-ट्वान्टी अन्तर्गत सोमबार तेश्रो दिन पनि दुई वटा खेलहरु हुनेछन्। दिनको पहिलो […]

हर्षलको ह्याट्रिक, बैंगलोर बिरुद्ध मुम्बईको इतिहासकै कम योगफल

हर्षल पटेलले ह्याट्रिक विकेट लिंदा डिफेन्डिङ च्याम्पियन मुम्बई इन्डीएन्सलाई ५४ रनले पराजित गर्दै रोयल च्यालेन्जर्स बैंगलोरले चौंथो खेलमा हारको शिलशिला […]

EPL : अम्पायरको निर्णयको बिरोध गर्दा विलियम्सलाई कारवाही

काठमाडौँमा जारी चौंथो संस्करणको एभरेस्ट प्रिमियर लिग ( ईपीएल ) को आइतबार सम्पन्न पोखरा राइनोज र भैरहवा ग्ल्याडीएटर्स बीचको खेलमा […]

ईपीएलमा करनको कप्तानी अनुभव “गार्हो नै हुने रैछ “

एभरेस्ट प्रिमीयर लिग अन्तर्गत दोश्रो दिन सम्पन्न लिगको दोश्रो खेलमा चितवन टाइगर्ससंग पराजित भएपछि बिराटनगर वारियर्सका कप्तान करन केसीले आज […]