एसीसी यु-१६ इस्टर्न प्रतियोगिताको उपाधी नेपालले जित्यो ( फोटो फिचर सहित )



विकेटनेपाल, पौष २

एसीसी यु-१६ इस्टर्न प्रतियोगिता अन्तर्गत फाइनल खेलमा नेपालले सिंगापुरलाई ७१ रनको फराकिलो अन्तरले पराजित गर्दै उपाधी जितेको छ ।

टेर्ड थाई मैदान थाईल्याण्डमा भएको फाइनल खेलमा १८४ रनको लक्ष्य पछ्याएको सिंगापुरले नेपाली बलरहरु सामु खुलेर खेल्न नसक्दा  ११२ रन बनाउदा ३१.५ ओभरमा सबै विकेट गुमायो ।

पहिलो विकेट मात्र १३ रनको स्कोरमा गुमाएको सिंगापुरका लागि दोश्रो विकेटको रुपमा साई हर्षल वेनुगोपल र इशान स्वनीले ३१  रनको साझेदारी गरेपनि खेल आफ्नो पक्षमा पार्न सकेनन् । साई हर्षल वेनुगोपलले ३१ रन बनाउन ६५ बल खर्चिदा  इशान स्वनीलेले १२ रन बनाए । तल्लोक्रममा ब्याटिंग गरेका अर्नव वाध्वाले २१ रन, रावुल शर्माले १५ बनाए भने अन्य ब्याट्सम्यानहरुले दोहोरो अंक छुन सकेनन् ।

नेपालका लागि अजय कुमार लोनियाले ३ विकेट लिन ५ ओभरमा १६ रन खर्चिदा सुर्य तामांगले पनि ७ ओभरमा १ मेडन राख्दै २० रन खर्चेर ३ विकेट हात पारे । कुशल मल्ल र नारायण जोशीले १/१ विकेट लिएको खेलमा दुईजना ब्याट्सम्यान रन आउटको सिकार भए ।

यसअघि टस जितेर ब्याटिंग गरेको नेपालले निर्धारित ३५ ओभरमा १८३ रन बनाएको थियो। नेपालको योगफलमा बिशाल बिक्रम केसीले ६३ तथा नारायण जोशीले ४६ रनको योगदान दिए।

नेपालले पहिलो ४ विकेट ६६ रनको स्कोरमै गुमाएको थियो जसपछि बिशाल बिक्रम केसीले सुनिल भण्डारीसंग पाँचौ विकेटको लागि ४२ रनको साझेदारी गरेका थिए। सुनिल १५ रन बनाएर आउट भएपछि बिशाल र नारायण जोशीले छैठौ विकेटको लागि ४८ रनको साझेदारी गर्दै ठुलो स्कोरतर्फ  नेपाललाइ डोर्याएका थिए। सातौँ विकेटको लागि नारायण जोशी र प्रतिस जिसीले २७ रनको साझेदारी गर्दै नेपालको स्कोर १८३ पुर्याएका थिए।

अविजित ४६ रन बनाएका नारायण जोशीले मात्र २३ बलको सामना गर्दै ५ चौका र १ छक्का प्रहार गरे। बिशाल बिक्रमले ७९ बलमा ४ चौका र १ छक्का प्रहार गरे। सुबाश ऐरले २२, तृत राज दासले १९, सुनिल भण्डारीले १५ तथा प्रतिस जिसीले अब्जित १० रन बनाए।

सिंगापुर बलर इशान सनेले २ विकेट हात पारे। यस्तै प्रनभ कृष्णन, रउल शर्मा र प्रमेश सिंघभीले १/१ विकेट हात पारे ।

 





थप समाचार

डीएसएल : दाङको देउखुरी वारियर्स र कैलाली जिल्ला क्रीकेट क्लब विजयी

कैलालीको धनगढीमा जारी टी–२० क्लब क्रीकेट प्रतियोगिता ‘धनगढी सुपर लिग’ मा दाङको देउखुरी वारियर्स क्रीकेट क्लब र कैलाली जिल्ला क्रीकेट […]

नवौं राष्ट्रिय खेलकुद असोजमा

काठमाडौं, जेठ १० गते । गण्डकी प्रदेशमा जेठ २२ देखि २८ गते आयोजना गरिने भनिएको नवौं राष्ट्रिय खेलकुद प्रतियोगिताको मिति […]

कृतिकालाई कप्तानी

देब्रे हाते स्पिनर कृतिका मरासिनीलाई नेपाल क्रिकेट संघ ( क्यान ) ले अन्डर-१९ महिला राष्ट्रिय क्रिकेट टिमको कप्तानी सुम्पेको छ। […]

ईपीएल नरोक्न आयोजक र फ़्रेन्चाइजको अपिल

एभरेस्ट प्रिमियर लिग (इपिएल) का फ़्रेन्चाइजहरुले आफ्नो अस्तित्वनै समाप्त हुने गरी इपिएललाई मान्यता नदिएको खण्डमा नेपाल क्रिकेट संघ (क्यान) का […]

डीएसएल: धनगढी क्रिकेट एकेडेमी र महेन्द्रनगर क्रिकेट क्लब विजयी

धनगढी ८ जेठ – कैलालीको धनगढीमा जारी टी–२० क्लब क्रिकेट प्रतियोगिता ‘धनगढी सुपर लिग’ अन्तर्गत आइतबार सम्पन्न दुई खेलमा धनगढी […]

लिग-२ मा सक्दो धेरै खेल जित्छौं – सन्दिप

काठमाडौं, जेठ ८ गते । नेपाली राष्ट्रिय क्रिकेट टोलीका कप्तान सन्दीप लामिछानेले आईसीसी विश्वकप लिग–२ मा नेपालले सकभर धेरै खेल […]