एक दिवसीय मान्यता सहित नेपाली टोलि स्वदेश फिर्ता

Paras Khadka


  • विकेटनेपाल – ५ चैत्र, सोमबार

जिम्बाबेमा आयोजित एक दिवसीय विश्वकप छनौटमा ऐतिहासिक उपलब्धि हाँसिल गरेको नेपाली टोलि आज स्वदेश फर्किएको छ। साँझ ५:५५ बजे नेपाली टोलि त्रिभुवन अन्तर्राष्ट्रिय बिमानस्थलमा अवतरण गरेको हो।

बिश्वकप छनौट अन्तर्गत प्लेअफमा पपुवा न्यु गिनीलाई पराजित गरेको नेपालले हंगकंग र पपुवा न्यु गिनीलाई पछि पार्दै एकदिवसीय राष्ट्रको मान्यता पाएको हो। पहिलो पटक एक दिवसीय राष्ट्रको मान्यता पाएपछि स्वदेश फर्किएको नेपाली टोलिलाई स्वागत गर्न सयौंको संख्यामा क्रिकेट समर्थकहरु विमानस्थल पुगेका थिए। नेपाली राष्ट्रिय झन्डा सहित स्वागतका लागि बिमानस्थल पुगेका समर्थकले क्रिकेट स्टेडियम बनाइनु पर्ने, खेलाडीलाई सुबिधा दिनुपर्ने जस्ता नारा लगाएका थिए।

नेपाली टोलिको स्वागतमा जम्मा भएको भिड

बिमानस्थलमा अवतरण गरेपछि संचारमाध्यमसंग कुराकानी गर्दै कप्तान पारस खड्काले नेपाली टोलिको अबको लक्ष्य भनेको ५० ओभरको विश्वकप खेल्ने भएको बताए। यस्तै मुख्य प्रशिक्षक जगत टमाटाले भने सन् २०१४ मा पाएको टि-२० मान्यता जसरि एक दिवसीय मान्यतालाई खेर जान दिन नहुने बताए।

यस अघि सन् २०१४ को टि-२० बिश्वकपमा राम्रो प्रदर्शन गरेपछि नेपाललाई आईसीसीले अस्थायी टि-२० अन्तर्राष्ट्रिय राष्ट्रको मान्यता प्रदान गरेको थियो। एकदिवसीय राष्ट्रको मान्यता पाएको यो पहिलो पटक हो। सन् १९९६ मा आईसीसीले एसोसीएट राष्ट्रको मान्यता दिएको २२ बर्ष पछि नेपाली क्रिकेट टिमले अर्को ठुलो उपलब्धि हाँसिल गरेको हो। एकदिवसीय मान्यतासंगै नेपालले स्वतः टि-२० अन्तर्राष्ट्रिय राष्ट्रको मान्यता समेत पाउनेछ।

 

 





थप समाचार

धेरै भन्दा धेरै अभ्यासको खाँचो छः रुबिना क्षेत्री

अन्तर्राष्ट्रिय प्रतियोगितामा औपचारिक सहभागितामै सिमित हुने गरेको नेपाली राष्ट्रिय टोली मलेसियामा सम्पन्न एसिसि महिला टी–२० च्याम्पियन्ससिपमा अभागी टोली बन्यो । […]

नेपालको क्रिकेट विकासमा सहयोग गर्ने आईसीसीको प्रतिबद्धता

युवा तथा खेलकुद मन्त्री महेश्वरजंग गहतराज र आईसीसीका प्रतिनिधिबीच शनिबार भेटवार्ता भएको छ । त्रिपुरेश्वरस्थित राष्ट्रिय खेलकुद परिषद्को बैठक कक्षमा […]

एसीसी महिला टी-ट्वान्टी : मलेसियालाई हराउँदै युएई च्याम्पियन

युएईले एसीसी महिला टी-ट्वान्टी च्याम्पियनसिपको उपाधि जितेको छ । मलेसियाको किनरारा ओभलमा शनिबार भएको फाइनलमा आयोजकलाई ५ विकेटले हराएर युएईले […]

नेपालको दुर्भाग्य, वर्षाले खेल पुरा नहुँदा युएई एसिया कप खेल्न छनोट

मलेसियामा जारि एसीसी महिला टि-२० प्रतियोगिता अन्तर्गत सेमीफाइनल खेल वर्षाका कारण पुरा हुन नपाउदा समुह चरणको प्रदर्शनको आधारमा युएई फाइनल […]

नेपाल हङकङसँग पराजित

एसीसी महिला टी–ट्वान्टी च्याम्पियनसिपमा नेपाल हङकङसँग पराजित भएको छ । मलेसियाको किनरारा ओभल क्रिकेट मैदानमा आज भएको समूह चरणको अन्तिम […]

एसीसी महिला टी-२० च्याम्पियनसिप : आज हङकङ भिड्दै नेपाल

काठमाडौँ । मलेसियामा जारी एसीसी महिला टी-ट्वान्टी च्याम्पियनसिप अन्तर्गत नेपालले आज मंगलबार हङकङसँग प्रतिस्पर्धा गर्दैछ । किनरारा ओभलमा नेपालले चौंथो […]