४१ वर्षीय डोस्काटेलाई समाबेश गर्दै नेदरल्याण्डको टि-२० विश्वकप टिम घोषित



४१ वर्षीय रायन टेन डोस्काटेलाई समाबेश गर्दै २०२१ टि-ट्वान्टी विश्वकपको लागि नेदरल्याण्डले टिमको घोषणा गरेको छ। डोस्काटे एकदिवसीयमा विश्वकै सर्वाधिक औशत ( ६७ ) तथा टि-२० अन्तर्राष्ट्रियमा विश्वकै चौथों ( ४४.३१ ) औशत भएका खेलाडी हुन्।

पिटर सिलार कप्तानीको टिममा उपकप्तानको रुपमा कोलिन एंकरम्यान रहेका छन्। माइकल रिप्पन, टम कुपर र भिभियन किंग्माले टिममा स्थान स्थान बनाउन असफल रहे। देशको लागि २२ टि-२० अन्तर्राष्ट्रिय खेलेका डोस्काटेले अन्तिम पटक २०१९ टि-२० विश्वकप फाइनलमा पपुवा न्यु गिनी बिरुद्ध खेलेका थिए। उक्त प्रतियोगितामा डोस्काटेले ९ खेलमा २३३ रन बनाउदै बेन कुपर ( २४६ रन पछि ) दोश्रो सर्वाधिक रनकर्ता थिए।

यो वर्ष अप्रिलमा त्रिकोणात्मक टि-२० अन्तर्राष्ट्रिय सिरिज खेल्न नेपाल आएको नेदरल्याण्ड टिममा रहेका ६ जना खेलाडीहरुलाई टिममा समाबेश गरिएको छैन। सेबास्टिएन ब्राट, जुलीएन डी मे, आर्यन दत्त, भीभीएन किंग्मा, एन्टोनियस स्टल, बिक्रमजित सिंह, टोबेस भिसे नेपाल भ्रमणमा आएका थिए।

१५ सदस्यीय टिममा बेन कुपर, स्टेफेन माईबर्ग, रोल्फ भान डर मर्वे, पल भान मिकीरन जस्ता नियमित खेलाडीहरु टिममा छन्। मिकीरन हाल करेबियन प्रिमीयर लिगमा ( सिपिएल ) सहभागी छन् जो उक्त लिग खेल्ने पहिलो नेदरल्याण्ड खेलाडी हुन्। मिकीरनले सिपिएलमा ७ खेलमा ८ विकेट लिंदै प्रभावशाली प्रदर्शन गरिरहेका छन्।

विश्वकपमा नेदरल्याण्ड पहिलो चरणमा समुह ‘ए’ मा आयरल्याण्ड, नामिबिया र श्रीलंकासंग रहेको छ जसले पहिलो खेल अक्टोबर १८ तारिखमा अबुधाबीमा आयरल्याण्ड बिरुद्ध खेल्नेछ। समूहमा सबै टिमसंग एक/एक खेलेपछि उत्कृस्ट हुने २ टिम सुपर-१२ चरणमा छनोट हुनेछ।

घोषित नेदरल्याण्ड टिम : पिटर सिलार ( कप्तान ) , कोलिन एंकरम्यान, फिलिपे बोसेभेन, बास डी लिडे, पल भान मिकीरन, बेन कुपर, म्याक्स ओडोड, स्कट एड्वार्ड्स, रायन टेन डोस्काटे, टिम भान डर गुग्टेन, रोल्फ भान डर मर्वे, ब्रेण्डन ग्लोभर, फ्रेड क्लासेन, लोगान भान बिक, स्टेफेन माईबर्ग ( रिजर्भ – टोबेस भिसे र शेन स्यांटनर )





थप समाचार

आईसीसी नयाँ ओडीआई वरियतामा सन्दिपको फड्को

अन्तर्राष्ट्रिय क्रिकेट परिषद ( आईसीसी ) ले जारि गरेको नयाँ एकदिवसीय अन्तर्राष्ट्रिय वरियतामा नेपाली लेग स्पिनर सन्दिप लामिछानेले पुनः फड्को […]

IPL : दिल्ली बिरुद्ध हैदरावादले पहिले ब्याटिंग गर्दै, यस्तो छ दुवै टिमको अन्तिम-११

युएईमा जारी दोश्रो फेजको आईपीएल अन्तर्गत लिगको ३३ औं खेलमा दिल्ली क्यापिटल्स र सनराइजर्स हैदरावाद प्रतिस्पर्धा गर्दैछन्। खेल नेपाली समय […]

EPL : नेपाल आइपुगे गत सिजनका सबैभन्दा आक्रामक ब्याट्सम्यान लेभी

सेप्टेम्बर २५ तारिख देखि सुरु हुने एभरेस्ट प्रिमियर लिग टि-ट्वान्टी ( ईपीएल ) को चौंथो संस्करणमा सहभागी हुन दक्षिण अफ्रिकी […]

हातमा आएको जित खोसीएपछि राहुलले भने “यो हार पचाउन गाह्रो छ।”

पन्जाब किंग्सलाई अन्तिम २ ओभरमा जितको लागि मात्र ८ रन आवस्यक थियो र साथमा थियो ८ विकेट। यस्तो अवस्थामा राजस्थान […]

IPL : सनसनीपूर्ण खेलमा राजस्थानद्वारा पन्जाब २ रनले पराजित, त्यागिको अपत्यारिलो ओभर

कार्तिक त्यागिले अपत्यारिलो बलिंग गरेपछि पन्जाब किंग्सलाई राजस्थान रोयल्सले मात्र २ रनले पराजित गरेको छ।  युएईको दुबई अन्तर्राष्ट्रिय क्रिकेट स्टेडियममा […]

IPL : अर्शदिपले ५ विकेट लिंदा उत्कृस्ट सुरुवातको बाबजुद राजस्थान १८५ मा सिमित

युएईमा जारी आईपीएलको दोश्रो फेजको खेल अन्तर्गत लिगको ३२ औं खेलमा पन्जाब किंग्स र राजस्थान रोयल्स प्रतिस्पर्धा गरिरहेका छन्। दुबई […]