वर्षाले बिथोलियो नेदरल्याण्डसंगको टि-२०, एमसीसी ९ विकेटले पराजित

Nepal vs Netherlands


  • विकेटनेपाल, साउन १३ 

लर्ड्स क्रिकेट मैदानमा नेदरल्याण्ड र मेरिलेबोन क्रिकेट क्लबसंग ( एमसीसी ) ऐतिहासिक त्रिकोणात्मक सिरिज अन्तर्गत नेपालले एमसीसीलाई ९ विकेटले पराजित गरेको छ भने नेदरल्याण्डसंगको टि-२० अन्तर्राष्ट्रिय भने वर्षाको कारण नतिजाबिहिन टुंगिएको छ।

लगातार वर्षाको कारण निर्धारित समयमा खेल सुरु हुन नसकेपछि एमसीसीले नेपाल र नेदरल्याण्डसंग ६/६ ओभरको खेल खेलेको थियो भने नेदरल्याण्डसंगको खेल भने पुरा खेलाउने निर्णय भएको थियो।

महेला जयवर्धनेको कप्तानीमा रहेको एमसीसीले पहिलो खेलमा नेदरल्याण्डसंग १० रनको पराजय बेहोर्यो। त्यसपछि दोश्रो खेलमा नेपालसंग ९ विकेटले पराजित भयो।  स्कोरकार्ड 

टस जितेर पहिले फिल्डिंग रोजेको नेपालले एमसीसीलाई ६ ओभरमा ४० रन मात्रै बनाउन दियो। ४ विकेट गुमाएर ४० रन बनाएको एमसीसीको लागि कप्तान महेला जयवर्धनेले ओपनिङ्ग ब्याटिंग गर्दै अविजित २४ रन बनाए। ४२ रनको लक्ष्य नेपालले ४.४ ओभरमा १ विकेट गुमाएर भेट्यो जुन क्रममा ओपनर सुवास खकुरेलले १६, ज्ञानेन्द्र मल्लले १२ तथा अनिल साहले ९ रन बनाए। यस अघि बलिङ्गतर्फ नेपालको लागि सोमपाल कामिले २ विकेट तथा शक्ति गौचनले १ विकेट लिएका थिए।

नेदरल्याण्डसंगको खेल नतिजा बिहिन  ( स्कोरकार्ड )

नेपालको इतिहासको ११ औं टि-२० अन्तर्राष्ट्रिय खेल्ने क्रममा खेल बारम्बार वर्षाले बिथोलिएपछि पहिलो इनिंगको अन्तिममा रद्द हुनपुग्यो।

टस जितेर नेपालले फिल्डिंग रोजेपछि ब्याटिंग गरेको नेदरल्याण्डले १६.४ ओभरमा ४ विकेट गुमाएर १७४ रन बनाएको थियो। वर्षाको कारण १८ ओभरमा झारिएको इनिंगमा नेदरल्याण्डले विस्फोटक ब्याटिंग गर्यो।  वेसले बारेसीले ४४ तथा रायन टेन डोसेट र माइकल रिप्पनले समान ३८ रन बनाए भने स्कट एडवर्ड्सले ३४ रन बनाए।

नेपालको बलिङ्गतर्फ सोमपाल कामि, बसन्त रेग्मी र करन केसीले समान १ विकेट लिए। महँगो साबित भएका नेपाली बलरहरु मध्ये सन्दिप लामिछानेले ४ ओभरमा ४३ रन खर्चिए।

त्रिकोणात्मक सिरिज पछि नेपालले अगस्ट १ र ३ तारिकमा नेदरल्याण्डमा नेदरल्याण्डसंग २ वटा एकदिवसीय अन्तर्राष्ट्रिय खेल्ने कार्यक्रम रहेको छ।





थप समाचार

नेपाली क्रिकेट टिमले अस्ट्रेलिया भ्रमण गर्ने

काठमाडौं, असार १५– नेपाली राष्ट्रिय क्रिकेट टोलीले आगामी सेप्टेम्बरमा अस्ट्रेलियाको घरेलु टोलीसँग अभ्यास क्रिकेट खेल्ने भएको छ । नेपाल क्रिकेट […]

अपन राधेमाईलाई नेक्सस कप क्रिकेट उपाधि

अपन राधेमाई युथ क्लब, वीरगन्जले यू–१६ नेक्सस कप टी–२० क्रिकेट उपाधि जितेको छ । मुलपानी क्रिकेट मैदानमा मंगलबार भएको फाइनल […]

धेरै भन्दा धेरै अभ्यासको खाँचो छः रुबिना क्षेत्री

अन्तर्राष्ट्रिय प्रतियोगितामा औपचारिक सहभागितामै सिमित हुने गरेको नेपाली राष्ट्रिय टोली मलेसियामा सम्पन्न एसिसि महिला टी–२० च्याम्पियन्ससिपमा अभागी टोली बन्यो । […]

नेपालको क्रिकेट विकासमा सहयोग गर्ने आईसीसीको प्रतिबद्धता

युवा तथा खेलकुद मन्त्री महेश्वरजंग गहतराज र आईसीसीका प्रतिनिधिबीच शनिबार भेटवार्ता भएको छ । त्रिपुरेश्वरस्थित राष्ट्रिय खेलकुद परिषद्को बैठक कक्षमा […]

एसीसी महिला टी-ट्वान्टी : मलेसियालाई हराउँदै युएई च्याम्पियन

युएईले एसीसी महिला टी-ट्वान्टी च्याम्पियनसिपको उपाधि जितेको छ । मलेसियाको किनरारा ओभलमा शनिबार भएको फाइनलमा आयोजकलाई ५ विकेटले हराएर युएईले […]

नेपालको दुर्भाग्य, वर्षाले खेल पुरा नहुँदा युएई एसिया कप खेल्न छनोट

मलेसियामा जारि एसीसी महिला टि-२० प्रतियोगिता अन्तर्गत सेमीफाइनल खेल वर्षाका कारण पुरा हुन नपाउदा समुह चरणको प्रदर्शनको आधारमा युएई फाइनल […]