कप्तान मल्लको अर्धशतक, नेपालद्वारा अमेरिकालाई सामान्य लक्ष्य



आईसीसी विश्वकप लिग -२ अन्तर्गत ओमान, नेपाल र अमेरिका बीच त्रिकोणात्मक एकदिवसीय सिरिज अन्तर्गत आफ्नो तेश्रो खेलमा अमेरिकासंग प्रतिस्पर्धा गरिरहेको छ। मस्कटको अल अमिरात मैदानमा टस हारेर ब्याटिंग गरेको नेपालले ४८ ओभरमा सम्पूर्ण विकेट गुमाएर १७४ रन बनाउदै नेपाललाई १७५ रनको लक्ष्य प्रस्तुत गरेको छ।

ओपनर आसिफ शेख तेश्रो ओभरमा ३ रन बनाएर आउट भए पछि दोश्रो विकेटको लागि कुशल भुर्तेल र कप्तान ज्ञानेन्द्र मल्लले ५१ रनको सझेअदारी गरे। ४३ बलमा ५ चौका र १ छक्का मद्दतले ३६ रन बनाएका भुर्तेल १२ औं ओभरमा आउट भए। त्यसपछि रोहित पौडेल २ तथा बिनोद भण्डारी मात्र १० रन बनाएर आउट भए।

८९/४ को अवस्थामा नेपालले डेब्यु गरिरहेका देब्रे हाते ब्याट्सम्यान गुल्सन झालाई छैठौं नम्बरमा पठायो। कप्तान मल्लले झासंग पाँचौ विकटको लागि ५१ रन जोडे। ५३ बलमा २ चौका र १ छक्का मद्दतले २८ रन बनाएका झालाई अमरिकी कप्तान सौरभ नेत्रभाल्करले ३९ औं ओभरमा क्याच आउट गराए। लगत्तै नेत्रभल्करले खाता नखोल्दै कुशल मल्ल, २ रन बनाएका सोमपाल कामि तथा १२ रन बनाएका करन केसीलाई पेभेलियन फर्काए। तिनै जना क्याच आउट भए।

धैर्यतापूर्वक ब्याटिंग गर्दै अर्धशतक पुरा गरेका कप्तान मल्ल ४६ औं ओभरमा कायल फिलिपबाट क्याच आउट भए। त्यस अघि उनले १०५ बलमा ३ चौका मद्दतले ५५ रन बनाए। एकदिवसीय अन्तर्राष्ट्रियमा १५ औं खेल खेल्ने क्रममा मल्लको यो तेश्रो अर्धशतक हो। यस अघि उनले ओमान बिरुद्ध गत वर्ष घरेलु मैदानमा ५६ तथा २०१८ मा नेदरल्याण्ड बिरुद्ध ५१ रन बनाएका थिए। मल्लको विकेट पछि अन्तिम विकेटको रुपमा आउट हुनु अघि सन्दिप लामिछानेले ११ रन बनाए।

अमेरिकाको बलिंगमा कप्तान सौरभ नेत्रभाल्करले सर्वाधिक ४ विकेट लिए जुन क्रममा ९ ओभरमा २९ रन खर्चिए। नेत्रभाल्करको स्पेल नेपाल बिरुद्ध एकदिवसीय अन्तर्राष्ट्रियमा सर्वोत्कृष्ट बलिंग स्पेल हो। यस अघि उत्कृस्ट स्पेलको रेकर्ड ओमानका अकिब इल्यासको नाममा थियो जसले १० ओभरमा ३६ रन खर्चेर ४ विकेट लिएका थिए। यस्तै डेब्यु गरिरहेका कायल फिलिपले ३ विकेट ( ९-१-४३-३ ) तथा करिमा गोरे ( ८-२-२९-१ ) , एल्मोर हचकिन्सन ( ४-०-१३-१ ) र नोस्थुश केंजिगे ( ८-०-२०-१ ) ले समान १ विकेट लिए।

खेलमा नेपालले बिक्रम सोबको स्थानमा गुल्सन झालाई अन्तिम एघारमा मौका दिएको छ। झा नेपालको लागि एकदिवसीय अन्तर्राष्ट्रिय डेब्यु गर्ने २७ औं खेलाडी हुन्।

सिरिज अन्तर्गत नेपालले पहिलो खेलमा अमेरिकालाई ५ विकेटले पराजित गरेको थियो भने दोश्रो खेलमा ओमानले नेपाललाई ५ विकेटले पराजित गरेको थियो। आज नेपालले अमेरिकालाई पराजित गरेको खण्डमा नेपाल विश्वकप लिग-२ अंकतालिकाको चौथों स्थानमा पुग्न सक्नेछ। हाल चौथों नम्बरमा नामिबिया ८ अंक सहित छ भने पाँचौ स्थानमा रहेको युएईको ७ अंक रहेको छ। नेपाल ६ अंक सहित छैठौं स्थानमा छ।





थप समाचार

T20WC : अफगानिस्तानको विशाल जितमा बनेका ७ ठूला कीर्तिमान

युएईमा जारि टि-ट्वान्टी विश्वकपको सातौँ संस्करणको सुपर-१२ चरणको खेलमा विजयी सुरुवात गर्ने क्रममा अफगानिस्तानले स्कटल्याण्डलाई १३० रनको विशाल अन्तरले पराजित […]

T20WC : मुजिब र राशिदको घातक बलिंग, अफगानिस्तानको कीर्तिमानी विशाल जित

मुजिब उर् रहमानले टि-ट्वान्टी विश्वकप इतिहासकै तथा करियरकै उत्कृस्ट बलिंग गर्दा टि-ट्वान्टी विश्वकपमा अफगानिस्तानले स्कटल्याण्डलाई १३० रनको कीर्तिमानी अन्तरले पराजित […]

T20WC : जद्रानको आक्रामक अर्धशतक, अफगानिस्तानको कीर्तिमानी योगफल

युएईमा जारि टि-ट्वान्टी विश्वकप अन्तर्गत सोमबारको एक मात्र खेलमा अफगानिस्तान र स्कटल्याण्ड प्रतिस्पर्धा गरिरहेका छन्। समुह ‘२’ दुवै टिमको सुपर-१२ […]

IPL मा लखनऊ र अहमदावाद दुई नयाँ टिम, बिसीसीआई बन्यो मालामाल

इन्डियन प्रिमियर लिगको आगामी संस्करण २०२२ मा दुई नयाँ टिम अहमदावाद र लखनऊ हुने पक्का भएको छ। सम्बर दुबईमा दुई […]

अफ्रिदीको रेकर्ड तोड्दै शाकिब बने टि-२० विश्वकप इतिहासकै सर्वाधिक विकेटकर्ता

टि-ट्वान्टी विश्वकपको सुपर-१२ चरण अन्तर्गत आइतबार बंगलादेश अलराउण्डर शाकिब अल हसनले ठूलो रेकर्ड आफ्नो नाम गरेका छन्। श्रीलंका बिरुद्ध खेलमा […]

टि-ट्वान्टी विश्वकपमा आज एक मात्र खेल

युएईमा जारी टि-ट्वान्टी विश्वकपको सातौँ संस्करण अन्तर्गत अन्तर्गत सोमबार एक मात्र खेल हुँदैछ। समुह ‘२’ अन्तर्गतको खेलमा अफगानिस्तान र स्कटल्याण्ड […]