७ विकेट लिंदै एकरम्यानले बनाए टि-२० क्रिकेटमा विश्वकिर्तिमान



दक्षिण अफ्रिकाका अल-राउण्डर कोलिन एकरम्यानले टि-२० क्रिकेटमा नयाँ विश्व किर्तिमान बनाएका छन्।

बुधबार राति सम्पन्न इंग्ल्याण्डको टि-२० घरेलु प्रतियोगिता भाइटालिटि टि-२० ब्लास्ट अन्तर्गत लिसेस्टरसायर र बर्मिन्घम बियर्स बीचको खेलमा पार्ट टाइम अफ स्पिनर एकरम्यान एक्लैले ७ विकेट लिएपछि नयाँ किर्तिमान कायम भएको हो।

यस अघि टि-२० र टि-२० अन्तर्राष्ट्रिय मान्यता प्राप्त खेलमा कसैले पनि ६ विकेट भन्दा बढी विकेट लिन सकेका थिएनन्। टि-२० अन्तर्राष्ट्रियमा श्रीलंकन स्पिनर अजन्था मेन्डिसले जिम्बाबे बिरुद्ध २०१२ मा ८ रन दिएर लिएको ६ विकेट सबैभन्दा उत्कृस्ट स्पेल थियो। मेन्डिसले अस्ट्रेलियासंग २०११ मा १६ रन दिएर ६ विकेट लिएका थिए भने तेश्रो उत्कृस्ट भारतका युझभेन्द्र चाहलले इंग्ल्याण्ड बिरुद्ध २०१७ मा २५ रन दिएर ६ विकेट लिएका थिए। मेन्डिस र चहल बाहेक टि-२० अन्तर्राष्ट्रियमा अन्य कुनै बलरले ६ विकेट लिन सकेका थिएनन्।

समग्र टि-२० खेलमा भने ६ विकेट निकै पटक लिईएको भएता पनि ७ विकेट भने कुनै बलरले लिन सकेको थिएन।

खेलमा टस जितेर ब्याटिंग गरेको लिसेस्टरसायरले २० ओभरमा ६ विकेट गुमाएर १८९ रन बनाएको थियो। जवाफमा १९० रनको लक्ष्य पछ्याउने क्रममा बर्मिन्घमले १७.४ ओभरमा १३४ रनमा सबै विकेट गुमाउन पुग्यो र खेल ५५ रनले हार्यो। ब्याटिंगमा एकरम्यानले ४ रन मात्रै बनाउन सकेका थिए।

७ विकेट लिने क्रममा कोलिन एकरम्यानले १८ रन खर्चिए। स्पेलको पहिलो ओभर तेश्रो ओभरमा गरेका उनले त्यस ओभरमा ८ रन खर्चेर १ विकेट लिएका थिए। त्यसपछि सातौँ ओभरमा दोश्रो ओभर बलिंग गर्ने क्रममा उनले ५ रन खर्चेर विकेट विहिन रहे। ८ ओभर पछि तेश्रो ओभर बलिंग गर्न आएका उनले ओभरको पहिलो, तेश्रो र पाँचौ बलमा विकेट लिए। उक्त ओभरमा २ रन खेर्चेर उनले ३ विकेट लिए। १७ औं ओभरमा स्पेलको अन्तिम ओभर गरेका उनले त्यस ओभरको पहिलो, चौथो र छैठौं बलमा विकेट लिंदै स्पेल ४-०-१८-७ मा पुरा गरेका थिए।

२८ वर्षीय एकरम्यानले बर्मिन्घमका ३ जना ब्याट्सम्यानलाई बोल्ड गरे भने ४ जना क्याच आउट भए। ७ विकेट लिंदा एक समय ११४/२ को स्थितिमा रहेको बर्मिन्घमले थप २० रन जोड्दा बाँकी ८ विकेट गुमाउन पुगेको थियो।

देश-देश बीच खेलिने खेलले टि-२० अन्तर्राष्ट्रिय मान्यता पाउने गर्छ भने टेस्ट राष्ट्रहरुको सर्वोच्च टि-२० लिगहरुको खेल टि-२० मा गनिने गर्छ। आईपीएल, बिग ब्यास जस्ता प्रतियोगिताहरु टि-२० मान्यता प्राप्त हो।

यस भन्दा अघि टि-२० मा सबैभन्दा उत्कृस्ट बलिंग स्पेल अरूल सुप्पियाको थियो जसले २०११ मा इंग्ल्याण्डको सर्वोच्च टि-२० प्रतियोगितामा समरसेटबाट खेल्दै ग्ल्यामोर्गन बिरुद्ध ३.४ ओभरमा ५ रन दिएर ६ विकेट लिएका थिए।

टि-२० अन्तर्राष्ट्रियमा नेपाली बलरको सबैभन्दा उत्कृस्ट स्पेल बसन्त रेग्मीको रहेको छ। उनले हंगकंग बिरुद्ध २०१५ मा १६ रन खर्चेर ४ विकेट लिएका थिए। दोश्रो उत्कृस्ट अविनाश बोहरा हुन् जसले सिंगापुर बिरुद्ध यसै महिना टि-२० विश्वकप छनौट ( एसिया फाइनल ) मा ३५ रन खर्चेर ४ विकेट लिएका थिए। बसन्त र अविनाश बाहेक अन्य नेपाली बलरले टि-२० अन्तर्राष्ट्रियमा एकै खेलमा ४ विकेट लिन सकेका छैनन्।

Basant Regmi
Basant Regmi

 





थप समाचार

अन्ततः डीककले मागे माफी- “कसैको अपमान गर्ने उद्देश्य थिएन”

टि-२० विश्वकप अन्तर्गत वेस्टइन्डिज बिरुद्धको खेलमा ‘ब्ल्याक लाइभ म्याटर’ अभियान अन्तर्गत घुंडा टेक्न अस्विकार गर्दै वेस्टइन्डिज बिरुद्धको खेल नखेलेका दक्षिण […]

पाकिस्तानसंग मिल्नेलाई खेलाउन नदिएपछि आईसीसी प्रति न्युजिल्यान्ड प्रशिक्षकको आक्रोश

“निराश” अन्तर्राष्ट्रिय क्रिकेट परिषद ( आईसीसी ) ले घाइते खेलाडी लकी फर्गुसनको स्थानमा एडम मिल्नेलाई मान्यता नदिएपछि न्युजिल्यान्डका मुख्य प्रशिक्षक […]

T20WC : अस्ट्रेलिया बिरुद्ध कायम रहला श्रीलंकाको जित यात्रा, दुवै टिमको सम्भावित-११

युएईमा जारि टि-ट्वान्टी विश्वकप अन्तर्गत सुपर-१२ चरण अन्तर्गत समुह ‘१’ को खेलमा अस्ट्रेलिया र श्रीलंका प्रतिस्पर्धा गर्दैछन्। खेल दुबई अन्तर्राष्ट्रिय […]

T20WC : ट्रंपलम्यानको घातक बलिंग, नामिबियाद्वारा स्कटल्याण्ड पराजित

स्कटल्याण्डलाई ४ विकटले पराजित गर्दै युएईमा जारि टि-ट्वान्टी विश्वकपको सुपर-१२ चरणमा नामिबियाले विजयी सुरुवात गरेको छ। पहिलो खेलमा अफगानिस्तानसंग पराजित […]

पाकिस्तानसंग हारपछि पनि सेहवागको विश्वास “भारतले टि-२० विश्वकप जित्नेछ”

युएईमा जारी टि-ट्वान्टी विश्वकपको आफ्नो पहिलो खेलमै पाकिस्तानसंग १० विकेटको विशाल अन्तरले पराजित भएको भारतलाई प्रतियोगिता सुरु हुनु अघि विश्वकप […]

विश्वकप एसियाली छनोट खेल्ने महिला राष्ट्रिय टिमको घोषणा, कविता पहिलो पटक राष्ट्रिय टिममा

युएईमा आगामी महिना नोभेम्बर २० देखि २६ तारिखमा आयोजना हुने २०२१ आईसीसी महिला टि-ट्वान्टी विश्वकपको एसिया छनोट प्रतियोगिताको लागि १४ […]