बलिंगमा नयाँ बिश्वरेकर्ड कायम, इंग्ल्याण्डलाई हराउदै अस्ट्रेलिया सेमीफाइनलमा



  • विकेटनेपाल, माघ-९

कम योगफलको खेलमा इंग्ल्यान्डलाई ३१ रनले पराजित गर्दै अस्ट्रेलिया यु-१९ बिश्वकपको सेमीफाइनल प्रवेश गर्ने पहिलो टिम भएको छ।

न्युजिल्याण्डको क्विन्सटाउनमा सम्पन्न खेलमा टस जितेर पहिले ब्याटिंग गरेको अस्ट्रेलियाले निर्धारित ५० ओभरमा मात्र १२७ रनमा सबै विकेट गुमाएको थियो।जवाफमा ब्याटिंग गरेको इंग्ल्याण्डले ९६ रनमै सम्पूर्ण विकेट गुमाएपछि अस्ट्रेलिया बिजयी भयो।

बिश्वकप इतिहासकै उत्कृस्ट बलिंग 

इंग्ल्याण्डलाई २३.४ ओभरमा अलआउट गर्न लोयड पोप एक्लैले ८ विकेट हात पारे। इंग्ल्याण्ड ब्याट्सम्यानहरुलाई अस्चार्यचकित पार्ने बलिंग गर्दा पोपले इतिहासकै उत्कृस्ट बलिंग गरे।

अस्ट्रेलियन लेग स्पिनरले  ९.२ ओभरमा २ मेडन ओभर सहित ३५ रन खर्चेर ८ विकेट लिंदै यसै प्रतियोगितामा आफ्नै सहकर्मी बलर जेसन राल्सटनले पपुवा न्यु गिनी बिरुद्ध लिएको ७ विकेटको रेकर्ड तोड्दै नयाँ बिश्व किर्तिमान बनाए।

राहुल बिश्वकर्मा

यस भन्दा अघि यु-१९ बिश्वकपमा कसैले एकै खेलमा ८ विकेट लिन सकेका थिएनन्। पोप अघि ३ जना बलरहरुले ७ विकेट हात पारेका थिए। नेपाली बलर राहुल बिश्वकर्माले सन् २०१२ को यु-१९ बिश्वकपमा पपुवा न्यु गिनीसंग ६ विकेट ( ६.२-४-३-६ ) लिएका थिए जुन बिश्वकप इतिहासमा हालसम्मकै पाँचौ उत्कृस्ट बलिंग स्पेल हो।

https://www.youtube.com/watch?v=UVC2BbE21Dw

इंग्ल्याण्ड इनिंग 

१२८ रन लक्ष पछ्याउने क्रममा इंग्ल्याण्डले ४७ रन बनाउदा सम्म विकेट गुमाएको थिएन। पहिलो विकेटको रुपमा ओपनर ब्यांक्सलाई ( ३ रन ) स्टम्प आउट गरेपछि इंग्ल्याण्ड विकेट पटक सुरु भएको थियो। पोपले आठौँ ओभरमा लगातार २ विकेट तथा २४ औं ओभरमा पनि २ विकेट लिएका थिए।

इंगलिस ओपनर तम बान्टनले ५८ रन ( ५३ बल, ७ चौका, ३ छक्का ) को इनिंग खेल्दै टिमको योगफलको आधा भन्दा बढी रन बनाए पनि अन्य ब्याट्सम्यानहरुले उल्लेख्य ब्याटिंग गर्न सकेनन्।

अस्ट्रेलियाको इनिंग 

पहिले ब्याटिंग रोजेको अस्ट्रेलियाले पनि खराब ब्याटिंग गरेको थियो। कप्तान जेसन सांघाले सर्बाधिक ५८ रन बनाउनु बाहेक अन्य ब्याट्सम्यानले टिमको स्कोरमा खास योगदान दिन सकेनन्।

३३.३ ओभरमा १२७ मा सिमित गर्न इंग्ल्याण्ड बलर इथान बाम्बर, दिल्लन पेनिंगटन र विल ज्याक्सले समान ३/३ विकेट आफ्नो नाम गरेका थिए।

प्रतियोगिताको दोश्रो क्वार्टरफाईनलमा बुधबार पाकिस्तानले दक्षिण अफ्रीकाको सामना गर्नेछ। यस्तै तेश्रो क्वार्टर बिहिबार फाइनलमा न्युजिल्याण्डले अफगानिस्तानको र चौथो क्वार्टरफाइनलमा शुक्रबार बंगलादेशले भारतको सामना गर्नेछ।

 





थप समाचार

बिग ब्यास छोडेर नेपाल फर्कनुको कारण बताउदै सन्दिपले भने “राष्ट्रिय टोली प्रमुख प्राथमिकता”

नेपाली राष्ट्रिय क्रिकेट टोलीका कप्तान सन्दीप लामिछानेले नेपालको झण्डाभन्दा ठूलो कोही नभएको बताएका छन् । अस्ट्रेलियामा जारी बिग ब्यास लिगको […]

आईपीएल अक्सनमा १५ नेपाली खेलाडी, बिक्लान सन्दिप ?

इन्डियन प्रिमियर लिग ( आईपीएल ) को अक्सन फेब्रुअरी १२ र १३ तारिखमा भारतको बैंगलोरमा हुँदैछ। उक्त अक्सनमा नेपालबाट १५ […]

नेपालले ओमानमा चौदेशीय टि-२० सिरिज खेल्ने, आयो खेल तालिका

ओमानमा फेब्रुअरी १७ तारिख देखि सुरु हुने आईसीसी टि-२० विश्वकप ग्लोबल क्वालिफायरको तयारी स्वरूप नेपाली राष्ट्रिय क्रिकेट टिमले चार टिम […]

टि-२० विश्वकप छनोट : नेपालको पहिलो खेल ओमानसंग ( खेल तालिका सहित )

यसै वर्ष अक्टोबर १६ तारिख देखि अस्ट्रेलियामा टि-ट्वान्टी विश्वकप प्रतियोगिता आयोजना हुँदैछ। उक्त प्रतियोगितामा आयोजक अस्ट्रेलिया सहित २०२१ टि-२० विश्वकपको […]

टि-२० विश्वकप : भारत र पाकिस्तानको खेल एमसीजीमा, आयो खेलतालिका

अस्ट्रेलियामा यो वर्ष आयोजना हुने टि-२० विश्वकप प्रतियोगिताको अन्तर्राष्ट्रिय क्रिकेट परिषदले खेल तालिका र समुह बिभाजन शुक्रबार घोषणा गरेको छ। […]

‘आईसीसी टिम अफ द एअर’ : भारतीय खेलाडी छैनन् वानडे र टि-२० टिममा

अन्तर्राष्ट्रिय क्रिकेट परिषद ( आईसीसी ) ले यो वर्षको तिन वटै फर्म्याटको क्रिकेटको ‘टिम अफ द एअर’ घोषणा गरेको छ। […]