न्युजिल्यान्डको अपत्यारिलो ब्याटिंग, एकदिवसीय खेलको एकै पारिमा बन्यो ४९० रन



  • विकेटनेपाल, जेठ २५ – शुक्रबार

न्युजिल्यान्ड र आयरल्याण्ड महिला क्रिकेट टिमबीच आजदेखि सुरु भएको तिन खेलको शृंखलाको पहिलो एकदिवसीयको पहिलो पारिमा न्युजिल्याण्डले ४ विकेट गुमाएर ४९० रनको बिशाल योगफल तयार पारेको छ। यो कुनैपनि (महिला/पुरुष) एकदिवसीयमा बनेको सर्बाधिक योगफल रहेको छ।

२१ बर्ष पुरानो एकदिवसीय क्रिकेटको सर्बाधिक ठुलो योगफल भङ्ग गर्दै नयाँ किर्तिमान बनाउने क्रममा टस जितेर पहिले ब्याटिंग गरेको पाहुना टोलि न्युजिल्यान्डका लागि कप्तान सुजि बेट्सले १५१ रनको बिशाल स्कोर बनाईन भने पहिलो विकेटका लागि एकदिवसीय क्रिकेटमा डेब्यु गरिरहेकी जेस वाट्किन (६२ रन, ५९ बल) सँग मिलेर १७२ रनको साझेदारी गरिन्।

सुजि बेट्स

वाट्किन १० चौका प्रहार गर्दै आउट भएपछी कप्तान बेट्सले दोश्रो विकेटका लागि मड्डी ग्रिनसँग ११६ रनको साझेदारी गरिन। ग्रिनले एकदिवसीय क्रिकेट को पहिलो शतक बनाउने क्रममा १२१ रन प्रहार गर्न ७७ बलमा १५ चौका र १ छक्काको सहयोग लिईन।

जेस वाट्किन

अमी सत्तेर्थवेट तेस्रो विकेटको रुपमा २१ रन बनाएर आउट भएपनि पाचौँ विकेटका लागि अमेलिया केरले अविजित ८१ रन (४५ बल, ९ चौका, ३ छक्का) तथा बेर्नादिने बेजुहिदिनेहटले अविजित २३ रन (१५ बल, ४ चौका) प्रहार गर्दै मात्र ३८ बलमा ७६ रन बनाएपछि न्युजिल्यान्डले ४९० रनको बिशाल योगफल तयार पारेको हो।

कारा मुर्रे

बलिंगतर्फ आयरल्याण्डका सबै खेलाडीहरु महँगा साबित भए। कारा मुर्रेले २ विकेट लिन १० ओभरमा ११९ रन खर्चिंदा लारा मटिज़ र गेबी लुइसले समान १/१ विकेट लिनेक्रममा १० ओभर बलिंग गर्दै ९२/९२ रन खर्चिए।

एकदिवसीय क्रिकेटमा बनेका अहिलेसम्मका सर्बाधिक ठुला स्कोर

(Graphics by ESPNcricinfo and all photos by Seba John Finn Daly/Sportsfile)





थप समाचार

नेपाली क्रिकेट टिमले अस्ट्रेलिया भ्रमण गर्ने

काठमाडौं, असार १५– नेपाली राष्ट्रिय क्रिकेट टोलीले आगामी सेप्टेम्बरमा अस्ट्रेलियाको घरेलु टोलीसँग अभ्यास क्रिकेट खेल्ने भएको छ । नेपाल क्रिकेट […]

अपन राधेमाईलाई नेक्सस कप क्रिकेट उपाधि

अपन राधेमाई युथ क्लब, वीरगन्जले यू–१६ नेक्सस कप टी–२० क्रिकेट उपाधि जितेको छ । मुलपानी क्रिकेट मैदानमा मंगलबार भएको फाइनल […]

धेरै भन्दा धेरै अभ्यासको खाँचो छः रुबिना क्षेत्री

अन्तर्राष्ट्रिय प्रतियोगितामा औपचारिक सहभागितामै सिमित हुने गरेको नेपाली राष्ट्रिय टोली मलेसियामा सम्पन्न एसिसि महिला टी–२० च्याम्पियन्ससिपमा अभागी टोली बन्यो । […]

नेपालको क्रिकेट विकासमा सहयोग गर्ने आईसीसीको प्रतिबद्धता

युवा तथा खेलकुद मन्त्री महेश्वरजंग गहतराज र आईसीसीका प्रतिनिधिबीच शनिबार भेटवार्ता भएको छ । त्रिपुरेश्वरस्थित राष्ट्रिय खेलकुद परिषद्को बैठक कक्षमा […]

एसीसी महिला टी-ट्वान्टी : मलेसियालाई हराउँदै युएई च्याम्पियन

युएईले एसीसी महिला टी-ट्वान्टी च्याम्पियनसिपको उपाधि जितेको छ । मलेसियाको किनरारा ओभलमा शनिबार भएको फाइनलमा आयोजकलाई ५ विकेटले हराएर युएईले […]

नेपालको दुर्भाग्य, वर्षाले खेल पुरा नहुँदा युएई एसिया कप खेल्न छनोट

मलेसियामा जारि एसीसी महिला टि-२० प्रतियोगिता अन्तर्गत सेमीफाइनल खेल वर्षाका कारण पुरा हुन नपाउदा समुह चरणको प्रदर्शनको आधारमा युएई फाइनल […]