अन्तर्राष्ट्रिय क्रिकेट मैदानबारे धुर्मुसको ठुलो घोषणा



विकेटनेपाल, चैत्र १५ – बिहिबार । नेपाली छोटो पर्दाको टेलिसिरियल मेरीबास्सैबाट चर्चामा आएका हास्यकलाकार सिताराम कट्टेल र कुन्जना घिमिरेको सामाजिक संस्था धुर्मुस सुन्तली फाउन्डेसन नेपालमा अन्तर्राष्ट्रिय क्रिकेट मैदान निर्माणमा लाग्ने भएको छ ।

यसभन्दा अगाडी भूकम्प प्रभावित ठाउँहरुमा नमुना बस्तीहरु निर्माण गर्दै हस्तान्तरण गरिसकेका अभियान्ता सिताराम कट्टेलले फेसबुकमा स्टाटस राख्दै उक्त मैदान निर्माण कार्यमा लाग्ने जानकारी दिएका हुन् ।

उक्त फेसबुक पोस्टका अनुसार नेपालले एकदिवसीय मान्यता पाएपछि उनीहरुको अन्य कामको प्रशंसा गर्दै अन्तर्राष्ट्रिय क्रिकेट रंगशाला निर्माणको लागि चौतर्फी दबाब आएको जनाएका छन् ।  उनले लेखेका छन्  “चौतर्फि रुपमा बिभिन्न क्षेत्रबाट नेपालमा एउटा अन्र्तराष्ट्रिय स्तरको क्रिकेट मैदान अपरिहार्य रहेको र सो निर्माणको संयोजन पनि तपाईहरुले गरिदिनुपर्यो भनेर एकप्रकारको सुझाव अनि अनुरोध आईरहेकै थियो ।”

साथमा नेपाली क्रिकेटको तारिफ गर्दै नेपालीलाई अन्तर्राष्ट्रिय स्तरमा शिर ठाडो बनाएर गौरवान्वित बनाउन सघाएको र मैदान निर्माणको परियोजना सरकारी भएकोले आफुहरुले सरकारलाई सघाउदै छिट्टै निर्माण समिति गठन गर्ने र उक्त समितिकै रोहबरमा मैदान निर्माणको काम अघि बढ्ने बनाए । उनले थपे “नेपालको क्रिकेटले अन्र्तराष्ट्रिय जगतमा देशको शिर ठाडो बनाएर हरेक नेपालीलाई खुसी दिलाउने मात्र नभई देशकै गरिमा उच्च राख्ने काम गरेको छ । र यो अभियान धुर्मुस सुन्तली फाउण्डेशनको मात्रै नभई राष्ट्रकै अभियान हो । फाउण्डेशनले मात्र निर्माण संयोजन गर्नेछ । यसका लागि छुट्टै ईन्टरनेशनल क्रिकेट स्टेडियम निर्माण समिति बन्नेछ । त्यहि समितिको रोहवरमा ईन्टरनेशनल क्रिकेट स्टेडियम बन्नेछ ।”

नेपालले जिम्बाबेमा केहि समय अगाडी आयोजित विश्वकप छनौट प्रतियोगिता अन्तर्गत महत्त्वपुर्ण खेलमा हंगकंगलाई पराजित गर्दै पहिलोपल्ट एकदिवसीय मान्यता प्राप्त गरेको थियो जुन सन् २०२२ को विश्वकप छनौट सम्म रहने छ । यसअघि सन् २०१४ को टी- २० विश्वकपमा उत्कृस्ट प्रदर्शन गर्दै टी- २० अन्तर्राष्ट्रिय मान्यता पाएको थियो तर नेपालमा मान्यता प्राप्त मैदानको अभाब, घरेलु किचलोको कारण त्यो मान्यता खेर गएको थियो । सोहि कारणले अहिले नेपालमा सामाजिक अभियान्ताको रुपमा उदाएका धुर्मुस-सुन्तलीलाई जनस्तरबाट दबाब आएको हो ।

यस्तो छ उनले लेखेको पोस्ट:





थप समाचार

रोहित चम्किंदा दोश्रो अभ्यास खेलमा नेपालको जित

नेपाली राष्ट्रिय क्रिकेट टिमको क्यानडा भ्रमण अन्तर्गत खेलिएको दोश्रो अभ्यास खेलमा नेपालले एमएलसीसी-११ ओन्टारियोलाई पराजित गरेको छ। नेपालले दिएको २१० […]

महेन्द्र नारायण निधि प्रदेशस्तरिय क्रिकेट : सप्तरी, पर्सा र बारा सेमीफाइनलमा

राजबिराजमा संचालित महेन्द्र नारायण निधि प्रदेश स्तरिय क्रिकेट प्रतियाेगिता सेमिफाईनलमा सप्तरी तथा पर्सा र बारा प्रवेश गरेका छन। आइतबार लिग […]

अभ्यास खेलमा नेपालको जित

क्यानडा भ्रमणमा रहेको नेपाली राष्ट्रिय क्रिकेट टिमले एक मात्र अभ्यास खेलमा ओन्टारियोको एमएलसीसी-एघारलाई ६९ रनले पराजित गरेको छ। शनिवार विहान […]

स्व. महेन्द्र नारायण निधि प्रदेशस्तरिय क्रिकेट प्रतियाेगितामा सप्तरी र धनुषा विजयी

चन्दनकुमार यादब, राजबिराज, असार १७ शुकवार राजबिराजमा संचालित महेन्द्र नारायण निधि मधेश प्रदेश स्तरिय क्रिकेट प्रतियाेगिता अन्तर्गत पहिलाे खेलमा सप्तरीले […]

नेपाली क्रिकेट टिमले अस्ट्रेलिया भ्रमण गर्ने

काठमाडौं, असार १५– नेपाली राष्ट्रिय क्रिकेट टोलीले आगामी सेप्टेम्बरमा अस्ट्रेलियाको घरेलु टोलीसँग अभ्यास क्रिकेट खेल्ने भएको छ । नेपाल क्रिकेट […]

अपन राधेमाईलाई नेक्सस कप क्रिकेट उपाधि

अपन राधेमाई युथ क्लब, वीरगन्जले यू–१६ नेक्सस कप टी–२० क्रिकेट उपाधि जितेको छ । मुलपानी क्रिकेट मैदानमा मंगलबार भएको फाइनल […]