५८ लाख कुल लागतको ‘नेक्सस कप’ आयोजना हुने

nexus cup cricket


  • विकेटनेपाल – भक्तपुर, ५ फागुन ।

नेक्सस क्रिकेट एकेडेमीको आयोजना आगामी चैत्र १५ गते देखि बैशाख ५ गतेसम्म ‘नेक्सस कप २०७३ ‘ यु-१६ टि-२० क्रिकेट प्रतियोगिता आयोजना हुने भएको छ l

शो-बिज स्पोर्ट्स प्रालिको सहकार्यमा संचालन हुने प्रतियोगितामा देशभरका क्रिकेट एकेडेमी तथा क्लबहरुबाट न्युनतम ३२ वटा टिम सहभागी हुनेछन् l

नक-आउटको आधारमा संचालन हुने प्रतियोगिताको बिजेताले १ लाख ५० हजार, उपविजेताले १ लाख नगद प्राप्त गर्नेछन् l प्रतियोगिताको अनुमानित कुल लागत करिब ५८ लाख रुपैया रहेको एन.सी.ए का अध्यक्ष भरत कुमार शाहीले जानकारी दिनुभएको छ l प्रतियोगिताको म्यान अफ द सिरिज लाई रु. २० हजार, इर्मजीङ प्लेअरलाई १५ हजार तथा वेस्ट बलर र ब्याट्सम्यानलाई रु. १० हजार प्रदान गरिनेछ l

प्रतियोगितामा चार समुह बनाई हरेक पुलमा ८ टिमहरु हुने र हरेक टिमले लिंग चरणमा ७/७ खेलहरु खेल्नेछन् ।

प्रतियोगितामा यू–१६ का मात्र खेलाडीहरु सहभागि गराउने उद्देश्यले संचालन गरिएकोले सो प्रतियोगितामा उमेर प्रमाणितका लागि कक्षा ८ को जिल्लास्तरीय परिक्षाको प्रमाणपत्र वा लब्धांक पत्रमा उल्लेखित जन्म मिति र बोन टेस्ट रिपोर्टलाई आधार मानिनेछ।

प्रतियोगितामा सहभागी टिमहरुलाई आयोजकको तर्फबाट आवासको ब्यवस्था गरिने बताईएको छ।

प्रतियोगिता संचालन समितिको संरक्षक आर वि कुटवाल हुनुहुन्छ भने सात सदस्यीय सल्लाहकार समिति रहेको छ । त्यस्तै अध्यक्ष भरत कुमार शाहीको संयोजकत्वमा ११ सदस्यीय मूल आयोजक समिति बनाइएको छ । त्यस्तै विभिन्न ६ वटा उपसमिति जस्तै प्राविधिक उपसमिति, प्रचार प्रसार उपसमिति, अर्थ ब्यवस्थापन उपसमिति, आवास ब्यवस्थापन उपसमिति, प्रतियोगिता संचालन तथा ब्यवस्थापन उपसमिति र खेलमैदान ब्यबस्थापन उपसमिति गठन गरिएको छ । जसमा संयोजकहरु क्रमशः रबिन्द्र गुप्ता,अरुण देव जोशी,यूवराज गिरी,शामसन जंग थापा,अरुण कुमार अर्याल र अजय पाँडे रहनु भएको जानकारी गराइएको छ ।





थप समाचार

धेरै भन्दा धेरै अभ्यासको खाँचो छः रुबिना क्षेत्री

अन्तर्राष्ट्रिय प्रतियोगितामा औपचारिक सहभागितामै सिमित हुने गरेको नेपाली राष्ट्रिय टोली मलेसियामा सम्पन्न एसिसि महिला टी–२० च्याम्पियन्ससिपमा अभागी टोली बन्यो । […]

नेपालको क्रिकेट विकासमा सहयोग गर्ने आईसीसीको प्रतिबद्धता

युवा तथा खेलकुद मन्त्री महेश्वरजंग गहतराज र आईसीसीका प्रतिनिधिबीच शनिबार भेटवार्ता भएको छ । त्रिपुरेश्वरस्थित राष्ट्रिय खेलकुद परिषद्को बैठक कक्षमा […]

एसीसी महिला टी-ट्वान्टी : मलेसियालाई हराउँदै युएई च्याम्पियन

युएईले एसीसी महिला टी-ट्वान्टी च्याम्पियनसिपको उपाधि जितेको छ । मलेसियाको किनरारा ओभलमा शनिबार भएको फाइनलमा आयोजकलाई ५ विकेटले हराएर युएईले […]

नेपालको दुर्भाग्य, वर्षाले खेल पुरा नहुँदा युएई एसिया कप खेल्न छनोट

मलेसियामा जारि एसीसी महिला टि-२० प्रतियोगिता अन्तर्गत सेमीफाइनल खेल वर्षाका कारण पुरा हुन नपाउदा समुह चरणको प्रदर्शनको आधारमा युएई फाइनल […]

नेपाल हङकङसँग पराजित

एसीसी महिला टी–ट्वान्टी च्याम्पियनसिपमा नेपाल हङकङसँग पराजित भएको छ । मलेसियाको किनरारा ओभल क्रिकेट मैदानमा आज भएको समूह चरणको अन्तिम […]

एसीसी महिला टी-२० च्याम्पियनसिप : आज हङकङ भिड्दै नेपाल

काठमाडौँ । मलेसियामा जारी एसीसी महिला टी-ट्वान्टी च्याम्पियनसिप अन्तर्गत नेपालले आज मंगलबार हङकङसँग प्रतिस्पर्धा गर्दैछ । किनरारा ओभलमा नेपालले चौंथो […]