नेक्ससको आयोजनामा ब्रमास्मी एसईई एक दिवसिय क्रिकेट प्रतियोगिता हुने



  • विकेटनेपाल – ६ फाल्गुन, सोमबार  ( काठमाण्डौ )

नेक्सस क्रिकेट एकेडेमीको आयोजनामा ब्रमास्मी एसईई एक दिवसिय क्रिकेट प्रतियोगिता आयोजना हुने भएको छ। यस बर्ष एसईई परीक्षा दिएका खेलाडीहरुलाई लक्षित गर्दै एकेडेमीले सो प्रतियोगिता आयोजना गर्न लागेको हो।

यस बर्ष एसईई परीक्षा दिएका खेलाडीहरु बाट ट्यालेन्ट हन्ट आयोजना गरेर प्रतियोगिताका लागि खेलाडी छनोट गरिने एकेडेमीले बताएको छ। आयोजक नेक्सस क्रिकेट एकेडेमीले सोमबार राजधानीमा पत्रकार सम्मेलन आयोजना गर्दै प्रतियोगिताको घोषणा गरेको हो।

प्रतियोगिता आउने बैशाख महिनाको अन्तिम सातामा संचालन हुनेछ। प्रतियोगिता संचलानका लागि आयोजकले सोमबारनै ब्रमास्मी कलेजसंग प्रायोजन सम्झौता समेत गरेको छ। सम्झौतामा आयोजकका तर्फबाट एकेडेमी अध्यक्ष भरत शाही र ब्रमास्मी कलेजका निर्देशक सुनन्दा रेग्मीले हस्ताक्षर गरेका थिए।

सम्झौता अनुरुप ब्रमास्मी कलेजले एकेडेमीलाई प्रतियोगिताका लागि ७ लाख ५० हजार रुपैयाँ उपलब्ध गराउने छ। त्यससंगै कलेजले प्रतियोगिताको छनोटका लागि ट्यालेन्ट हन्टमा सहभागी हुने सबै बिद्यार्थीलाई छात्रबृद्दि समेत प्रदान गर्नेछ।

घरेलु स्तरबाट खेलाडी उत्पादन गर्ने उदेश्यका साथ आयोजना हुने प्रतियोगितामा ८ टोलीको सहभागिता रहने एकेडेमी अध्यक्ष भारत शाहीले जानकारी गराए। शाहीका अनुसार ठूलो संख्यामा खेलाडी समावेश गर्नका लागि प्रतियोगिताको ट्यालेन्ट हन्ट देशका मुख्य ११ स्थानमा आयोजना हुनेछ।

आउँदो चैत्र २२ गतेबाट संचालन हुने ट्यालेन्ट हन्ट बैशाख १६ गतेसम्म चल्ने छ। देशका ११ मुख्य स्थानहरु धनगढी, कोहलपुर, सुर्खेत, दाङ्ग, बुटवल, पोखरा, चितवन, कलैया, बिराटनगर, बिर्तामोड र काठमाण्डौमा ट्यालेन्ट हन्टको आयोजना हुनेछ। हरेक क्षेत्रबाट प्रदर्शनका अधारमा ५-७ खेलाडी छनोट गरिने छ।

ट्यालेन्ट हन्टबाट छनोट भएका १०० बढी खेलाडीलाई करिब एक साता काठमाण्डौमा प्रशिक्षण गराइने र त्यसबाट प्रतियोगिताका लागि ४८ खेलाडी छनोट हुनेछन्।

प्रतियोगितामा उत्कृस्ट प्रदर्शन गर्ने १४ खेलाडीलाई छनोट गरि सिरिजमा सहभागी गराइने समेत आयोजक नेक्सस क्रिकेट एकेडेमीले बताएको छ। यस्तै प्रतियोगिताको उत्कृस्ट ब्याट्सम्यान, बलर र म्यान अफ दि सिरिजले एकेडेमीको दिल्ली सेन्टरमा एक बर्षसम्म निशुल्क प्रशिक्षण समेत पाउने छन्।

 





थप समाचार

दुई दिनमै सकियो भारत-इंग्ल्यान्ड टेस्ट, यस्ता बने कीर्तिमान

तेश्रो टेस्टमा इंग्ल्यान्डलाई १० विकेटले पराजित गर्दै भारतले ४ टेस्टको सिरिजमा २-१ को अग्रता हाँसिल गरेको छ। जितसंगै भारत टेस्ट […]

४ सयौं टेस्ट विकेट लिंदै आश्विनले बनाए कीर्तिमान

भारतीय अफस्पिनर रभीचन्द्रन आश्विनले टेस्ट क्रिकेटमा व्यक्तिगत ४ सय विकेट पुरा गर्दै नयाँ कीर्तिमान बनाएका छन्। इंग्ल्यान्डबिरुद्ध अहमदावादको नरेन्द्र मोदी […]

रुपन्देही सुपरलिग : लुम्बिनी खुकुरी विजयी

प्रकाश न्यौपाने, भैरहवा, फागुन १३ भैरहवास्थित सिद्धार्थ रंगशालामा जारी नेपाल टेलिकम रुपन्देही सुपर लिग क्रिकेट प्रतियोगिता अन्तर्गत बिहीबार भएको डिभिजन […]

रोमान्चक दोश्रो टि-२०मा न्युजिल्यान्डद्वारा अस्ट्रेलिया पराजित

रोमान्चक दोश्रो टि-२० मा अस्ट्रेलियालाई ४ रनले पराजित गर्दै घरेलु टोलि न्युजिल्यान्डले ५ वटा टि-२० अन्तर्राष्ट्रियको सिरिजमा २-० को अग्रता […]

रुपन्देही सुपरलिग : रुपेशले उत्कृस्ट बलिंग गर्दै बुद्धको सहज जित

प्रकाश न्यौपाने, भैरहवा, फागुन १२ भैरहवामा जारी नेपाल टेलिकम रुपन्देही सुपर लिग क्रिकेट प्रतियोगिता अन्तर्गत बुधबार भएको डिभिजन ‘ए’को खेलमा […]

पीएसएल : शर्जिलको शतकका बाबजुद कराची पराजित

शर्जिल खानको आक्रामक शतकका बाबजुद कराची किंग्सलाई पराजित गर्दै इश्लामवाद युनाइटेडले पाकिस्तान सुपर लिगमा लगातार दोश्रो जित दर्ता गर्दै जित […]