अमित श्रेष्ठको ब्याटिंगमा नेपाल पुलिसलाई नाइट क्रिकेटको उपाधि

Nepal Police Club


  • विकेटनेपाल, असोज २९
    – सम्भु दास 

सुनसरीको इनरुवामा सम्पन्न प्रथम रात्रीकालिन मेयर कप टि-२० क्रिकेट प्रतियोगिताको उपाधी नेपाल पुलिस क्लबले जितेको छ। फाइनलमा पुलिसले वाईआरसीसी ( बिराटनगर ) लाई ६ विकेटले पराजित गर्यो।

प्रतियोगिताको फाइनल हेर्न करिब ५ हजार दर्शकहरु उपस्थिति थिए। जितसँगै पुलिसले १ लाख ५१ हजार रुपैया हात पारेको छ भने उपिवजेता विराटनगरले ७५ हजार रुपैया पायो।

आज राति सम्पन्न  फाइनलमा टस जितेर पहिला ब्याटिङ गरेको वाईआरसीसी ( बिराटनगर ) ले १७.२ ओभरमा आफ्ना सम्पूर्ण विकेट गुमाई ८४ रन बनाएको थियो। वाईआरसीसीको लागि हासिम अन्सारीले सर्वाधिक २४, फिर्दोस अन्सारीले १४, पुस्प थापाले १२ तथा महबुब आलमले १० रन बनाएका थिए।

बलिङतर्फ नेपाल पुलिसका बलर दिपेश श्रेष्ठ ,कुशल भुर्तेल,मन्जित श्रेष्ठ तथा योगेन्द्र कार्कीले सम्मान २/२ विकेट लिएका थिए।

फोटो – दिपेश चौधरी

८५ रनको विजय लक्ष्य लिएर मैदान ओर्लेको नेपाल पुलिस क्लबले अमित श्रेष्ठको अविजित ४८ तथा मन्जित श्रेष्ठको १७ रनको मद्दतले १६.१ ओभरमा ४ विकेट गुमाएर विजय लक्ष्य पार गर्दै उपाधि हात पार्यो। पुलिसले सुरुवाती ३ विकेट २० रन बनाउदा गुमाईसकेको थियो जसपछि दबाबमा अमित श्रेष्ठ र मन्जित श्रेष्ठले टिमलाई जितको दिशा दिएका थिए।

बलिङतर्फ वाईआरसीसीका अजय राजबंशी तथा सदाफ अख्तरले १/१ विकेट हात पारे।

अमित श्रेष्ठ ( फाइल फोटो ) 

फाइनल खेलको म्यान अफ द म्याच नेपाल पुलिसका अमित श्रेष्ठ घोषित भए भने प्रतियोगिताको उत्कृस्ट बलर युसीसी बिरगंजका बलर अनुज चौहान, उत्कृस्ट ब्याट्सम्यान वाईआरसीसीका मिनास थापा, उदयमान खेलाडी धनगढी क्रिकेट एकेडेमीका कृष्ण अयर तथा म्यान अफ द सिरिज युसीसी बिरगंजका शैदुलाह अन्सारी घोषित भए। उत्कृस्ट खेलाडीले १० हजार रुपैयाँ तथा अन्य सबै विधाको उत्कृस्ट खेलाडीले ५ हजार रुपैयाँ हात पारे।

नेपालमै पहिलो पटक राष्ट्रिय क्रिकेट प्रतियोगिता रातको समयमा गरिएको हो। फुलबारी क्रिकेट क्लबको आयोजना र इनरुवा नगरपालिकाको मुख्य प्रायोजनमा भएको प्रतियोगितालाई आगामी दिनमा पनि निरन्तरता दिइने मेयर राजन मेहताले समापन समारोहमा जानकारी दिए।

फुलबारी क्रिकेट क्लब इनरुवाले आयोजना गरेको प्रतियोगितामा विभिन्न १० वटा टोलिको सहभागिता रहेको थियो।

प्रतियोगिता दौरान लिईएको तस्बिर ( तस्बिर – सम्भु दास ) 

 





थप समाचार

अभ्यास खेलमा नेपालको जित

क्यानडा भ्रमणमा रहेको नेपाली राष्ट्रिय क्रिकेट टिमले एक मात्र अभ्यास खेलमा ओन्टारियोको एमएलसीसी-एघारलाई ६९ रनले पराजित गरेको छ। शनिवार विहान […]

स्व. महेन्द्र नारायण निधि प्रदेशस्तरिय क्रिकेट प्रतियाेगितामा सप्तरी र धनुषा विजयी

चन्दनकुमार यादब, राजबिराज, असार १७ शुकवार राजबिराजमा संचालित महेन्द्र नारायण निधि मधेश प्रदेश स्तरिय क्रिकेट प्रतियाेगिता अन्तर्गत पहिलाे खेलमा सप्तरीले […]

नेपाली क्रिकेट टिमले अस्ट्रेलिया भ्रमण गर्ने

काठमाडौं, असार १५– नेपाली राष्ट्रिय क्रिकेट टोलीले आगामी सेप्टेम्बरमा अस्ट्रेलियाको घरेलु टोलीसँग अभ्यास क्रिकेट खेल्ने भएको छ । नेपाल क्रिकेट […]

अपन राधेमाईलाई नेक्सस कप क्रिकेट उपाधि

अपन राधेमाई युथ क्लब, वीरगन्जले यू–१६ नेक्सस कप टी–२० क्रिकेट उपाधि जितेको छ । मुलपानी क्रिकेट मैदानमा मंगलबार भएको फाइनल […]

धेरै भन्दा धेरै अभ्यासको खाँचो छः रुबिना क्षेत्री

अन्तर्राष्ट्रिय प्रतियोगितामा औपचारिक सहभागितामै सिमित हुने गरेको नेपाली राष्ट्रिय टोली मलेसियामा सम्पन्न एसिसि महिला टी–२० च्याम्पियन्ससिपमा अभागी टोली बन्यो । […]

नेपालको क्रिकेट विकासमा सहयोग गर्ने आईसीसीको प्रतिबद्धता

युवा तथा खेलकुद मन्त्री महेश्वरजंग गहतराज र आईसीसीका प्रतिनिधिबीच शनिबार भेटवार्ता भएको छ । त्रिपुरेश्वरस्थित राष्ट्रिय खेलकुद परिषद्को बैठक कक्षमा […]