निलम्बनका बाबजुद जिम्बाब्वे बंगलादेशमा त्रिकोणात्मक सिरिज खेल्न सक्ने



बंगलादेशले आगामी महिना सेप्टेम्बर १३ देखि २४ सम्म अफगानिस्तान र जिम्बाब्वे सम्मिलित त्रिकोणात्मक सिरिजको आयोजना गर्ने भएको छ। बंगलादेश क्रिकेट बोर्डले बुधबार यसको घोषणा गरेको छ।

अफगानिस्तानसंग एउटा सेप्टेम्बर ५ देखि ९ सम्म एकमात्र टेस्ट खेलेपछि सिरिज सुरु हुनेछ।

जिम्बाब्वेलाई गत महिना आईसीसीले निलम्बन गरेको थियो भने मंगलबार अक्टोबरमा युएईमा आयोजना हुने टि-२० विश्वकप छनौटमा समेत सहभागी नगराउने निर्णय गरेको थियो। त्यसका बाबजुत जिम्बाबेले बंगलादेशमा त्रिकोणात्मक सिरिज खेल्ने भएको हो। निलम्वन पछि जिम्बाब्वेले खेल्ने यो पहिलो सिरिज हुनेछ।

बंगलादेश क्रिकेट बोर्डका सीइओ निजामुद्दिन सिद्दीकिले क्रिक्बजसंगको कुराकानीमा जिम्बाब्वे क्रिकेट बोर्डले आईसीसीको सेडुल मिटिंगमा आग्रह गरे पछि त्रिकोणात्मक सिरिज आयोजना गर्न लागेको बताएका छन् –

“आईसीसीको विदेश टुर कार्यक्रम तालिका अनुसार अफगानिस्तानले एउटा टेस्ट, एकदिवसीय र टि-२० खेल्न बंगलादेश भ्रमण गर्ने थियो। हामीले यसलाई त्रिकोणात्मक बनाउने निर्णय जिम्बाब्वे बोर्डको अनुरोध पछि गरेका थियौं।”

“जिम्बाब्वेलाई समावेश गर्दा खेलको स्टाटस बारे कुनै पनि समस्या छैन। उनीहरुले आईसीसीले आयोजना गर्ने प्रतियोगितामा सहभागिता हुन नपाउने हो”

आईसीसीले जिम्बाबे बोर्डलाई निलम्बन गर्दै सम्पूर्ण आर्थिक सहयोगबाट समेत बन्चित गरेको छ।

यो पनि पढ्नुस – ‘आईसीसी अरु सरप्राइज छ भने लाज नमानी बाहिर ल्याउनु’ – सिकन्दर राजा

“निलम्बन पछि सिरिजमा सहभागिता बारे अन्योलमा थियौं तर जिम्बाबे बोर्डले समस्या सुल्झाउन केहि समय दिन अनुरोध गरेको छ। आशा गर्छु जिम्बाबेले छिट्टै सहभागिता बारे अन्तिम निर्णय दिनेछ ” सिद्दिकीले १-२ दिनमै जिम्बाबेले सहभागिता बारे निर्णय दिन सक्ने बताएका छन्। सिद्धिकीले जिम्बाबे केहि गरि नआएको खण्डमा बंगलादेश र अफगानिस्तानको सिरिज हुने समेत बताएका छन्।

निलम्बन फुकुवाको बाटोमा जिम्बाबे क्रिकेट रहेको र यो सम्बन्धमा सकारात्मक पहल भइरहेको पनि सिद्धिकिले बताएका छन्।


बंगलादेशले त्रिकोणात्मक सिरिज अन्तर्गत सेप्टेम्बर १३ मा अफगानिस्तानसंग खेल्दै सुरुवात गर्नेछ भने अफगानिस्तानले अर्को दिन जिम्बाबेसंग खेल्नेछ। जिम्बाबे र बंगलादेश बीचको एकदिवसीय सिरिजबाट बंगलादेश बोर्डले एकदिवसीय कप्तान मश्रफे मोर्तजालाई विदाई गर्न योजना बनाएको क्रिक्बजले लेखेको छ।

 





थप समाचार

T20WC : ४ बलमा ४ विकेट लिंदै क्याम्फरलेले रचे इतिहाँस, आयरल्याण्डको विजयी सुरुवात

दायाँ हाते फास्ट बलर कर्टिस क्याम्फरले ह्याट्रिक सहित लगातार ४ बलमा ४ विकेट लिंदै इतिहाँस बनाउदा युएई र ओमानमा संयुक्त […]

T20 WC : बंगलादेश स्तब्ध ! स्कटल्याण्डको ऐतिहासिक जित

युएई र ओमानमा संयुक्त रुपमा आयोजित सातौँ संस्करणको टि-ट्वान्टी विश्वकप अन्तर्गत पहिलो दिन आइतबार दोश्रो खेलमा एसोसिएट राष्ट्र स्कटल्याण्डले टेस्ट […]

टि-२० विश्वकप : पीएनजी बिरुद्ध ओमानको शानदार जित

सातौँ संस्करणको टि-ट्वान्टी विश्वकप २०२१ ओमानमा सुरु भएको छ। ओमान र युएईले संयुक्त रुपमा आयोजना गरेको विश्वकप अन्तर्गत उद्घाटन खेलमा […]

चेन्नाईलाई चौंथो पटक आईपीएल उपाधि

फाइनलमा कोलकाता नाइट राइडर्सलाई २७ रनले पराजित गर्दै चेन्नाई सुपर किंग्सले १४ औं संस्करणको इन्डियन प्रिमियर लिग जितेको छ।चेन्नाईले चौंथो […]

IPL FINAL : डु प्लेसीको उत्कृस्ट पारि, चेन्नाईद्वारा कोलकातालाई चुनौतिपूर्ण लक्ष्य

१४ औं संस्करणको इन्डियन प्रिमियर लिग ( ईपीएल ) टि-२० को उपाधिको लागि चेन्नाई सुपर किंग्स र कोलकाता नाइट राइडर्स […]

IPL : फाइनल पुग्न असफल भएपछि दिल्ली कप्तान रिशभ पन्तले भने “म संग व्यक्त गर्ने शब्द छैन”

रोमान्चक खेलमा कोलकातासंग ३ विकेटले पराजित हुँदै १४ औं संस्करणको आईपीएल फाइनलमा पुग्न चुकेपछि दिल्ली क्यापिटल्सका कप्तान रिशभ पन्तले निराशा […]