टि-२० विश्व कप छनौट एसिया फाइनल खेल्ने १४ सदस्यीय नेपाली टिमको घोषणा

Nepal Cricket Team


आईसीसी टि-२० विश्व कप छनौट ( एसिया फाइनल ) प्रतियोगिता खेल्ने १४ सदस्यीय नेपाली राष्ट्रिय टिमको घोषणा भएको छ।

नेपालले जुलाई २२ देखि २८ तारिकसम्म सिंगापुरमा आईसीसी टि-२० विश्वकप छनौट ( एसिया फाइनल ) खेल्दै छ। त्यस अघि नेपालले मलेसियामा १३ र १४ जुलाईमा मलेसियासंग २ वटा टि-२० अन्तर्राष्ट्रियको सिरिज खेल्नेछ।

राजधानीमा आयोजित पत्रकार सम्मेलनमाझ प्रशिक्षक उमेश पटवाल, कप्तान पारस खड्का र टिम व्यवस्थापक रमन शिवाकोटी उपस्थित हुँदै टिमको घोषणा गरिएको थियो।

नेपाली टिमको घोषणा पहिलो पटक पत्रकार सम्मेलन गरेर गरिएको हो। यस अघि टिम व्यवस्थापक रमन शिवाकोटीले इमेल मार्फत मिडियालाई टिम घोषणा बारे जानकारी गर्ने चलन रहेको थियो।

पारस खड्का कप्तानीको टिममा ज्ञानेन्द्र मल्ल उपकप्तान रहेका छन् भने शरद भेसावकर, बसन्त रेग्मी, सोमपाल कामि, करण केसी, प्रदिप ऐरी, बिनोद भण्डारी, सन्दिप लामिछाने, दिपेन्द्र ऐरी, रोहित पौडेल, ललित राजबंशी, पवन सर्राफ, अविनाश बोहरा रहेका छन्।

यस्तै ४ जना बैकल्पिक खेलाडीहरुमा कुशल भुर्तेल, जितेन्द्र मुखिया, सुशन भारि र आरिफ शेख रहेका छन्।

Sandeep Jora
Sundeep Jora

नेपालले ६ महिना अघि युएई संग सिरिज जित्दा टिममा रहेका खेलाडीहरु भिम शार्की र सन्दिप जोराले टिममा स्थान बनाउन सकेनन्।

यस्तै बन्द सत्र टिममा रहेका अन्य खेलाडी अमित श्रेष्ठ, जितेन्द्र मुखिया, ललित भण्डारी, आरिफ शेख, नन्दन यादब, राजु रिजाल, शाहब आलम, सुशन भारि पनि टिममा छैनन्।

मलेसियासंग १३ र १४ जुलाईमा टि-२० अन्तर्राष्ट्रिय खेलेपछि नेपाल टि-२० विश्वकप छनौट एसिया फाइनल खेल्न सिंगापुर प्रस्थान गर्नेछ। नेपाल सहित आयोजक सिंगापुर, कतार, कुवेत, मलेसिया सहभागी रहेका छन्।

नेपालले २३ जुलाईमा कतारसंग इन्डीयन एसोसिएसन मैदानमा खेल्दै प्रतियोगिताको सुरुवात गर्नेछ। यस्तै २४ जुलाईमा मलेसियासंग, २७ जुलाईमा कुवेतसंग र २८ जुलाईमा सिंगापुरसंग खेल्ने तालिका रहेको छ। प्रतियोगिताको सबै खेल इन्डियन एसोसिएसन मैदानमा खेल्नेछ।

नेपाली क्रिकेट टिम हाल टियु मैदान किर्तिपुरमा टि-२० विश्वकप छनौट ( एसिया फाइनल ) को तयारीमा व्यस्त रहेको छ। टिमलाई नवनियुक्त प्रशिक्षक उमेश पटवालले प्रशिक्षण गराइरहेका छन्।

टि-२० विश्वकप २०२० कसरि छनौट हुन्छ नेपाल ?

टि-२० विश्वकप एसिया फाइनल प्रतियोगिताको शिर्ष स्थानमा पर्न सके नेपाल ग्लोबल क्वालीफायर खेल्न छनौट हुनेछ। ग्लोबल क्वालिफायर युएईमा अक्टोबर ११ देखि ३ नोभेम्बरसम्म आयोजना हुनेछ।

ग्लोबल क्वालिफायरमा नेपाल यदी छनौट भएको खण्डमा नेपालले विश्वका अन्य क्षेत्रको छनौट प्रतियोगिताबाट आएका ६ वटा टिम सहित स्कटल्याण्ड, जिम्बाबे, नेदरल्याण्ड, हंगकंग, ओमान, आयरल्याण्ड र आयोजक युएईसंग प्रतिस्पर्धा गर्नेछ।

कुल १४ टिम सहभागी हुने ग्लोबल क्वालिफायरबाट उत्कृस्ट हुने ६ वटा टिम २०२० अक्टोबरमा अस्ट्रेलियामा आयोजना हुने टि-२० विश्वकप खेल्न छनौट हुनेछ।

खेलाडी घोषणा पत्रकार सम्मेलन:





थप समाचार

अपन राधेमाईलाई नेक्सस कप क्रिकेट उपाधि

अपन राधेमाई युथ क्लब, वीरगन्जले यू–१६ नेक्सस कप टी–२० क्रिकेट उपाधि जितेको छ । मुलपानी क्रिकेट मैदानमा मंगलबार भएको फाइनल […]

धेरै भन्दा धेरै अभ्यासको खाँचो छः रुबिना क्षेत्री

अन्तर्राष्ट्रिय प्रतियोगितामा औपचारिक सहभागितामै सिमित हुने गरेको नेपाली राष्ट्रिय टोली मलेसियामा सम्पन्न एसिसि महिला टी–२० च्याम्पियन्ससिपमा अभागी टोली बन्यो । […]

नेपालको क्रिकेट विकासमा सहयोग गर्ने आईसीसीको प्रतिबद्धता

युवा तथा खेलकुद मन्त्री महेश्वरजंग गहतराज र आईसीसीका प्रतिनिधिबीच शनिबार भेटवार्ता भएको छ । त्रिपुरेश्वरस्थित राष्ट्रिय खेलकुद परिषद्को बैठक कक्षमा […]

एसीसी महिला टी-ट्वान्टी : मलेसियालाई हराउँदै युएई च्याम्पियन

युएईले एसीसी महिला टी-ट्वान्टी च्याम्पियनसिपको उपाधि जितेको छ । मलेसियाको किनरारा ओभलमा शनिबार भएको फाइनलमा आयोजकलाई ५ विकेटले हराएर युएईले […]

नेपालको दुर्भाग्य, वर्षाले खेल पुरा नहुँदा युएई एसिया कप खेल्न छनोट

मलेसियामा जारि एसीसी महिला टि-२० प्रतियोगिता अन्तर्गत सेमीफाइनल खेल वर्षाका कारण पुरा हुन नपाउदा समुह चरणको प्रदर्शनको आधारमा युएई फाइनल […]

नेपाल हङकङसँग पराजित

एसीसी महिला टी–ट्वान्टी च्याम्पियनसिपमा नेपाल हङकङसँग पराजित भएको छ । मलेसियाको किनरारा ओभल क्रिकेट मैदानमा आज भएको समूह चरणको अन्तिम […]