न्युजिल्याण्डसंग भारत सहजै पराजित



मे ३० तारिक देखि इंग्ल्याण्डमा सुरु हुने एकदिवसीय विश्वकप अघि आफ्नो पहिलो अभ्यास खेलमा न्युजिल्याण्डसंग भारत ६ विकेटले पराजित भएको छ।

केंनिंगटन ओभल मैदानमा टस जितेर ब्याटिंग गरेको कोहली कप्तानीको भारतले ३९.२ ओभरमा सम्पूर्ण विकेट गुमाएर १७९ रन बनाएको थियो। १८१ रनको लक्ष्य न्युजिल्याण्डले ४ विकेट गुमाएर ३७.१ ओभरमै पुरा गर्यो।

लक्ष्य पछ्याउने क्रममा न्युजिल्याण्डले पहिलो २ विकेट ३७ रनमा गुमाएपनि तेश्रो विकेटको लागि कप्तान केन विलियमसन र रोस टेलरले शतकीय साझेदारी गर्दै जित सहज बनाएका थिए। विलियमसनले ६७ रन बनाए जुन क्रममा ८७ बलमा ६ चौका र १ छक्का प्रहार गरे। यस्तै टेलरले ७१ रन बनाउन ७५ बलमा ८ चौका प्रहार गरे। हेनरी निकोलसले अविजित १५ रन बनाए।

भारतको लागि बलिंगमा जस्प्रित बुम्राह ( ४-२-२-१ ) , हार्दिक पान्ड्या ( ४-०-२६-१ ) , युझभेन्द्र चाहल ( ६-०-३७-१ ) र रभिन्द्र जडेजा ( ७-०-२७-१ ) ले १/१ विकेट लिए।

जडेजाले जोगाए भारतको लाज 

पहिले ब्याटिंग गर्ने क्रममा भारतले अत्यन्त नाजुक सुरुवात गर्ने क्रममा पहिलो ८ विकेट ११५ रनमै गुमाईसकेको थियो। घाँसे विकेटमा भारतले कमजोर ब्याटिंग गर्दा रोहित शर्मा २ , शिखर धवन २ , बिराट कोहली १८ , लोकेश राहुल ६ रन बनाएर आउट भए भने हार्दिक पान्ड्याले ३० रन ( ३७ बलमा ६ चौका ) तथा महेन्द्रसिंह धोनीले १७ रन ( ४२ बलमा  चौका ) तथा दिनेश कार्तिकले ४ रन बनाए।

आठौँ नम्बरमा ब्याटिंग गर्न आएका रभिन्द्र जडेजाले अर्धशतकीय इनिंग खेल्दै भारतलाई लज्जास्पद योगफल बन्न बाट बचाए। ५० बलअ उनले ६ चौका र २ छक्का प्रहार गरे।

जडेजा र कुलदिप यादबले नवौं विकेटको लागि ६२ रनको साझेदारी गरे। यादबले १९ रन बनाए।

न्युजिल्याण्डको बलिंगमा ट्रेन्ट बोल्टले ४ ( ६.२-१-३३-४ ) तथा जेम्स निशमले ( ६-१-२६-३ ) ३ विकेट लिए। बोल्टले भारतको पहिलो ३ ब्याट्सम्यान रोहित, शिखर र राहुलको विकेट लिएका थिए।

एकदिवसीय विश्वकप अन्तर्गत भारतले आफ्नो पहिलो खेल जुन ५ तारिकमा दक्षिण अफ्रीकासंग खेल्नेछ। न्युजिल्याण्डले जुन १ मा श्रीलंकासंग खेल्दै प्रतियोगिताको सुरुवात गर्नेछ। विश्वकपको उद्घाटन खेलमा दक्षिण अफ्रीका र आयोजक इंग्ल्याण्डले प्रतिस्पर्धा गर्नेछन् ।

 





थप समाचार

T20WC : कोहलीले बनाए दुई विश्वकीर्तिमान

युएईमा जारि टि-ट्वान्टी विश्वकप अन्तर्गत चिर प्रतिद्वन्द्वी पाकिस्तान बिरुद्ध अर्धशतक बनाएका भारतीय कप्तान कोहलीले नयाँ विश्वकीर्तिमान बनाएका छन्। दुबई अन्तर्राष्ट्रिय स्टेडियममा […]

T20WC : अफ्रिदीको घातक बलिंग, संकटमा कोहलीले उत्कृस्ट ब्याटिंग गर्दा भारतको मध्यम योगफल

युएईमा जारि टि-ट्वान्टी विश्वकपको सातौँ संस्करणको सुपर-१२ चरण अन्तर्गतको खेलमा भारत र पाकिस्तान प्रतिस्पर्धा गरिरहेका छन्। दुबई अन्तर्राष्ट्रिय स्टेडियममा टस […]

T20WC : पाकिस्तानले टस जित्यो, भारत ब्याटिंग गर्दै ( दुवै टिमको अन्तिम-११ )

युएईमा जारी टि-ट्वान्टी विश्वकपको सुपर-१२ चरण अन्तर्गत समुह ‘२’ अन्तर्गतको खेलमा चिर प्रतिद्वन्द्वी भारत र पाकिस्तान प्रतिस्पर्धा गर्दैछन्। खेलमा पाकिस्तानले […]

T20WC : श्रीलंकाद्वारा बंगलादेश पराजित, असलंका र राजापक्षेको उत्कृस्ट साझेदारी

बंगलादेशलाई ५ विकेटले पराजित गर्दै श्रीलंकाले टि-ट्वान्टी विश्वकपको सुपर-१२ चरणको समुह ‘१’ अन्तर्गतको आफ्नो पहिलो खेलमा विजयी सुरुवात गरेको छ। […]

T20WC : भारत र पाकिस्तानको भेट, दुवै टिमको कमजोर र बलियो पक्ष

क्रिकेट फ्यानहरुको लामो प्रतीक्षा समाप्त भएको छ। लामो पर्खाइ पछि विश्वक्रिकेटका चिर प्रतिद्वन्द्वी भारत र पाकिस्तान आमने-सामने हुँदैछन्। युएईको दुबई […]

T20 World Cup : आज दुई खेल हुँदै, ४ एशियाली टोलि बीच प्रतिस्पर्धा

युएईमा जारी टि-ट्वान्टी विश्वकपको सुपर-१२ चरण अन्तर्गत आज आइतबार समुह ‘२’ अन्तर्गत दुई खेल हुँदैछन् जसमा ४ दक्षिण एशियाली राष्ट्रहरु […]