ग्रान्डहोमको बिस्फोटक पारिमा न्युजिल्यान्डसङ्ग पाकिस्तान फेरि हार्यो



  • विकेटनेपाल, माघ २ – मङ्गलबार

न्युजिल्याण्ड र पाकिस्तान बीच जारि एकदिवसीय खेलको चौथो खेलमा पनि न्युजिल्याण्डले पाकिस्तानलाई २५ बल बाकी रहदै ५ विकेटले पराजित गरेको छ । यसभन्दा अघि भएका ३ वटै एकदिवसीय न्युजिल्याण्डले जितेको छ ।

सेल्डन पार्क, हेमिल्टनमा टस जितेर पहिले ब्याटिंग गरेको पाकिस्तानले ५० ओभरमा ८ विकेट गुमाएर २६२ रन बनाएको थियो । पहिलो  २ विकेट मात्र ११ रनमा गुमाएको उसका लागि फकर ज़मान र  ह्यारिस सोहेलले तेस्रो विकेटको लागि ८६ रनको साझेदारी गरे । ज़मानले ५४ रन बनाउन ७५ बलमा ७ चौका र १ छक्का प्रहार गर्दा सोहेलले ५० रन बनाउन ७४ बलमा ४ चौका र १ छक्का प्रहार गरे ।

त्यसपछि १३०/५ भएको अवस्थाबाट मोहम्मद हाफिज र कप्तान सर्फराज़ अहमदले छैठौ विकेटको लागि ९८ रनको साझेदारी गर्दै २२८/६ को स्थितिमा पुर्याए । हाफिजले ८१ रन बनाउन   ८० बलमा ५ चौका र ४ छक्का प्रहार गरे भने सर्फराज़ले ५१ रन बनाउन ४६ बलमा ३ चौका र समान छक्का प्रहार गरे ।

बलिंगतर्फ न्युजिल्याण्डका टिम साउथीले ४४ रन खर्चेर ३ विकेट हात पार्दा केन विलियम्सनले ३२ रन खर्चेर २ विकेट चट्काए, ट्रेन्ट बोल्ट र मिचेल स्यांटनरले १/१ विकेट लिए ।

जवाफमा उत्रिएको न्युजिल्याण्डले बलियो सुरुवात गरेको थियो । उसका लागि मार्टिन गुप्तिल र कोलिन मुन्द्रोले पहिलो विकेटका लागि ८८ रनको साझेदारी गरेका थिए । गुप्तिल   ले ४९   बलमा ३१ रन तथा मुन्द्रोले ४२ बलमा ५६ रन बनाए ।

त्यसपछि पाकिस्तानका सादाब खानले ३ तथा रुमान रईसले १ विकेट लिदा न्युजिल्याण्ड ८८/० बाट ९९/४ को अवस्थामा पुगेको थियो ।

त्यसपछि कप्तान विलियम्सनले हेनरी निकोलससँग मिलेर पाचौं विकेटको लागि ५५ रनको साझेदारी गर्दै स्कोर १५४/५ पुर्याए । विलियम्सन ३२ रनमा आउट भए ।

त्यसपछी हेनरी निकोलस र कोलिन डी ग्राण्डहोमले मिलेर छैठौ विकेटका लागि अविजित १०९ रनको साझेदारी गर्दै खेल जिताए । निकोलसले अविजित ५२ रन बनाउन ७०   बलमा ३ चौका हाने भने ग्राण्डहोमले अविजित ७४ रन बनाउन ४० बलमा ७ चौका र ५ छक्का प्रहार गरे ।

म्यान अफ द म्याच घोषित ग्राण्डहोमले एकदिवसीय क्रिकेटमा पहिलो अर्धशतक मात्र २५ बलमा पुरा गरेका थिए ।

दुइ देश बीच पाँचौ एकदिवसीय जनवरी १९ मा खेलिनेछ। एकदिवसीय शृंखला पछि ३ वटा टि-२० अन्तर्राष्ट्रियको शृंखला खेल्नेछन्।

यसभन्दा अघिका नतिजाहरु

पहिलो एकदिवसीय: न्युजिल्याण्ड ६१ रनले बिजयी (डीएल मेथड)
दोश्रो एकदिवसीय:  न्युजिल्याण्ड ८ विकेटले बिजयी
तेस्रो एकदिवसीय:  न्युजिल्याण्ड १८३ रनले बिजयी





थप समाचार

नेपाली क्रिकेट टिमले अस्ट्रेलिया भ्रमण गर्ने

काठमाडौं, असार १५– नेपाली राष्ट्रिय क्रिकेट टोलीले आगामी सेप्टेम्बरमा अस्ट्रेलियाको घरेलु टोलीसँग अभ्यास क्रिकेट खेल्ने भएको छ । नेपाल क्रिकेट […]

अपन राधेमाईलाई नेक्सस कप क्रिकेट उपाधि

अपन राधेमाई युथ क्लब, वीरगन्जले यू–१६ नेक्सस कप टी–२० क्रिकेट उपाधि जितेको छ । मुलपानी क्रिकेट मैदानमा मंगलबार भएको फाइनल […]

धेरै भन्दा धेरै अभ्यासको खाँचो छः रुबिना क्षेत्री

अन्तर्राष्ट्रिय प्रतियोगितामा औपचारिक सहभागितामै सिमित हुने गरेको नेपाली राष्ट्रिय टोली मलेसियामा सम्पन्न एसिसि महिला टी–२० च्याम्पियन्ससिपमा अभागी टोली बन्यो । […]

नेपालको क्रिकेट विकासमा सहयोग गर्ने आईसीसीको प्रतिबद्धता

युवा तथा खेलकुद मन्त्री महेश्वरजंग गहतराज र आईसीसीका प्रतिनिधिबीच शनिबार भेटवार्ता भएको छ । त्रिपुरेश्वरस्थित राष्ट्रिय खेलकुद परिषद्को बैठक कक्षमा […]

एसीसी महिला टी-ट्वान्टी : मलेसियालाई हराउँदै युएई च्याम्पियन

युएईले एसीसी महिला टी-ट्वान्टी च्याम्पियनसिपको उपाधि जितेको छ । मलेसियाको किनरारा ओभलमा शनिबार भएको फाइनलमा आयोजकलाई ५ विकेटले हराएर युएईले […]

नेपालको दुर्भाग्य, वर्षाले खेल पुरा नहुँदा युएई एसिया कप खेल्न छनोट

मलेसियामा जारि एसीसी महिला टि-२० प्रतियोगिता अन्तर्गत सेमीफाइनल खेल वर्षाका कारण पुरा हुन नपाउदा समुह चरणको प्रदर्शनको आधारमा युएई फाइनल […]