न्युजिल्याण्डसंग इंग्ल्याण्डको हार चाहन्छ पाकिस्तान, जितले इंग्ल्याण्ड सेमीफाइनलमा



इंग्ल्याण्डमा जारि एकदिवसीय विश्वकप लिग चरणको अन्त्य तिर पुगेको छ। लिग चरणमा मात्र ५ खेल बाँकी रहेका छन् र सबै १० टिमले १/१ खेल खेल्न बाँकी रहेको छ।

मंगलबार राति भारत बंगलादेशलाई पराजित गर्दै सेमीफाइनल प्रवेश गर्यो। यस अघिनै अस्ट्रेलिया सेमीफाइनलमा पुगीसकेको छ।

सेमीफाइनल दौडबाट अफगानिस्तान, वेस्टइन्डिज, दक्षिण अफ्रीका, श्रीलंका र बंगलादेश बाहिरिसक्दा अब न्युजिल्याण्ड, इंग्ल्याण्ड र पाकिस्तान गरि ३ टिम मध्ये २ टिमले सेमीफाइनलमा स्थान बनाउनेछ।

अंकतालिका 

लिग चरणका बाँकी खेलहरु –

जुलाई ३ ( आज ) – इंग्ल्याण्ड Vs न्युजिल्यान्ड
जुलाई ४ – अफगानिस्तान Vs वेस्टइन्डिज
जुलाई ५ – पाकिस्तान Vs बंगलादेश
जुलाई ६ – श्रीलंका Vs भारत र अस्ट्रेलिया Vs दक्षिण अफ्रीका

इंग्ल्याण्ड र न्युजिल्याण्ड खेल्दै , यस्तो छ सेमीफाइनलको समीकरण 

सेमीफाइनल प्रवेश गर्ने तेश्रो टिम तय गर्न महत्वपूर्ण खेलमा आज दिउसो ३:१५ बजे आयोजक इंग्ल्याण्ड र न्युजिल्यान्ड प्रतिस्पर्धा गर्दैछन्। आज जुन टिमले जित्छ त्यो टिमले सेमीफाइनलमा स्थान पक्का गर्नेछ। पाकिस्तानको लागि पनि आजको खेल महत्वपूर्ण रहेको छ।

इंग्ल्याण्ड सेमीफाइनल पुग्न : 

न्युजिल्याण्डललाई जिते इंग्ल्याण्ड सेमीफाइनल पुग्नेछ। यदी आज हारेको खण्डमा सेमीफाइनल पुग्न पाकिस्तानले बंगलादेशसंग हार बेहोर्नुपर्छ। आज इंग्ल्याण्ड हार्यो र पाकिस्तानले बंगलादेशलाई पराजित गर्यो भने पाकिस्तान सेमीफाइनल पुग्नेछ।

न्युजिल्याण्ड सेमीफाइनल पुग्न : 

इंग्ल्याण्डलाई जिते न्युजिल्याण्ड सेमीफाइनल प्रवेश गर्नेछ।

इंग्ल्याण्डसंग पराजित भएमा पनि यदी पाकिस्तानलाई बंगलादेशले पराजित गरेमा न्युजिल्यान्ड सेमीफाइनल पुग्नेछ। आज न्युजिल्याण्ड हार्यो र पाकिस्तानले बंगलादेशलाई पराजित गर्यो भने पाकिस्तान र न्युजिल्याण्डको समान ११ अंक हुनेछ र नेट रन रेटमा अघि हुने टिम सेमीफाइनल पुग्नेछ। नेट रन रेटमा न्युजिल्याण्ड निकै अघि ( +०.५७२ ) छ भने पाकिस्तानको कमजोर नेट रन रेट ( -०.७९२ ) रहेको छ। यो स्थितिमा बंगलादेशलाई पाकिस्तानले विशाल अन्तरले पराजित गर्नुपर्नेछ।

पाकिस्तान सेमीफाइनल पुग्न 

इंग्ल्याण्डलाई न्युजिल्याण्डले पराजित गर्ने र साथै पाकिस्तानले बंगलादेशलाई पराजित गरे पाकिस्तान सेमीफाइनल पुग्नेछ।

इंग्ल्याण्डलाई न्युजिल्याण्डले पराजित गर्यो भने इंग्ल्याण्डको मात्र १० अंक हुनेछ। यसो भए पाकिस्तानले बंगलादेशलाई पराजित गरे ११ अंक बटुल्दै पाकिस्तान सेमीफाइनल प्रवेश गर्नेछ।

आज इंग्ल्याण्डले जित्यो र पाकिस्तानले बंगलादेशलाई पराजित गरे न्युजिल्याण्ड र पाकिस्तानको समान ११ अंक हुनेछ। यो अवस्थामा नेट रन रेटमा न्युजिल्याण्ड र पाकिस्तानको सेमीफाइनल भबिष्य तय हुनेछ।

तपाईको विचारमा को पुग्ला सेमी फाइनल ? कमेन्ट गर्नुहोला





थप समाचार

ईपीएल खेल्न नेपाल आइपुगे अफ्रिदी

विश्वचर्चित पाकिस्तान क्रिकेटर शाहिद अफ्रिदी एभरेस्ट प्रिमियर लिग ( ईपीएल ) खेल्न नेपाल आइपुगेका छन्। अफ्रिदी ३:३० बजे दिउसो पाकिस्तानबाट […]

EPL : कस्तो छ डिफेन्डिङ च्याम्पियन ललितपुर, कमजोर र बलियो पक्ष यस्ता छन्

सेप्टेम्बर २५ तारिख देखि सुरु हुने एभरेस्ट प्रिमियर लिगको चौंथो संस्करणमा डिफेन्डिङ च्याम्पियन ललितपुर पेट्रिएट्स उपाधि रक्षा गर्ने लक्ष्यका साथ […]

IPL : हैदरावादलाई सहजै पराजित गर्दै दिल्ली शिर्षमा

सनराइजर्स हैदरावादलाई सहजै ८ विकेटले पराजित गर्दै दिल्ली क्यापिल्स आईपीएल अंकतालिकाको शिर्ष स्थानमा पुगेको छ। युएईमा जारि लिगको दुबई अन्तर्राष्ट्रिय […]

चलेन हैदरावादको ब्याटिंग, दिल्लीलाई सामान्य लक्ष्य

आईपीएलको युएईमा जारि दोश्रो फेज अन्तर्गत लिगको ३३ औ खेलमा दिल्ली क्यापिटल्स र सनराइजर्स हैदरावाद प्रतिस्पर्धा गरिरहेका छन्। दुबई अन्तर्राष्ट्रिय […]

क्रिकेटर भण्डारी र संचारकर्मी अर्याल विवाह बन्धनमा बाँधिने

राष्ट्रिय क्रिकेट टिमका विकेट किपर ब्याट्सम्यान बिनोद भण्डारी र संचारकर्मी सोनीका अर्याल विवाह बन्धनमा बाँधिने भएका छन्। भण्डारी र अर्याल […]

आईसीसी नयाँ ओडीआई वरियतामा सन्दिपको फड्को

अन्तर्राष्ट्रिय क्रिकेट परिषद ( आईसीसी ) ले जारि गरेको नयाँ एकदिवसीय अन्तर्राष्ट्रिय वरियतामा नेपाली लेग स्पिनर सन्दिप लामिछानेले पुनः फड्को […]