डेब्युमा डफीले कीर्तिमानी बलिंग गर्दा न्युजिल्यान्डद्वारा पाकिस्तान पराजित



पाकिस्तानको न्युजिल्यान्ड भ्रमण अन्तर्गत तिन वटा टि-२० अन्तर्राष्ट्रियको सिरिज अन्तर्गत पहिलो खेलमा घरेलु टिमले पाकिस्तानलाई ५ विकेटले पराजित गर्दै सिरिजमा १-० को अग्रता लिएको छ।

इडन पार्क अक्ल्याण्डमा सम्पन्न खेलमा पाकिस्तानले दिएको १५४ रनको लक्ष्य न्युजिल्यान्डले १८.५ ओभरमा ५ विकेट गुमाएर पुरा गर्यो।

घरेलु टोलिको लागि ओपनर टिम सेफर्टले ४३ बलमा सर्वाधिक ५७ रन बनाए जुन क्रममा ६ चौका र १ छक्का हिर्काए। यस्तै मार्क च्यापम्यानले ३४ तथा ग्लेन फिलिप्सले २३ रन बनाए। जेम्स निशमले अविजित १५ र मिचेल स्यान्टनरले अविजित १२ रन बनाए।

मार्टिन गुप्टिल र डेभोन कनवे छिट्टै पेभेलियन फर्किएपछि तेश्रो विकेटको लागि सेफर्टले फिलिप्ससंग ४४ रनको तथा च्यापम्यानसंग ४५ रनको साझेदारी गर्दै जितको आधार तयार पारे। छैठौं विकेटको लागि निशम र स्यान्टनरले अविजित २७ रनको साझेदारी गर्दै जितसम्म पुर्याए।

पाकिस्तानको बलिंगमा दायाँ हाते पेसर हरिस रौफले सर्वाधिक ३ विकेट ( ४-०-२९-३ ) तथा शाहिन अफ्रिदीले २ विकेट ( ४-०-२७-२ ) लिए।

यस अघि टस हारेर ब्याटिंग गरेको पाकिस्तानले २० ओभरमा ९ विकेट गुमाएर १५३ रन बनाएको थियो।

पाकिस्तानको लागि शदाब खानले सर्वाधिक ४२ रन बनाए जुन क्रममा ३२ बलमा ३ छक्का र २ चौका प्रहार गरे। फहीम असरफले १८ बलमा ३ छक्का र २ चौका मद्दतले ३१ रन बनाए। इमाद वासिमले १९, मोहम्मद रिजवानले १७ तथा खुस्दिल शाहले १६ रन बनाए।

कमजोर सुरुवात गर्ने क्रममा ३९ रनमा ५ विकेट गुमाएको अवस्थामा शदाबले वासिमसंग ४० रनको तथा फहीमसंग ३५ रनको साझेदारी गरेका थिए।

न्युजिल्यान्डको बलिंगमा डेब्यु गरिरहेका दायाँ हाते फास्ट बलर ज्याकब डफीले सर्वाधिक ४ विकेट लिए जुन क्रममा ४ ओभरमा ३३ रन खर्चिए। ज्याकब न्युजिल्यान्डको टि-२० अन्तर्राष्ट्रिय क्रिकेट इतिहासमै डेब्युमा सबैभन्दा उत्कृस्ट बलिंग स्पेलदर्ता गर्ने बलर बनेका छन्।

अर्का फास्ट बलर स्कट कगलाईनले ३ विकेट ( ४-०-२७-३ ) लिए। इश सोढ़ी र ब्लेर टिकनरले समान १ विकेट लिए।

सिरिज अन्तर्गत दोश्रो र तेश्रो खेल आइतबार र मंगलबार खेलिनेछ। टि-२० सिरिज पछि डिसेम्बर २६ देखि दुईवटा टेस्टको सिरिज सुरु हुनेछ।





थप समाचार

प्रम कप : रोमान्चक खेलमा एपीएफद्वारा आर्मी ६ रनले पराजित, एपीएफ समुह विजेता

त्रिभुवन आर्मी क्लबलाई ६ रनले पराजित गर्दै नेपाल एपीएफ क्लब प्रधानमन्त्री कप एकदिवसीय राष्ट्रिय प्रतियोगिताको समुह ‘ए’ को विजेताको रुपमा […]

प्रम कप : पुलिस सेमीफाइनलमा

समुह चरणको अन्तिम खेलमा प्रदेश-२ लाई पराजित गर्दै नेपाल पुलिस क्लब प्रधानमन्त्री कप एकदिवसीय राष्ट्रिय प्रतियोगिताको सेमीफाइनल प्रवेश गरेको छ। […]

अफगानिस्तानको जितमा रहमतको शतक

दोश्रो एकदिवसीय अन्तर्राष्ट्रियमा ७ विकेटले आयरल्याण्डलाई पराजित गर्दै अफगानिस्तानले तिन खेलको सिरिज १ खेल अगावै २-० ले जित्न सफल भएको […]

बिग ब्यास : सन्दिपको शानदार प्रदर्शन, होबार्टको प्लेअफ सम्भावना कायमै

अष्ट्रेलियामा जारि १० औं संस्करणको बिग ब्यास लिग अन्तर्गत आइतबार सम्पन्न ५२ औं खेलमा होबार्ट हरिकेन्सले सिड्नी सिक्सरलाई ७ रनले […]

प्रम कप : लुम्बिनी र बागमतीको खेल बराबरीमा टुंगियो, बागमती सेमीफाइनलमा

प्रधानमन्त्री कप एकदिवसीय राष्ट्रिय प्रतियोगिता अन्तर्गत आइतबार मुलपानी मैदानमा सम्पन्न समुह ‘बि’ अन्तर्गतको खेल बराबरीमा टुंगिएको छ। स्कोरकार्ड, अंकतालिका बागमती प्रदेशले […]

प्रम कप : सुदूरपश्चिमको सान्त्वना जित, प्रदेश-२ को लगातार तेश्रो हार

प्रदेश-१ लाई पराजित गर्दै सुदूरपश्चिम प्रदेशले प्रधानमन्त्री कप एकदिवसीय राष्ट्रिय प्रतियोगितामा पहिलो जित दर्ता गरेको छ। यस अघिनै सुदूरपश्चिम तिनवटा […]