विलियमसनले उत्कृस्ट ब्याटिंग गर्दा रोमान्चक खेलमा न्युजिल्यान्डसंग दक्षिण अफ्रीका पराजित



केन विलियमसनले शानदार ब्याटिंग गरेपछि अन्तिम ओभरसम्म पुगेको रोमान्चक खेलमा न्युजिल्याण्डले दक्षिण अफ्रीकालाई ४ विकेटले पराजित गरेको छ।

पाँचौ खेलमा चौथो जित हात पर्दै ९ अंक बटुलेको न्युजिल्याण्ड विश्वकप अंकतालिकाको पहिलो स्थानमा उक्लेको छ। दक्षिण अफ्रीका भने आठौँ स्थानमा रहंदा ६ खेलमा १ जित र ४ हार बेहोरेको छ।

दक्षिण अफ्रीकाले दिएको २४२ रनको लक्ष्य पछ्याउने क्रममा न्युजिल्याण्डको सुरुवात राम्रो हुन सकेन। मार्टिन गुप्टिल ३५, कोलिन मुनरो ९, रोस टेलर र टम लाथम १/१ रन बनाएर आउट हुँदा १८.१ ओभरमा योगफल ८०/४ पुगेको थियो।

पाँचौ विकेटको लागि जेम्स निशाम र कप्तान केन विलियमसनले ५७ रनको साझेदारी गरे। निशाम ३३ औं ओभरमा क्रिस मोरिसको बलमा क्याच आउट भए।

छैठौं विकेटको लागि विलियमसन र कोलिन डी ग्रयाण्डहोमले ९१ रनको साझेदारी गर्दै टिमलाई जितको दिशामा डोर्याए।

डी ग्रयाण्डहोम ४८ औं ओभरमा आउट हुँन पुग्दा खेलले रोचक मोड लियो। ४७ बलमा ५ चौका र २ छक्का प्रहार गर्दै उनि एनगीडीको बलमा क्याच आउट भए।

४८ औं ओभरमा एनगीडीले ६ रन मात्रै खर्चिदा अन्तिम ओभरमा न्युजिल्याण्डलाई जित्न ८ रन आवस्यक रहेको थियो।

एन्डीले फेलुक्वायोले गरेको अन्तिम ओभरको दोश्रो बलमा विलियमसनले छक्का प्रहार गर्दा न्युजिल्याण्डले राहतको स्वास फेरेको थियो। लगत्तै बलमा चौका प्रहार गर्दै उनले टिमलाई जित दिलाए।

विलियमसनले १२ औं एकदिवसीय शतक पुरा गर्ने क्रममा अविजित १०६ रन बनाए। यस क्रममा उनले १३८ बलमा ९ चौका र १ छक्का प्रहार गरे।

दक्षिण अफ्रीकाको बलिंगमा क्रिस मोरिसले सर्वाधिक ३ विकेट ( १०-०-४९-३ ) तथा कागीसो रबाडा, लुंगी एनगीडी र एन्डीले फेलुक्वायोले १/१ विकेट लिए।

दक्षिण अफ्रीकाको ब्याटिंग 

खेलमा पहिले ब्याटिंग गरेको दक्षिण अफ्रीकाले निर्धारित ४९ ओभरमा ६ विकेट गुमाएर २४१ रन बनाएको थियो। भिजेको आउटफिल्डका कारण खेल १ ओभर घटाइएको थियो।

एजब्यासटन मैदानमा टस हारेर ब्याटिंग गरेको दक्षिण अफ्रीकाको लागि रस्सी भान डर डुसेनले सर्वाधिक अविजित ६७ रन बनाए जुन क्रममा ६४ बलमा २ चौका र ३ छक्का प्रहार गरे। यस्तै हाशिम अमलाले ५५, एडेन मारक्रमले ३८ तथा डेभिड मिलरले ३६ रन बनाए।

रस्सी भान डर डुसेन र डेभिड मिलरलले पाँचौ विकेटको लागि ७४ रनको साझेदारी गरेका थिए।

न्युजिल्यान्डको लागि बलिंगमा लकी फर्गुसनले ३ विकेट ( १०-०-५९-३ ) तथा ट्रेन्ट बोल्ट ( १०-०-६३-१ ) , कोलिन डी ग्रयाण्डहोम ( १०-०-३३-१ ) र मिचेल स्यांटनर ( ९-०-४५-१ ) ले १/१ विकेट लिए। म्याट हेनरीले विकेट नलिए पनि १० ओभरमा २ मेडन गर्दै ३४ रन मात्र खर्चिए।

प्रतियोगितामा दक्षिण अफ्रीकाले ५ खेल खेल्दा १ जित बेहोर्दा ३ हार १ खेल नतिजाविहिन रहेको थियो। न्युजिल्याण्डले भने ४ खेलमा ३ जित बेहोरेको छ भने १ खेल नतिजा विहिन रहेको थियो।





थप समाचार

ज्ञानेन्द्र मल्लले ईपीएल नखेल्ने, यी खेलाडीले गर्नेछन् मल्लको सट्टा कप्तानी

सेप्टेम्बर २५ तारिख देखि सुरु हुने एभरेस्ट प्रिमियर लिग ( ईपीएल ) मा ललितपुर पेट्रिएट्सका कप्तान रहेका राष्ट्रिय क्रिकेट टिमका […]

ईपीएल खेल्न नेपाल आइपुगे अफ्रिदी

विश्वचर्चित पाकिस्तान क्रिकेटर शाहिद अफ्रिदी एभरेस्ट प्रिमियर लिग ( ईपीएल ) खेल्न नेपाल आइपुगेका छन्। अफ्रिदी ३:३० बजे दिउसो पाकिस्तानबाट […]

EPL : कस्तो छ डिफेन्डिङ च्याम्पियन ललितपुर, कमजोर र बलियो पक्ष यस्ता छन्

सेप्टेम्बर २५ तारिख देखि सुरु हुने एभरेस्ट प्रिमियर लिगको चौंथो संस्करणमा डिफेन्डिङ च्याम्पियन ललितपुर पेट्रिएट्स उपाधि रक्षा गर्ने लक्ष्यका साथ […]

IPL : हैदरावादलाई सहजै पराजित गर्दै दिल्ली शिर्षमा

सनराइजर्स हैदरावादलाई सहजै ८ विकेटले पराजित गर्दै दिल्ली क्यापिल्स आईपीएल अंकतालिकाको शिर्ष स्थानमा पुगेको छ। युएईमा जारि लिगको दुबई अन्तर्राष्ट्रिय […]

चलेन हैदरावादको ब्याटिंग, दिल्लीलाई सामान्य लक्ष्य

आईपीएलको युएईमा जारि दोश्रो फेज अन्तर्गत लिगको ३३ औ खेलमा दिल्ली क्यापिटल्स र सनराइजर्स हैदरावाद प्रतिस्पर्धा गरिरहेका छन्। दुबई अन्तर्राष्ट्रिय […]

क्रिकेटर भण्डारी र संचारकर्मी अर्याल विवाह बन्धनमा बाँधिने

राष्ट्रिय क्रिकेट टिमका विकेट किपर ब्याट्सम्यान बिनोद भण्डारी र संचारकर्मी सोनीका अर्याल विवाह बन्धनमा बाँधिने भएका छन्। भण्डारी र अर्याल […]