धनन्जय एक्लै बने न्युजिल्याण्ड माथि भारि, टेलरको इनिंगले सम्हालिदै किवीज



एकदिवसीय विश्वकप उपविजेता टिम न्युजिल्याण्ड विश्वकप पछि पहिलो पटक अन्तर्राष्ट्रिय क्रिकेट खेल्न श्रीलंका पुगेको छ। श्रीलंका भ्रमण अन्तर्गत २ वटा टेस्ट र ३ वटा टि-२० अन्तर्राष्ट्रियको सिरिज अन्तर्गत पहिलो टेस्ट गालेमा बुधबार सुरु भएको छ।

खेलमा टस जितेर ब्याटिंग गरेको न्युजिल्याण्डले पहिलो दिनको समाप्तिमा ५ विकेट गुमाएर २०३ रन बनाएको छ। भारि वर्षाले खेल छिटो रोकिंदा पहिलो दिन ६८ ओभरको मात्र खेल भयो।

खेल सकिंदा रोस टेलर अविजित ८६ रन तथा मिचेल स्यांटनर ८ रन बनाएर ब्याटिंग गरिरहेका छन्। टेलरले १३१ बलमा ६ चौका प्रहार गरेका छन्।

टेलर अविजित ८६ रन बनाएर ब्याटिंग गरिरहेका छन्

राम्रो सुरुवात गर्ने क्रममा किवी ओपनर जित राभल र टम लाथमले पहिलो विकेटको लागी ६४ रनको साझेदारी गरेका थिए। तर स्पिनर अकिला धनन्जयले छिटो अन्तरालमा ३ विकेट लिंदै श्रीलंकालाई खेलमा फर्काए।

२६ औं ओभरमा धनन्जयले लाथम र कप्तान केन विलियमसनको विकेट लिए। लाथमले ८८ बलमा ३ चौका मदतले ३० रन बनाए। विलियमसन ३ बल खेलेर खाता नखोली आउट भए। त्यसपछि ३१ औं ओभरमा जित राभलल पनि ८३ बलमा ३ चौका मदतले ३३ रन बनाएर धनन्जयको शिकार बन्न पुगे।

६४/१ बाट ७१/३ पुगेको न्युजिल्याण्डको योगफललाई हेनरी निकोलस र रोस टेलरले अघि बढाए र चौथो विकेटको लागि १०० रनको साझेदारी गरे। ७८ बलमा २ चौका प्रहार गर्दै ४२ रन बनाएका निकोलसलाई धनन्जयले एलबिडब्लु धरापमा पारे। लगत्तै स्पेलको अर्को ओभरमा १ रन बनाएका ब्राडले वाटलिंगलाई पनि धनन्जयले एलबिडब्लु आउट गरे।

त्यसपछि रोस टेलर र स्यांटनरले छैठौं विकेटको लागि ६४ रनको साझेदारी गर्दै क्रिजमा रहेका छन्।

धनन्जयले टेस्ट क्रिकेटमा ५ विकेट लिएको यो चौथो अवसर हो। मात्र छैठौं टेस्ट खेल्ने क्रममा उनले ३२ विकेट लिईसकेका छन्।

जारि टेस्टमा २२ ओभरमा २ मेडन ओभर गर्दै ५७ रन खर्चेर उनले ५ विकेट लिईसकेका छन्। सुरंगा लक्मल ( १०-५-१४-० ) , लाहिरु कुमारा ( १०-१-३७-१ ) , धनन्जय डी सिल्भा ( ६-०-२०-० ) र लासिथ इम्बुलडेनिया ( २०-१-७३-० ) ले विकेट लिन सकेका थिएनन्।





थप समाचार

अफ्रिदीको रेकर्ड तोड्दै शाकिब बने टि-२० विश्वकप इतिहासकै सर्वाधिक विकेटकर्ता

टि-ट्वान्टी विश्वकपको सुपर-१२ चरण अन्तर्गत आइतबार बंगलादेश अलराउण्डर शाकिब अल हसनले ठूलो रेकर्ड आफ्नो नाम गरेका छन्। श्रीलंका बिरुद्ध खेलमा […]

टि-ट्वान्टी विश्वकपमा आज एक मात्र खेल

युएईमा जारी टि-ट्वान्टी विश्वकपको सातौँ संस्करण अन्तर्गत अन्तर्गत सोमबार एक मात्र खेल हुँदैछ। समुह ‘२’ अन्तर्गतको खेलमा अफगानिस्तान र स्कटल्याण्ड […]

भारत बिरुद्ध पाकिस्तानको जितमा बनेका ५ ठूला रेकर्ड

विश्वकप जित्न दावेदार तथा बलियो टिम मानिएको भारतलाई १० विकेटले सहजै पराजित गर्दै पाकिस्तानले टि-ट्वान्टी विश्वकप २०२१ को शानदार सुरुवात […]

भारत बिरुद्ध जितपछि पाकिस्तान कप्तान आजमले भने “यो सुरुवात मात्र हो”

क्रिकेट इतिहासमै पहिलो पटक भारत बिरुद्ध आईसीसी विश्वकपको खेल जितेपछि पाकिस्तान कप्तान बाबर आजमले जितको श्रेय टिमलाई दिएका छन्। एकदिवसीय […]

T20WC : पाकिस्तानसंग हारपछि भारतीय कप्तान कोहलीले के बताए कारण

अन्तर्राष्ट्रिय क्रिकेट परिषद ( आईसीसी ) को विश्वकप इतिहासमै पहिलो पटक पाकिस्तानसंग पराजित भएपछि भारतीय कप्तान बिराट कोहलीले पाकिस्तानी टिमको […]

भारत बिरुद्ध ऐतिहासिक जितमा उत्कृस्ट घोषित अफ्रिदीले के भने

भारत बिरुद्ध टि-ट्वान्टी विश्वकपमा पाकिस्ताले ऐतिहासिक जित हात पार्दा पाकिस्तानी पेसर शाहिन शाह अफ्रिदी प्लेयर अफ द म्याच चुनिए। बायाँ […]