ICC WCL 2 : पपुवा न्यु गिनीको १२ औं हार, ओमान ३ विकेटले विजयी



आईसीसी विश्व कप लिग-२ अन्तर्गत पपुवा न्यु गिनीले लगातार १२ औं खेलमा पनि हार बेहोरेको छ।

ओमानमा जारी त्रिकोणात्मक एकदिवसीय सिरिज अन्तर्गत पाँचौ खेलमा आयोजक ओमानसंग पपुवा न्यु गिनी ३ विकेटले पराजित भएको हो। सिरिजको ४ वटै खेलमा पपुवा न्यु गिनी पराजित भयो।

अल अमिरात क्रिकेट मैदानमा सम्पन्न खेलमा पपुवा न्यु गिनीले दिएको १५१ रनको लक्ष्य ओमानले ७ विकेट क्षेतीमा ३५.५ ओभरमा भेटायो। उसको लागि अकिब इल्यासले सर्वाधिक ५६ रन, मोहम्मद नदीमले २४ रन, कश्यप प्रजापतिले २१ रन तथा जिशन मक्सुदले अविजित १७ रन बनाए। सुरुवाती ३ विकेट ४७ रनमा गुमाएपछि तेश्रो विकेटको लागि इल्यास र नदीमले ७३ रनको साझेदारी गरेका थिए। उक्त साझेदारी टुटेपछि लगातार विकेट गुमेता पनि कप्तान मक्सुदले एक किनार सम्हाल्दै टिमलाई जितसम्म पुर्याए।

पपुवा न्यु गिनीका देब्रे हाते पेसर कबुवा मोरीए एक्लैले ५ विकेट लिएता पनि जित्न पर्याप्त रहेन। उनले ९ ओभरमा मात्र २८ रन खर्चिए। चाड सोपर र सिसि बाउले समान १ विकेट लिए।

खवर अलिले ५ विकेट लिए ( फाइल फोटो )

यस अघि टस जितेर ब्याटिंग गरेको पपुवा न्यु गिनीले ४३.२ ओभरमा सबै विकेट गुमाएर १५० रन बनाएको थियो। उसको लागि कप्तान असाद भालाले सर्वाधिक ६२ रन, लेगा सियाकाले २२ रन, जेसन किलाले १८ रन तथा टोनी उराले १७ रन बनाए। ८७ रनमा ६ विकेट गुमाएको अवस्थामा भालाले किलासंग सातौँ विकेटको लागि ४५ रनको साझेदारी गरेका थिए।

ओमानको बलिंगमा लेग स्पिनर खवर अलि एक्लैले ५ विकेट लिए जुन क्रममा ८ ओभरमा २ मेडन ओभर गर्दै १५ रन मात्र खर्चिए। यस्तै कप्तान जिशान मक्सुदले २ ( १०-१-३९-२ ) विकेट लिए भने बिलाल खान, कलेमुल्लाह र अकिब इल्यासले समान १ विकेट लिए।

आईसीसी विश्वकप लिग-२ मा ओमानको यो १७ औं खेल खेल्दा १३ औं जित हो जसपछि २६ अंक सहित ओमान पहिलो स्थानमा यथावत रहेको छ। पपुवा न्यु गिनीले भने खेलेको सबै १२ वटै खेलमा हार बेहोरेको छ।





थप समाचार

अपन राधेमाईलाई नेक्सस कप क्रिकेट उपाधि

अपन राधेमाई युथ क्लब, वीरगन्जले यू–१६ नेक्सस कप टी–२० क्रिकेट उपाधि जितेको छ । मुलपानी क्रिकेट मैदानमा मंगलबार भएको फाइनल […]

धेरै भन्दा धेरै अभ्यासको खाँचो छः रुबिना क्षेत्री

अन्तर्राष्ट्रिय प्रतियोगितामा औपचारिक सहभागितामै सिमित हुने गरेको नेपाली राष्ट्रिय टोली मलेसियामा सम्पन्न एसिसि महिला टी–२० च्याम्पियन्ससिपमा अभागी टोली बन्यो । […]

नेपालको क्रिकेट विकासमा सहयोग गर्ने आईसीसीको प्रतिबद्धता

युवा तथा खेलकुद मन्त्री महेश्वरजंग गहतराज र आईसीसीका प्रतिनिधिबीच शनिबार भेटवार्ता भएको छ । त्रिपुरेश्वरस्थित राष्ट्रिय खेलकुद परिषद्को बैठक कक्षमा […]

एसीसी महिला टी-ट्वान्टी : मलेसियालाई हराउँदै युएई च्याम्पियन

युएईले एसीसी महिला टी-ट्वान्टी च्याम्पियनसिपको उपाधि जितेको छ । मलेसियाको किनरारा ओभलमा शनिबार भएको फाइनलमा आयोजकलाई ५ विकेटले हराएर युएईले […]

नेपालको दुर्भाग्य, वर्षाले खेल पुरा नहुँदा युएई एसिया कप खेल्न छनोट

मलेसियामा जारि एसीसी महिला टि-२० प्रतियोगिता अन्तर्गत सेमीफाइनल खेल वर्षाका कारण पुरा हुन नपाउदा समुह चरणको प्रदर्शनको आधारमा युएई फाइनल […]

नेपाल हङकङसँग पराजित

एसीसी महिला टी–ट्वान्टी च्याम्पियनसिपमा नेपाल हङकङसँग पराजित भएको छ । मलेसियाको किनरारा ओभल क्रिकेट मैदानमा आज भएको समूह चरणको अन्तिम […]