ओमानमा ५ देश सम्मिलित टि-२० सुरु, नेपालको पहिलो खेल हंगकंगसंग ( सम्पूर्ण जानकारी )



जिम्बाब्वे र सिंगापुरसंग त्रिकोणात्मक सिरिज खेलेपछि नेपाली राष्ट्रिय क्रिकेट टिमले ओमानमा ५ देश सम्मिलित टि-२० सिरिज खेल्दैछ। आज सुरु भएको प्रतियोगिता अक्टोबर ११ सम्म संचालन हुनेछ।

१८ अक्टोबर देखि युएईमा सुरु हुने टि-२० विश्वकप छनौट प्रतियोगिताको तयारीको लागि ओमानले यो सिरिजको आयोजना गरेको हो। सिरिजमा आयोजक ओमान र नेपाल सहित, हंगकंग, नेदरल्याण्ड र आयरल्याण्ड पनि प्रतिस्पर्धा गर्दैछन्। नेपाल बाहेक अन्य ४ टिमले छनौट प्रतियोगिता खेल्नेछन्।

शनिवार सुरु भएको प्रतियोगिताको पहिलो दिन आयोजक ओमान र हंगकंग तथा आयरल्याण्ड र नेदरल्याण्डले प्रतिस्पर्धा गर्दैछन्। नेपालले आइतबार हंगकंगसंग खेल्दै प्रतियोगिता थालनी गर्नेछ। सहभागी ५ टिमले एक अर्का बिरुद्ध १-१ खेल खेल्नेछन् र अंक तालिकामा उत्कृस्ट हुने टिमलाई सिरिज विजेता घोषित गरिनेछ।

प्रतियोगितको खेल तालिका : 

अक्टोबर ५ ( शनिवार ) : ओमान Vs हंगकंग ( ११:४५ बजे ) , आयरल्याण्ड Vs नेदरल्याण्ड ( ३:१५ बजे )
अक्टोबर ६ ( आइतबार ) : ओमान Vs आयरल्याण्ड ( ११:४५ बजे ) , नेपाल Vs हंगकंग ( ( ३:१५ बजे ) 
अक्टोबर ७ ( सोमबार ) : नेदरल्याण्ड Vs नेपाल ( ११:४५ बजे ) , हंगकंग Vs आयरल्याण्ड ( ३:१५ बजे )
अक्टोबर ९ ( बुधबार ) : आयरल्याण्ड Vs नेपाल ( ११:४५ बजे ) , ओमान Vs नेदरल्याण्ड ( ३:१५ बजे )
अक्टोबर १० ( बिहिबार ) : नेदरल्याण्ड Vs हंगकंग ( ११:४५ बजे )  , ओमान Vs नेपाल ( ३:१५ बजे ) 

( नोट – माथि दिईएको समय नेपाली समय हो। सबै खेलहरु दिनमा खेलिनेछ )

प्रत्यक्ष प्रशारण कहाँ हेर्ने ? प्रतियोगिता अन्तर्गत सबै खेलहरु Youtube मा ओमानक्रिकेट ले प्रत्यक्ष प्रशारण गर्नेछ। यस्तै ओमान क्रिकेटको वेबसाइट OmanCricket.org मा पनि प्रत्यक्ष प्रशारण हुनेछ। ओमान क्रिकेटका अनुसार खेलमा डिसिजन रिभ्यु सिस्टम ( डीआरएस ) पनि पहिलो पटक लागु हुनेछ। नेपालले खेलेको कुनै पनि प्रतियोगितामा डीआरएस सिस्टम लागु हुन लागेको यो नै पहिलो पटक हो। डीआरएस लागु भए पछि अब रन आउट, स्टम्पिंग र नो बलको रिभ्यु गर्न पाइनेछ। तर एलबिडब्लुको लागि भने रिभ्यु हुनेछैन।

ओमानमा रहनुभएका दर्शकहरुले खेल निशुल्क हेर्न पाउनेछन्। खेलहरु अल अमेरट क्रिकेट मैदानमा हुनेछ।

नेपाली टिम : सिंगापुर त्रिकोणात्मक सिरीज खेलेको १५ सदस्यीय नेपाली टिमलेनै ओमान सिरिजमा पनि खेल्नेछ।

पारस खड्का ( कप्तान ) , इशान पाण्डे, दिपेन्द्र ऐरी, बिनोद भण्डारी, रोहित पौडेल , पवन सर्राफ, सन्दिप जोरा, कुशल मल्ल, आरिफ शेख, सोमपाल कामि, करन केसी, सन्दिप लामिछाने, ललित राजबंशी, सुशन भारि, अविनाश बोहरा





थप समाचार

अफ्रिदीको रेकर्ड तोड्दै शाकिब बने टि-२० विश्वकप इतिहासकै सर्वाधिक विकेटकर्ता

टि-ट्वान्टी विश्वकपको सुपर-१२ चरण अन्तर्गत आइतबार बंगलादेश अलराउण्डर शाकिब अल हसनले ठूलो रेकर्ड आफ्नो नाम गरेका छन्। श्रीलंका बिरुद्ध खेलमा […]

टि-ट्वान्टी विश्वकपमा आज एक मात्र खेल

युएईमा जारी टि-ट्वान्टी विश्वकपको सातौँ संस्करण अन्तर्गत अन्तर्गत सोमबार एक मात्र खेल हुँदैछ। समुह ‘२’ अन्तर्गतको खेलमा अफगानिस्तान र स्कटल्याण्ड […]

भारत बिरुद्ध पाकिस्तानको जितमा बनेका ५ ठूला रेकर्ड

विश्वकप जित्न दावेदार तथा बलियो टिम मानिएको भारतलाई १० विकेटले सहजै पराजित गर्दै पाकिस्तानले टि-ट्वान्टी विश्वकप २०२१ को शानदार सुरुवात […]

भारत बिरुद्ध जितपछि पाकिस्तान कप्तान आजमले भने “यो सुरुवात मात्र हो”

क्रिकेट इतिहासमै पहिलो पटक भारत बिरुद्ध आईसीसी विश्वकपको खेल जितेपछि पाकिस्तान कप्तान बाबर आजमले जितको श्रेय टिमलाई दिएका छन्। एकदिवसीय […]

T20WC : पाकिस्तानसंग हारपछि भारतीय कप्तान कोहलीले के बताए कारण

अन्तर्राष्ट्रिय क्रिकेट परिषद ( आईसीसी ) को विश्वकप इतिहासमै पहिलो पटक पाकिस्तानसंग पराजित भएपछि भारतीय कप्तान बिराट कोहलीले पाकिस्तानी टिमको […]

भारत बिरुद्ध ऐतिहासिक जितमा उत्कृस्ट घोषित अफ्रिदीले के भने

भारत बिरुद्ध टि-ट्वान्टी विश्वकपमा पाकिस्ताले ऐतिहासिक जित हात पार्दा पाकिस्तानी पेसर शाहिन शाह अफ्रिदी प्लेयर अफ द म्याच चुनिए। बायाँ […]