ओमान र अमेरिकालाई एकदिवसीय अन्तर्राष्ट्रियको राष्ट्रको मान्यता



  • विकेटनेपाल, बैशाख-११ 

अमेरिका र ओमानले अन्तर्राष्ट्रिय क्रिकेट परिषदको एकदिवसीय अन्तर्राष्ट्रिय राष्ट्रको मान्यता पाउने पक्का भएको छ।

गत वर्ष जिम्बाबेमा आयोजित एकदिवसीय विश्वकप छनौट प्रतियोगितामा नेपालले एकदिवसीय राष्ट्रको मान्यता पाएको थियो। १२ टेस्ट राष्ट्र पछि स्कटल्याण्ड, युएई, नेपाल र नेदरल्याण्डले एकदिवसीय रास्ट्रको मान्यता पाएको थियो।

नामिबियामा जारी आईसीसी बिश्व क्रिकेट लिग डिभिजन-२ प्रतियोगितामा सहभागी ६ टिम मध्ये उत्कृस्ट ४ टिमलाई आईसीसीले एकदिवसीय राष्ट्रको मान्यता दिंदैछ। डिभिजन-२ पछि अब एकदिवसीय राष्ट्रको मान्यता पाउने देशको संख्या २० पुग्नेछ।

सोहि अनुरुप प्रतियोगितामा १ खेल खेल्न बाँकी रहँदै अमेरिकाले एकदिवसीय राष्ट्रको मान्यता पाएको छ। उता ओमनाले लगातार ४ खेल जित्दै एकदिवसीय अन्तर्राष्ट्रिय राष्ट्रको मान्यता सुनिस्चित गर्यो।

ओमानले प्रतियोगितामा अमेरिकालाई पहिलो खेलमा, दोश्रो खेलमा क्यानडा तथा तेश्रो खेलमा हंगकंगलाई पराजित गरिसकेको छ। आजको खेलमा क्यानडाले पपुवा न्यु गिनीलाई पराजित गरे ओमानको एकदिवसीय मान्यता निश्चित थियो। सोहि अनुरुप क्यानडाले पपुवा न्यु गिनीलाई ३ विकेटले पराजित गर्यो। तथापी ओमानले नामिबियालाई पराजित गर्दै चौथो जित दर्ता गर्यो।

ओमानले एकदिवसीय अन्तर्राष्ट्रिय राष्ट्रको मान्यता पाएको यो पहिलो पटक हो। वर्तमानमा यो मान्यता पाउने ओमान १७ औं राष्ट्र बन्यो।

सन् २०१६ मा डिभिजन-५ खेलेको ओमानले त्यसपछि २०१७ मा डिभिजन-४ र डिभिजन-३ हुँदै २०१९ मा ३ वर्षको अन्तरमा एकदिवसीय राष्ट्रको मान्यता पायो।

अमेरिका बन्यो १८ औं राष्ट्र, ओमानसंग हार पछि लगातार तेश्रो जित  

नेपाली राष्ट्रिय क्रिकेट टिमका पुर्व प्रशिक्षक पुबुदु दासानायकेको प्रशिक्षणमा रहेको अमेरिका एकदिवसीय अन्तर्राष्ट्रिय मान्यता पाउने १८ औं राष्ट्र बनेको छ। पुबुदुको कार्यकालमा त नेपालले एकदिवसी रास्ट्रको मान्यता पाउन सकेन तर उनको प्रशिक्षणमा अमेरिकाले भने एकदिवसीय राष्ट्र बन्दै उनको सपना पुरा गरेको छ।

जारि डिभिजन-२ को पहिलो खेलमा ओमानसंग ६ विकेटले पराजित भएको अमेरिकाले त्यसपछि लगातार ३ खेलमा जित हात पार्ने क्रममा नामिबिया, पपुवा न्यु गिनी र हंगकंगलाई पराजित गर्यो।

आजको खेलमा अमेरिकाले हंगकंगलाई पराजित गरे एकदिवसीय राष्ट्र हुने निश्चित थियो। जस अनुरुप पहिले ब्याटिंग गर्दै अमेरिकाले दिइएको २८१ रन लक्ष्य पछ्याउने क्रममा हंगकंगले १९६ रन मात्र बनाउन सक्यो। ८४ रनको जितको साथै अमेरिकाले एकदिवसीय अन्तर्राष्ट्रियको मान्यता समेत पायो।

अमेरिकाले अधिकारिक रुपमा एकदिवसीय अन्तर्राष्ट्रियको मान्यता पाएको यो पहिलो पटक हो। सन् २००४ को आईसीसी च्याम्पियन्स ट्रफीमा अमेरिका छनौट हुँदा आईसीसीले अमेरिकालाई अस्थाई रुपमा प्रतियोगिताको लागि एकदिवसीय राष्ट्रको मान्यता दिएको थियो।

अब बाँकी २ रास्ट्र को होलान् ?

बिश्व क्रिकेट लिग डिभिजन-२ अन्तर्गत आज ओमानले नामिबियालाई पराजित गर्दै चौथो जित दर्ता गरको छ भने अमेरिकाले ४ खेलमा ३ जित र १ हार बेहोरेको छ। अमेरिका र ओमान दुवैले एकदिवसीय अन्तर्राष्ट्रिय राष्ट्रको मान्यता पाईसकेको छ।

अंकतालिकामा तेश्रो स्थानमा रहेको नामिबियाको ४ खेलमा २ जित र २ हार रहेको छ। उता हंगकंग, क्यानडा र पपुवा न्यु गिनीको ४ खेलमा १ जित र ३ हार रहेको छ।

credit – @BdJcricket

अब नामिबियाले आफ्नो अन्तिम खेलमा शुक्रबार हंगकंगलाई पराजित गरको खण्डमा एकदिवसीय राष्ट्रको मान्यता निश्चित हुनेछ। अर्को तर्फ १/१ जित हात पारेको क्यानडा, हंगकंग र पपुवा न्यु गिनीले पनि अन्तिम खेलमा जित दर्ता गरे मान्यता पाउने सम्भावना रहन्छ।

शुक्रबार हुने डिभिजन-२ को अन्तिम ३ खेलमा क्यानडा र अमेरिका, नामिबिया र हंगकंग तथा ओमान र पपुवा न्यु गिनीले प्रतिस्पर्धा गर्नेछन्।





थप समाचार

IPL : मुम्बईलाई हराउदै दिल्ली दोश्रो स्थानमा उक्लियो

भारतमा जारि १४ औं आईपीएल अन्तर्गत १३ औं खेलमा दिल्ली क्यापिटल्सले डिफेन्डिङ च्याम्पियन मुम्बई इन्डीयन्सलाई ६ विकेटले पराजित गरेको छ। […]

अमित मिश्राले शानदार बलिंग गर्दा मुम्बईको चलेन ब्याटिंग

१४ औं आईपीएल अन्तर्गत १३ औं खेलमा मुम्बई इन्डीयन्स र दिल्ली क्यापिटल्स प्रतिस्पर्धा गरिरहेका छन्। चेन्नाई स्थित एमए चिदम्बरम स्टेडियममा […]

नेपाल बिरुद्ध जितमा नेदरल्याण्डले बनायो ६ ठुला रेकर्ड

नेपाललाई ३ विकेटले स्तब्ध पार्दै नेदरल्याण्डले नेपालमा जारी त्रि-देशीय टि-ट्वान्टीमा दोश्रो जित दर्ता गर्न सफल रह्यो। नेपालले दिएको २०७ रनको […]

कप्तान मल्लले बताए सोमपाललाई तेश्रो ओभर बलिंग नदिनुको कारण

त्रि-देशीय सिरिजमा नेदरल्याण्डसंग हार पछि नेपाली टिमका कप्तान ज्ञानेन्द्र मल्लले डेथ ओभरमा सोमपाल हुँदा हुँदै सन्दिप लामिछानेलाई १८ औं ओभरमा […]

रोमान्चक खेलमा नेपाल बिरुद्ध नेदरल्याण्डको कीर्तिमानी जित, लिडेको कीर्तिमानी ब्याटिंग

नेपालमा जारी त्रि-देशीय टि-२० सिरिज अन्तर्गत चौथो खेलमा नेदरल्याण्डले नेपाललाई ३ विकेटले पराजित गर्दै दोश्रो जित दर्ता गरेको छ। टियु […]

कुशलले बनाए विश्वकीर्तिमान, नेदरल्याण्ड बिरुद्ध नेपालको किर्तिमानी योगफल

नेपालमा जारि नेपाल, नेदरल्याण्ड र मलेसिया सम्मिलित त्रि-देशीय टि-ट्वान्टी सिरिज अन्तर्गत चौथो खेलमा नेपाल र नेदरल्याण्ड प्रतिस्पर्धा गरिरहेका छन्। टियु […]