ओमानद्वारा अमेरिका ७२ रनले पराजित, सिरिज समाप्तिमा अंकतालिकाको अवस्था



अमेरिकालाई ७२ रनले पराजित गर्दै ओमानले आईसीसी विश्वकप लिग-२ अन्तर्गत एघारौं जित दर्ता गर्न सफल भएको छ।

अल अमिरात मैदानमा सम्पन्न त्रिकोणात्मक एकदिवसीय अन्तर्राष्ट्रिय सिरिजको अन्तिम खेलमा ओमानले दिएको २७५ रनको लक्ष्य पछ्याएको अमेरिकाले ३९.५ ओभरमा सबै विकेट गुमाएर २०२ रन मात्र बनाउन सक्यो। अमेरिकाको लागि मोनाक पटेलले सर्वाधिक ५६ रन, गजानन्द सिंहले ४८ रन बनाए।

ओमानका देब्रे हाते स्पिनर आयान खानले सर्वाधिक ४ विकेट ( ८-०-३६-४ ) लिए भने खवर अलिले ३ विकेट ( ८.५-०-४९-२३ ) लिए। बिलाल खान र कलेमुल्लाहले समान १ विकेट लिए।

यस अघि टस हारेर ब्याटिंग गरेको ओमानले निर्धारित ५० ओभरमा ७ विकेट गुमाएर २७४ रन बनाएको थियो। ओमानको लागि कप्तान जिशान मक्सुदले सर्वाधिक ५३ रन, जतिन्दर सिंहले ४२ रन, आयान खानले ४१ रन, नसिम खुसिले ३५ रन तथा डेब्यु गरेका ओपनर पृथ्वीकुमार मच्ची र सन्दिप गौडले समान २५ रन तथा कलेमुल्लाहले अविजित १६ रन योगदान दिए।

अमेरिकाको बलिंगमा देब्रे हाते स्पिनर नोस्थुस किन्जिगेले सर्वाधिक ३ विकेट ( १०-०-४९-३ ) लिए। स्टेभेन टेलर , निसर्ग पटेल र करिमा गोरेले समान १ विकेट लिए।

सिरिज अन्तर्गत ओमानले ४ खेलमा ३ जित र १ हार बेहोर्यो भने अमेरिकाले ४ खेलमा १ जित र ३ हार बेहोर्यो। नेपालले २ जित र २ हार बेहोर्यो। ओमानले अमेरिकालाई दुवै खेलमा पराजित गर्यो भने नेपालसंग एक खेलमा हार बेहोर्यो। अमेरिकाले नेपाललाई एक खेलमा पराजित गर्यो भने ओमानसंग दुवै खेलमा तथा नेपालसंग एक खेलमा हार बेहोर्यो। नेपालले ओमान र अमेरिकालाई एक/एक खेलमा पराजित गर्दा एक/एक खेलमा हार पनि बेहोर्न पुग्यो।

त्रिकोणात्मक सिरिज पछि ओमान आईसीसी विश्व कप लिग-२ अंकतालिकामा १४ खेलमा ११ जित र ३ हार सहित २२ अंक बटुल्दै शिर्ष स्थानमा रहेको छ। अमेरिका १६ खेलमा ७ जित र ९ हार पछि दोश्रो स्थानमा छ। नेपाल ८ खेलमा ४ जित र ४ हार पछि चौंथो स्थानमा रहेको छ।





थप समाचार

धेरै भन्दा धेरै अभ्यासको खाँचो छः रुबिना क्षेत्री

अन्तर्राष्ट्रिय प्रतियोगितामा औपचारिक सहभागितामै सिमित हुने गरेको नेपाली राष्ट्रिय टोली मलेसियामा सम्पन्न एसिसि महिला टी–२० च्याम्पियन्ससिपमा अभागी टोली बन्यो । […]

नेपालको क्रिकेट विकासमा सहयोग गर्ने आईसीसीको प्रतिबद्धता

युवा तथा खेलकुद मन्त्री महेश्वरजंग गहतराज र आईसीसीका प्रतिनिधिबीच शनिबार भेटवार्ता भएको छ । त्रिपुरेश्वरस्थित राष्ट्रिय खेलकुद परिषद्को बैठक कक्षमा […]

एसीसी महिला टी-ट्वान्टी : मलेसियालाई हराउँदै युएई च्याम्पियन

युएईले एसीसी महिला टी-ट्वान्टी च्याम्पियनसिपको उपाधि जितेको छ । मलेसियाको किनरारा ओभलमा शनिबार भएको फाइनलमा आयोजकलाई ५ विकेटले हराएर युएईले […]

नेपालको दुर्भाग्य, वर्षाले खेल पुरा नहुँदा युएई एसिया कप खेल्न छनोट

मलेसियामा जारि एसीसी महिला टि-२० प्रतियोगिता अन्तर्गत सेमीफाइनल खेल वर्षाका कारण पुरा हुन नपाउदा समुह चरणको प्रदर्शनको आधारमा युएई फाइनल […]

नेपाल हङकङसँग पराजित

एसीसी महिला टी–ट्वान्टी च्याम्पियनसिपमा नेपाल हङकङसँग पराजित भएको छ । मलेसियाको किनरारा ओभल क्रिकेट मैदानमा आज भएको समूह चरणको अन्तिम […]

एसीसी महिला टी-२० च्याम्पियनसिप : आज हङकङ भिड्दै नेपाल

काठमाडौँ । मलेसियामा जारी एसीसी महिला टी-ट्वान्टी च्याम्पियनसिप अन्तर्गत नेपालले आज मंगलबार हङकङसँग प्रतिस्पर्धा गर्दैछ । किनरारा ओभलमा नेपालले चौंथो […]