अर्किड कलेजको जित : एसएसपी कप चितवन



विकेटनेपाल , १७ पुष ,
– राकेश तिमल्सिना, चितवन
सचिन पौडेलको शानदार अर्धशतकीय पारीको मद्दतमा चितवनमा जारी चौथो क्याची एसएसपी कप २०१७ को उद्घाटन खेलमा अर्किड कलेज, भरतपुरले प्रेसिडेन्सी कलेज, भरतपुर विरद्ध ६७ रनको जित निकालेको छ ।

विशाल चोकस्थित नौ बिगाहा मैदानमा भएको खेलमा टस जितेर पहिले ब्याटिङ रोजेको अर्किडले पुरा २० ओभर खेल्दै ८ विकेटको क्षतिमा १ सय ४५ रन जोडेको थियो । उस्का लागि सचिन पौडेलले ५१ बल खेल्दै सर्वाधिक ६० रन जोडे । त्यस्तै, कप्तान मन्जिल न्यौपानेले १८, आशिष जिसीले १६ र गौतम केसीले १३ रन अर्किडको खातामा थपे । बलिङतर्फ प्रिसिडेन्सीका विमलले ३ र हरिबाबुले २ विकेट लिए ।

१ सय ४६ रनको लक्ष्य लिएर जवाफी ब्याटिङका लागि मैदान उत्रिएको प्रेसिडेन्सी १३ ओभर ३ बलमा ७८ रन बनाउदा अलआउट भयो । उस्का लागि कप्तान विश्वास थापाले १० र बिमलले १५ रन जोड्नु बाहेक अन्य ब्याट्सम्यानले दोहोरो अंक बनाउन सकेनन् । प्रेसिडेन्सीको पारी ध्वस्त बनाउनेक्रममा राजेश लम्सालले ३ र मन्दिपले २ विकेट लिए ।

अर्धशतकीय पारी खेलेका अर्किडका सचिन पौडेल म्यान अफ द म्याच घोषित हुदै डिटिसीको मोबाइल सेट प्राप्त गरे । उनलाई कार्यक्रम संयोजक अनिल अधिकारी र सम्मानित अतिथि नेवि संघ चितवनका उपाध्यक्ष तथा वीरेन्द्र बहुमुखी क्याम्पसका पुर्व स्ववियु सचिव मित्रनिधि तिवारीले डिटिसीको मोबाइल सेट संयुक्त रुपमा प्रदान गर्नुभएको थियो ।

प्रतियोगिता अन्र्तगत भोलिको खेलमा बिहान १० बजे कृषि तथा वनविज्ञान कलेज, रामपुर र प्रेसीडेन्सी कलेज, भरतपुर आमनेसामने हुनेछन् । पुस २९ गतेसम्म चल्ने प्रतियोगिताको मुख्य प्रायोजक क्याची एजुकेशन कन्सलटेन्सी हो । प्रतियोगितामा १८ टिमलाइ फस्र्ट कम फस्र्ट सर्भ शैलीमा प्रतिस्पर्धा गराइने छ ।





थप समाचार

शाहिन अफ्रिदी आईसीसी वर्ष पुरुष क्रिकेटर २०२१ घोषित, कसले जिते के अवार्ड

पाकिस्तानी फास्ट बलर शाहिन शाह अफ्रिदी सर गारफिल्ड सोबर्स आईसीसीको वर्ष पुरुष क्रिकेटर घोषित भएका छन्। अफ्रिदीले वर्ष २०२१ मा […]

वेस्टइन्डिजका होसेनले तोडे सोमपालको विश्वरेकर्ड

नेपाली राष्ट्रिय क्रिकेटर सोमपाल कामिले सन् २०१४ मा बनाएको विश्वकीर्तिमान वेस्टइन्डिजका अकेल होसेनले तोडेका छन्। सोमपालले सन् २०१४ नोभेम्बर २४ […]

‘गुट-उपगुट पनि पुनरागमन गर्न नसक्नुको कारण’ – अनिल मण्डल

नेपाली राष्ट्रिय क्रिकेट टिमका पूर्व ओपनिंग ब्याट्सम्यान अनिल मण्डलले राष्ट्रिय क्रिकेट टिम भित्रको तत्कालिन ‘गुट-उपगुट’ पनि पुनरागमन गर्न नसक्नुको कारण […]

२६ फोटोमा हेर्नुस राष्ट्रिय टिम कसरि गर्दैछ विश्वकप छनोटको तयारी

प्रधानमन्त्री कप राष्ट्रिय टि-ट्वान्टी प्रतियोगिता समाप्त भएपछि नेपाली रास्ट्रिय क्रिकेट टिमले टि-२० विश्वकप छनोटको लागि दोश्रो चरणको प्रशिक्षण थालेको छ। […]

यी हुन् आईपीएल अक्सनमा दर्ता हुने १५ नेपाली खेलाडी, सबैको बोलि नलाग्ने

नेपाल क्रिकेट संघ ( क्यान ) ले इन्डियन प्रिमियर लिग ( आईपीएल ) मा को अक्सनमा सहभागी हुने १५ जना […]

बिग ब्यास छोडेर नेपाल फर्कनुको कारण बताउदै सन्दिपले भने “राष्ट्रिय टोली प्रमुख प्राथमिकता”

नेपाली राष्ट्रिय क्रिकेट टोलीका कप्तान सन्दीप लामिछानेले नेपालको झण्डाभन्दा ठूलो कोही नभएको बताएका छन् । अस्ट्रेलियामा जारी बिग ब्यास लिगको […]