एपीएफलाई स्तब्ध पार्दै प्रदेश-१ लाई प्रधानमन्त्री कप महिला राष्ट्रियको उपाधि



विभागीय टोलि तथा डिफेन्डिङ च्याम्पियन शशस्त्र प्रहरी बल एपीएफलाई रोमान्चक खेलमा पराजित गर्दै प्रदेश नम्बर १ ले पहिलोपटक प्रधानमन्त्री कप महिला टि-२० राष्ट्रिय प्रतियोगिताको उपाधि जितेको छ।

दाङको लमही क्रिकेट मैदानमा सम्पन्न खेलमा प्रदेश-१ ले दिएको १०६ रनको लक्ष्य पछ्याउने क्रममा एपीएफले पुरै २० ओभर ब्याटिंग गरेता पनि ७ विकेट गुमाएर ९९ रन मात्र बनाउन सक्यो। स्कोरकार्ड 

प्रधानमन्त्री कप महिला राष्ट्रिय प्रतियोगिताको यस अघिको लगातार ३ संस्करण एपीएफले जितेको थियो भने त्यस अघिको पहिलो संस्करण जनकपुरले जितेको थियो। प्रदेश-१ ले गत संस्करणको सेमीफाइनलमा एपीएफसंग पराजित भएको थियो। उपाधि सहित प्रदेश-१ ले ५ लाख रुपैयाँ तथा उपविजेता एपीएफले ३ लाख रुपैयाँ हात पार्यो।

लक्ष्य पछ्याउने क्रममा एपीएफले खराब सुरुवात गरेको थियो। ३२ रनको योगफलमा ५ शिर्ष ब्याटसउमन पेभेलियन फर्कीसकेका थिए। ज्योति पाण्डे १४, राजमती ऐरी ०, इन्दु बर्मा ७, सरिता मगर ६ तथा सोनु खड्का १ रन बनाएर पेभेलियन फर्किए।

दबाबमा पाँचौ नम्बरमा ब्याटिंगमा आएकी ममता चौधरी र सातौँ नम्बरमा आएकी करुणा भण्डारीले अर्धशतकीय साझेदारी गर्दै टिमलाई जितको आशा दिलाए। जितको लागि अन्तिम ओभरमा १३ रन आवस्यक रहंदा पहिलो बलमा २ रन बनाएपछि ममता चौधरी रन आउट हुँदै पेभेलियन फर्किईन्। ममता र करुणा बीच ६४ रनको साझेदारी टुट्यो। संगीताले कप्तान सिता राना मगरलाई पाँचौ बलमा स्टम्प आउट गरिन्। ओभरमा मात्र ६ रन खर्चिएपछि एपीएफ ६ रनले पराजित हुन पुग्यो।

ममता चौधरीले ३४ तथा करुणा भण्डारीले अविजित २६ रन बनाएता पनि टिमलाई जितसम्म पुर्याउन सकेनन्।

फाइनल खेल हेर्न उपस्थित दर्शकहरु

प्रदेश-१ को बलिंगमा कप्तान रुबिना क्षेत्री ( ४-०-१४-२ ) र अलिशा खडीया ( ४-०-१३-२ ) ले समान २ विकेट तथा संगीता राई ( ४-०-२५-१ ) ले १ विकेट हात पारे।

यस अघि टस जितेर ब्याटिंग रोजेको प्रदेश-१ ले निर्धारित २० ओभरमा ४ विकेट गुमाएर १०५ रन बनाएको थियो।

प्रदेश-१ को ब्याटिंगमा ओपनर अप्सरी बेगमले सर्वाधिक ३५, काजल श्रेष्ठले अविजित २९ तथा कप्तान रुबिना क्षेत्रीले १८ रन योगदान दिए।

नियमित ओभर काजल श्रेष्ठको स्थानमा ओपनिंग ब्याटिंगम आएकी अप्सरी बेगम र कप्तान रुबिना क्षेत्रीले ५८ रनको ओपनिंग साझेदारी गर्दै टिमलाई राम्रो सुरुवात दिलाएका थिए। १३ औं ओभरमा रुबिना र अप्सरी दुवैलाई एपीएफ कप्तान सिता राना मगरले पेभेलियन फर्काइन्। त्यसपछि सिताले रोम थापाको पनि विकेट लिंदै प्रदेश-१ लाई इनिंगको अन्तिममा दबाब बनाइन्। त्यसपछि तेश्रो नम्बरमा ब्याटिंग गरेकी काजल श्रेष्ठले एक किनार सम्हाल्दै अन्तिमसम ब्याटिंग गरिन्।

एपीएफको बलिंगमा कप्तान सिता राना मगरले सर्वाधिक ३ विकेट हात पारिन् जुन क्रममा ४ ओभरमा १७ रन खर्चिन्। करुणा भण्डारीले १ विकेट ( ४-०-१८-१ ) हात पारिन्।





थप समाचार

प्रम कप : रोमान्चक खेलमा एपीएफद्वारा आर्मी ६ रनले पराजित, एपीएफ समुह विजेता

त्रिभुवन आर्मी क्लबलाई ६ रनले पराजित गर्दै नेपाल एपीएफ क्लब प्रधानमन्त्री कप एकदिवसीय राष्ट्रिय प्रतियोगिताको समुह ‘ए’ को विजेताको रुपमा […]

प्रम कप : पुलिस सेमीफाइनलमा

समुह चरणको अन्तिम खेलमा प्रदेश-२ लाई पराजित गर्दै नेपाल पुलिस क्लब प्रधानमन्त्री कप एकदिवसीय राष्ट्रिय प्रतियोगिताको सेमीफाइनल प्रवेश गरेको छ। […]

अफगानिस्तानको जितमा रहमतको शतक

दोश्रो एकदिवसीय अन्तर्राष्ट्रियमा ७ विकेटले आयरल्याण्डलाई पराजित गर्दै अफगानिस्तानले तिन खेलको सिरिज १ खेल अगावै २-० ले जित्न सफल भएको […]

बिग ब्यास : सन्दिपको शानदार प्रदर्शन, होबार्टको प्लेअफ सम्भावना कायमै

अष्ट्रेलियामा जारि १० औं संस्करणको बिग ब्यास लिग अन्तर्गत आइतबार सम्पन्न ५२ औं खेलमा होबार्ट हरिकेन्सले सिड्नी सिक्सरलाई ७ रनले […]

प्रम कप : लुम्बिनी र बागमतीको खेल बराबरीमा टुंगियो, बागमती सेमीफाइनलमा

प्रधानमन्त्री कप एकदिवसीय राष्ट्रिय प्रतियोगिता अन्तर्गत आइतबार मुलपानी मैदानमा सम्पन्न समुह ‘बि’ अन्तर्गतको खेल बराबरीमा टुंगिएको छ। स्कोरकार्ड, अंकतालिका बागमती प्रदेशले […]

प्रम कप : सुदूरपश्चिमको सान्त्वना जित, प्रदेश-२ को लगातार तेश्रो हार

प्रदेश-१ लाई पराजित गर्दै सुदूरपश्चिम प्रदेशले प्रधानमन्त्री कप एकदिवसीय राष्ट्रिय प्रतियोगितामा पहिलो जित दर्ता गरेको छ। यस अघिनै सुदूरपश्चिम तिनवटा […]